ಅಂತೆಯೇ ಪ್ರತಿಯೊಬ್ಬರೂ ದೈಹಿಕ, ಮಾನಸಿಕ, ಸಾಮಾಜಿಕ, ಸಾಂಸ್ಕೃತಿಕ, ಶೈಕ್ಷಣಿಕ ಹಾಗೂ ಭಾವನಾತ್ಮಕವಾಗಿ ನಮ್ಮದೇ ರೀತಿಯಲ್ಲಿ ವಿಶಿಷ್ಠವಾದ ವ್ಯಕ್ತಿತ್ವ ಹೊಂದಿದ್ದು ವಿಭಿನ್ನವಾಗಿ, ವಿಶೇಷವಾಗಿದ್ದೇವೆ. ಜೈವಿಕ ಅಂಶಗಳು, ವಾತಾವರಣ, ಭಾವನಾತ್ಮಕ ಅಂಶಗಳು, ಆಸಕ್ತಿ ವಯಸ್ಸು, ಸೃಜನಶೀಲತೆ, ವಿಷಯ ಹಾಗೂ ವ್ಯಕ್ತಿ ಪ್ರಭಾವ ಇನ್ನೂ ಅನೇಕ ಅಂಶಗಳು ವ್ಯಕ್ತಿಯ ವಿಭಿನ್ನತೆಗೆ ಕಾರಣವಾಗಿವೆ. ಇದು ಪ್ರಕೃತಿಸಹಜ ಹಾಗೂ ಸುಂದರ. ಹೀಗಿರುವಾಗ ನಾವು ನಮ್ಮನ್ನು ಹಾಗೂ ಇತರರನ್ನು "ಇದ್ದ ಹಾಗೆಯೇ" ವೈಯುಕ್ತಿಕ ವಿಭಿನ್ನತೆಯೊಂದಿಗೆ ಒಪ್ಪಿಕೊಳ್ಳುವ ಮನೋಭಾವ ಬೆಳೆಸಿಕೊಳ್ಳುವುದು ಅಗತ್ಯ ಎನಿಸುವುದಿಲ್ಲವೇ? ಇದರ ಬಗ್ಗೆ ನಮಗೆ ಹೆಮ್ಮೆ ಹಾಗೂ ಗೌರವ ಇರುವುದು ಮುಖ್ಯ.
