ಆ ಅನುಭವವನ್ನು ‘ವಿಜಯವಾಣಿ’ ಜತೆ ಹಂಚಿಕೊಂಡಿದ್ದಾರೆ. ಅಂದಹಾಗೆ, ಅನಿತಾ ಭಟ್ ನಟಿಸುತ್ತಿರುವ ಹೊಸ ಸಿನಿಮಾದ ಹೆಸರು ‘ಜೂಟಾಟ’. ಕಳೆದ 10 ವರ್ಷಗಳಿಂದ ಚಿತ್ರರಂಗದಲ್ಲಿ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡುತ್ತಿರುವ ನಾಗೇಶ್ ಕಾರ್ತಿ, ‘ಜೂಟಾಟ’ ಮೂಲಕ ಚೊಚ್ಚಲ ಸಿನಿಮಾ ನಿರ್ದೇಶನಕ್ಕಿಳಿದಿದ್ದಾರೆ. ಹಾಸ್ಯಭರಿತ ಮತ್ತು ಹಾರರ್ ಶೈಲಿಯ ಸಿನಿಮಾ ಇದಾಗಿದ್ದು, ಅನಿತಾ ಮುಖ್ಯಭೂಮಿಕೆಯಲ್ಲಿ ನಟಿಸಿದರೆ, ಗಿರಿ, ಅಶೋಕ್, ಮನು ಅವರಿಗೆ ಸಾಥ್ ನೀಡಿದ್ದಾರೆ. ‘ಇದೊಂದು ಪೂರ್ಣ ಪ್ರಮಾಣದ ಕಾಮಿಡಿ ಸಿನಿಮಾ. ಅಲ್ಲಲ್ಲಿ ಒಂದಷ್ಟು ಹಾರರ್ ಅಂಶಗಳನ್ನೂ ಕಾಣಬಹುದು. ಈ ಚಿತ್ರದಲ್ಲಿ ನಾನು ವೇಶ್ಯೆ ಪಾತ್ರ ಮಾಡುತ್ತಿದ್ದು, ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದೇನೆ. ಕರೊನಾ ಲಾಕ್ಡೌನ್ ಭಯದ ನಡುವೆಯೇ ಶೂಟಿಂಗ್ ಆರಂಭಿಸಿದ್ದೇವೆ’ ಎನ್ನುವ ಅನಿತಾ, ‘ಶೂಟಿಂಗ್ ಸೆಟ್ನಲ್ಲಿ 20 ಜನರಿಗಷ್ಟೇ ಅವಕಾಶ ಇರುವುದರಿಂದ, ಮುನ್ನೆಚ್ಚರಿಕಾ ಕ್ರಮಗಳನ್ನು ಅನುಸರಿಸಿಯೇ ಶೂಟಿಂಗ್ ಮಾಡಲಾಗುತ್ತಿದೆ. ನಿತ್ಯ 3 ಬಾರಿ ದೇಹದ ಉಷ್ಣತೆ ಪರೀಕ್ಷೆ, ಗ್ಲೌಸ್, ಮಾಸ್ಕ್ಗಳ ಬಳಕೆ, ಸಾಮಾಜಿಕ ಅಂತರವನ್ನೂ ಕಡ್ಡಾಯವಾಗಿ ಪಾಲಿಸುತ್ತಿದ್ದೇವೆ’ ಎನ್ನುತ್ತಾರೆ.
