ಮಂಡ್ಯದ ಕಾವೇರಿ ನಗರದ ಅಭಿಷೇಕ್ ಮತ್ತು ಸಹನಾ ದಂಪತಿಯ ಮಗು ಚಾರ್ವಿ ಕನ್ನಡ, ಇಂಗ್ಲಿಷ್ ಪದ್ಯಗಳು, ವಿವಿಧ ತರಕಾರಿಗಳ ಹೆಸರು, ರಾಷ್ಟ್ರ ನಾಯಕರು, ನಾನಾ ದೇಶಗಳ ಹೆಸರು, ಕನ್ನಡದಲ್ಲಿ ಶ್ಲೋಕಗಳನ್ನು ಅಚ್ಚುಕಟ್ಟಾಗಿ ಹೇಳುವ ಮೂಲಕ ಸೈ ಎನಿಸಿಕೊಂಡಿದೆ. ಈ ಪಾಲಕರು ಆರಂಭದಲ್ಲಿ ಮಗುವಿಗೆ ಊಟ ಮಾಡಿಸುವಾಗ ಹೇಳಿಕೊಟ್ಟ ಕನ್ನಡ ಮತ್ತು ಇಂಗ್ಲಿಷ್ ಪದ್ಯಗಳನ್ನು ಮಗು ಮನನ ಮಾಡಿಕೊಂಡು ಅದನ್ನೇ ಅಭ್ಯಾಸವಾಗಿ ಮುಂದುವರಿಸಿದೆ. 25 ರಾಜ್ಯಗಳ ರಾಜಧಾನಿಗಳ ಹೆಸರು, ಇಂಗ್ಲಿಷ್- ಕನ್ನಡ ಅಂಕಿಗಳು, 6 ಶ್ಲೋಕಗಳು, ಜ್ಞಾನಪೀಠ ಪ್ರಶಸ್ತಿ ಪಡೆದ 8 ಸಾಹಿತಿಗಳ ಹೆಸರು, ಗ್ರಹಗಳು, 17 ಇಂಗ್ಲಿಷ್ ಮತ್ತು ಕನ್ನಡ ಪದ್ಯಗಳು, 13 ದೇಶಗಳ ಲಾಂಛನ ಗುರುತಿಸುವುದು, ಕಂಪ್ಯೂಟರ್ನ 14 ಭಾಗಗಳನ್ನು ಗುರುತಿಸುವುದು, ದೇಹದ 14 ಭಾಗಗಳು ಮತ್ತು 25 ದೇಶಗಳ ಬಾವುಟದ ಹೆಸರು ಹೇಳುವುದು, 17 ತರಕಾರಿಗಳು, 32 ವಾಹನಗಳು, 39 ಪ್ರಾಣಿಗಳು, 19 ಹಣ್ಣುಗಳು, 16 ನಾಯಕರು, 16 ವಸ್ತುಗಳು, 14 ಪಕ್ಷಿಗಳ ಹೆಸರು ಹೇಳುವ ಮೂಲಕ ಚಾರ್ವಿ ಎಲ್ಲರ ಮೆಚ್ಚುಗೆ ಪಡೆಯುತ್ತಿದ್ದಾಳೆ. ಬಾಲ್ಯದಿಂದಲೂ ಒಳ್ಳೆಯ ಗ್ರಹಿಕಾ ಶಕ್ತಿ ಹೊಂದಿದ್ದಾಳೆ. ಪ್ರತಿದಿನವೂ ಹೊಸ ಹೊಸ ಮಾಹಿತಿಯನ್ನು ಪಾಲಕರು ಅವಳಿಗೆ ಹೇಳಿಕೊಡುತ್ತಿದ್ದಾರೆ. ಬಾಲ್ಯದಲ್ಲಿ ಅವಳ ಗ್ರಹಿಕಾ ಶಕ್ತಿ ಪಾಲಕರನ್ನು ಆಶ್ಚರ್ಯಗೊಳಿಸಿತ್ತು. ಏನಾದರೂ ಹೇಳಿದರೆ ಅದನ್ನು ಕುತೂಹಲದಿಂದ ಕೇಳá-ತ್ತಿದ್ದಳು. ಅವಳಿಗೆ ಜ್ಞಾಪಕ ಶಕ್ತಿ ಹೆಚ್ಚುತ್ತಿದೆ. ಎಲ್ಲವನ್ನೂ ತಿಳಿದು ನೆನಪಿನಲ್ಲಿಟ್ಟುಕೊಳ್ಳುತ್ತಾಳೆ. ಯಾರಾದರೂ ಕೇಳಿದರೆ ಸಮರ್ಪಕವಾಗಿ ಉತ್ತರ ನೀಡುತ್ತಾಳೆ.
