ಇನ್ನೊಂದು ಅಂಶವೇನೆಂದರೆ, ಬಂಡವಾಳ ಹೂಡುವವರಿಗೆ ನಮ್ಮ ದೇಶದ ವಿವಿಧ ರಾಜ್ಯಗಳ ಕಾನೂನುಗಳ ಅಸ್ಪಷ್ಟತೆ ಕಾಡುತ್ತವೆ. ಸಿವಿಲ್ ಪ್ರಕರಣಗಳಲ್ಲಿ, ಕಾನೂನಿನ ಪ್ರಕ್ರಿಯೆ ಎಷ್ಟು ಮಂದಗತಿಯಲ್ಲಿ ಸಾಗುತ್ತದೆ ಎಂದರೆ ಒಂದು ಪ್ರಕರಣದ ತೀರ್ಪಿಗೆ ಸುಮಾರು 20 ವರ್ಷಗಳು ಕಾಯಬೇಕಾಗಬಹುದು. ದೊಡ್ಡ ವಹಿವಾಟುಗಳನ್ನು ನಡೆಸುವಾಗ, ಸಣ್ಣಪುಟ್ಟ ಸಮಸ್ಯೆಗಳಿಂದ ದಾವೆಗಳು ಎದುರಾಗಬಹುದು. ಆದರೆ ಅವುಗಳಿಂದ ಉದ್ಯಮಗಳಿಗೆ ತೊಂದರೆ ಆಗಬಾರದು. ಅಂತಹ ಸಮಸ್ಯೆಗಳು ಬೇಗ ಪರಿಹಾರವಾಗುವುದು ಬಹಳ ಮುಖ್ಯ. ಹಾಗಾದರೆ ಮಾತ್ರ ಉದ್ಯಮಗಳ ಏಳಿಗೆ ಆಗುತ್ತದೆ, ಹಾಗೆಯೇ ದೇಶದ ಏಳಿಗೆ ಕೂಡ. ಆದ್ದರಿಂದ ಕೋಟ್ಯಂತರ ಹೂಡಿಕೆಯುಳ್ಳ ಉದ್ಯಮಕ್ಕೆ ಪಿಐಎಲ್ ಮತ್ತು ದಾವೆಗಳಿಂದ 5 ವರ್ಷಗಳ ಕಾಲ ವಿನಾಯಿತಿ ಕೊಡಬೇಕು. ಇಂತಹ ಕಾರ್ಯನೀತಿಗಳ ಬದಲಾವಣೆ ಮಾಡಿದರೆ, ಆರ್ಥಿಕ ವ್ಯವಸ್ಥೆಯನ್ನು ಸುಭದ್ರಗೊಳಿಸಬಹುದು.
