ಆಸೀಸ್​ ವಿರುದ್ಧದ ಟಿ20 ಸರಣಿಯ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್​​ಗೆ​ ಆಂಡ್ರೆ ರಸೆಲ್ ಗುಡ್​ ಬೈ! Andre Russell

Andre Russell : ವೆಸ್ಟ್​ ಇಂಡೀಸ್​ನ ಸ್ಫೋಟಕ ಬ್ಯಾಟರ್​ ಆಂಡ್ರೆ ರಸೆಲ್ ಜುಲೈ 20ರಿಂದ ಆರಂಭವಾಗುವ​ ಅಸ್ಟ್ರೇಲಿಯಾ (Australia) ವಿರುದ್ಧದ ಟಿ20 ಸರಣಿ(T20 series) ಮುಗಿದ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್ (International cricket) ​ಗೆ ಗುಡ್​ ಬೈ ಹೇಳಲಿದ್ದಾರೆ.

ಇದನ್ನೂ ಓದಿ: ಇಂಗ್ಲೆಂಡ್​ ವಿಕೆಟ್​-ಕೀಪರ್​ ಈಗ ಚಿತ್ರ ಕಲಾವಿದ!: ಕ್ರಿಕೆಟ್​ಗಿಂತ ಪೇಂಟಿಂಗ್​ನಲ್ಲೇ ಹೆಚ್ಚು ಹಣ ಸಂಪಾದನೆ

ನಿವೃತ್ತಿ ಬಗ್ಗೆ ಮಾತನಾಡಿದ ರಸೆಲ್, ವೆಸ್ಟ್​ ಇಂಡೀಸ್ (West Indies) ​ ತಂಡವನ್ನು ಪ್ರತಿನಿಧಿಸುವುದು ನನ್ನ ಜೀವನದ ದೊಡ್ಡ ಸಾಧನೆಗಳಲ್ಲಿ ಒಂದಾಗಿದೆ. ನಾನು ಚಿಕ್ಕವನಿದ್ದಾಗ, ಈ ಮಟ್ಟಕ್ಕೆ ತಲುಪುತ್ತೇನೆಂದು ನಾನು ಅಂದುಕೊಂಡಿರಲಿಲ್ಲ. ಆದರೆ, ನೀವು ಹೆಚ್ಚು ಆಟವಾಡಲು ಮತ್ತು ಕ್ರೀಡೆಯನ್ನು ಇಷ್ಟಪಡಲು ಪ್ರಾಂರಭಿಸಿದಾಗ, ನೀವು ಏನನ್ನು ಬೇಕಾದರು ಸಾಧಿಸಬಹುದು ಎಂಬುದನ್ನು ನೀವು ಅರಿತುಕೊಳ್ಳುತ್ತಿರಿ ಎಂದು ರಸೆಲ್​ ಹೇಳಿದರು.

ಅಲ್ಲದೇ, ನಾನು ಇತರರಿಗೆ ಸ್ಪೂರ್ತಿಯಾಗಲು ಬಯಸಿದ್ದೆ. ನನಗೆ ವೆಸ್ಟ್​ ಇಂಡೀಸ್​ ಪರ ಆಡುವುದು ತುಂಬಾ ಇಷ್ಟ ಮತ್ತು ನನ್ನ ಕುಟುಂಬ ಮತ್ತು ಸ್ನೇಹಿತರ ಮುಂದೆ ಆಡುವುದನ್ನು ಇನ್ನೂ ಇಷ್ಟಪಡುತ್ತೇನೆ. ಕೆರಿಬಿಯನ್​ನಿಂದ ಹೊರಬರುವ ಮುಂದಿನ ಪೀಳಿಗೆಯ ಕ್ರಿಕೆಟಿಗರಿಗೆ ಮಾದರಿಯಾಗಿ ನನ್ನ ಅಂತಾರಾಷ್ಟ್ರೀಯ ವೃತ್ತಿ ಜೀವನವನ್ನು ಉನ್ನತ ಮಟ್ಟದಲ್ಲಿ ಮುಗಿಸಲು ನಾನು ಬಯಸುತ್ತೇನೆ ಎಂದು ತಿಳಿಸಿದರು.

ಅಂದಹಾಗೆ, 2019ರ ನಂತರ ಟಿ20ಯಲ್ಲಿ 84 ಪಂದ್ಯಗಳನ್ನು ಆಡಿರುವ ರಸೆಲ್​ 1078 ರನ್ಸ್​ ಹಾಗೂ 61 ವಿಕೆಟ್​ಗಳನ್ನು ಪಡೆದುಕೊಂಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/bumper-gift-to-the-people-of-bihar-before-the-elections-cm-announces-free-electricity-up-to-125-units