ಮನುಷ್ಯತ್ವ: ಶಿಕ್ಷಣ, ಜ್ಞಾನ, ಸಂಸ್ಕಾರ ಹಾಗೂ ಬುದ್ದಿಮತ್ತೆಯಿಂದ, ಮನುಷ್ಯ, ಮೃಗತ್ವದಿಂದ ಮನುಷ್ಯತ್ವವನ್ನು ಏರಿ ಮಾನವನಾಗಿ ಬಾಳಬಲ್ಲ. ಆದುದರಿಂದಲೇ ಹಸಿವೆಯಾಗಿದೆ ಎಂದ ಮಾತ್ರಕ್ಕೆ ಉಪವಾಸವಿದ್ದರೂ ಸರಿ, ಇನ್ನೊಬ್ಬರ ತಟ್ಟೆಗೆ ಕೈ ಹಾಕಲಾರ, ಬಾಯಾರಿಕೆಯಾದರೂ ಚರಂಡಿ ನೀರನ್ನು ಕುಡಿಯಲಾರ, ಪರಸ್ತ್ರೀ ಬಯಸಲಾರ. ದುಡಿದು ತಿನ್ನೋದು, ಹಂಚಿ ತಿನ್ನೋದು, ಜಾತಿ ಮತ ಭೇಧ ಬಾವವಿಲ್ಲದೆ, ಎಲ್ಲರನ್ನೂ ಪ್ರೀತಿಸೋದು, ಗೌರವಿಸೋದು, ಮನುಷ್ಯತ್ವ. ಅಂತೆಯೇ, ದಯೆ, ಕೃತಜ್ಞತಾಭಾವ, ಇನ್ನೊಬ್ಬರ ಕುರಿತಾದ ಕರುಣೆ, ಕಾಳಜಿ, ಕನಿಕರ, ಸಂಕಷ್ಟದಲ್ಲಿರುವವರಿಗೆ ಸೇವೆ-ಸಹಾಯ, ಸಾಮಾಜಿಕ ಕಳಕಳಿ ಸಾಮರಸ್ಯ, ಸೌಹಾರ್ದತೆ, ಪ್ರೀತಿ, ಪ್ರೇಮ, ಸ್ನೇಹ, ವಿಶ್ವಾಸ, ನಂಬಿಕೆ-ಎಲ್ಲವೂ, ಮುನುಷ್ಯತ್ವದ ನಾನಾ ರೂಪಗಳು.ನನ್ನದು ನನ್ನದೇ - ನಿನ್ನದು ನಿನ್ನದೇ ಈ ಭಾವ ಕೂಡ ಮನುಷ್ಯತ್ವ.
