ನವದೆಹಲಿ: ಭಾರತದ ಶ್ರೀಮಂತ ಕ್ರಿಕೆಟಿಗ ಯಾರೆಂಬುದು ನಿಮಗೆ ಗೊತ್ತಾ? ಅವರ ಒಟ್ಟು ಆಸ್ತಿಯ ಮೌಲ್ಯ 20 ಸಾವಿರ ಕೋಟಿ ರೂಪಾಯಿ ಎಂಬುದು ಗೊತ್ತಿದೆಯೇ? ಈ ರೀತಿಯ ಪ್ರಶ್ನೆಗಳನ್ನು ಕೇಳಿದಾಗ ಮೊದಲ ನಮ್ಮ ತಲೆಗೆ ಬರುವುದು ಕ್ರಿಕೆಟ್ ದಂತಕತೆ ಸಚಿನ್, ಧೋನಿ ಮತ್ತು ಕೊಹ್ಲಿ. ಆದರೆ, ನೀವು ಯೋಚಿಸಿದಂತೆ ಯಾವೊಬ್ಬ ಸ್ಟಾರ್ ಆಟಗಾರನೂ ಅಲ್ಲ. ಆ ಕ್ರಿಕೆಟಿಗನ ಹೆಸರು ಸಮರ್ಜೀತ್ ಸಿಂಗ್ ರಂಜಿತ್ ಸಿಂಗ್ ಗಾಯಕ್ವಾಡ್. ಇವರು ಬರೋಡಾದ ರಾಯಲ್ ಕುಟುಂಬಕ್ಕೆ ಸೇರಿದವರು.
ವಿರಾಟ್ ಕೊಹ್ಲಿ ಮತ್ತು ಎಂ.ಎಸ್. ಧೋನಿ ಅವರು ನಿವ್ವಳ ಆಸ್ತಿಯ ಮೌಲ್ಯ ಸುಮಾರು 1000 ಕೋಟಿ ರೂಪಾಯಿ. ಆದರೆ, ಸಮರ್ಜೀತ್ ಅವರ ಆಸ್ತಿಯ ಮೌಲ್ಯ 20 ಸಾವಿರ ಕೋಟಿ. ಇಬ್ಬರಿಗೂ ಹೋಲಿಕೆ ಮಾಡಿದರೆ, 20 ಪಟ್ಟು ಅಧಿಕವಾಗಿದೆ.
ಸಮರ್ಜೀತ್ ಅವರು ಪ್ರಥಮ ದರ್ಜೆಯ ಕ್ರಿಕೆಟ್ ಆಗಿದ್ದಾರೆ. ಬರೋಡ ಕ್ರಿಕೆಟ್ ಅಸೋಸಿಯೇಷನ್ನಲ್ಲೂ ಕೆಲಸ ಮಾಡಿದ್ದಾರೆ. 1987 ರಿಂದ 88ರವರೆಗೆ 6 ರಣಜಿ ಪಂದ್ಯಗಳಲ್ಲಿ ಬರೋಡ ತಂಡವನ್ನು ಸಮರ್ಜೀತ್ ಪ್ರತಿನಿಧಿಸಿದ್ದಾರೆ.
ಸಮರ್ಜೀತ್ ಅವರು ರಂಜಿತ್ ಸಿಂಗ್ ಪ್ರತಾಪ್ ಸಿಂಗ್ ಗಾಯಕ್ವಾಡ್ ಅವರ ಪುತ್ರ. ಇವರು 1967ರಲ್ಲಿ ಜನಿಸಿದರು. ಡೆಹ್ರಾಡೂನ್ನ ಡೂನ್ ಶಾಲೆಯಲ್ಲಿ ಓದಿದರು. ಫುಟ್ಬಾಲ್ ಮತ್ತು ಟೆನ್ನಿಸ್ ಸಹ ಆಡುತ್ತಾರೆ. 2012ರಲ್ಲಿ ತಂದೆ ಮೃತಪಟ್ಟ ಬಳಿಕ ಸಮರ್ಜೀತ್ ಮಹರಾಜರಾದರು. ನಂತರದ ವರ್ಷದಲ್ಲಿ ಅವರು 20 ಸಾವಿರ ಕೋಟಿ ರೂಪಾಯಿ ಸಂಪತ್ತನ್ನು ಸಂಪಾದಿಸಿದ್ದಾರೆ. (ಏಜೆನ್ಸೀಸ್)