ಅಮೆರಿಕಾ: ಜೂನ್ 01ರಿಂದ ಅಧಿಕೃತ ಚಾಲನೆ ಪಡೆದುಕೊಂಡ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯ ಪಂದ್ಯಗಳು ಇದೀಗ ಸಖತ್ ರೋಚಕವಾಗಿ ಸಾಗುತ್ತಿದ್ದು, ಪ್ರತಿ ಪಂದ್ಯವು ಕ್ರಿಕೆಟ್ ಅಭಿಮಾನಿಗಳಲ್ಲಿ ಭಾರೀ ಕುತೂಹಲ ಮೂಡಿಸುತ್ತಿದೆ. ಇಲ್ಲಿಯವರೆಗೆ ಎರಡು ಪಂದ್ಯಗಳನ್ನು ಆಡಿರುವ ಭಾರತ 2 ಪಂದ್ಯಗಳಲ್ಲಿಯೂ ಜಯ ಸಾಧಿಸಿ, ಗ್ರೂಪ್ 'ಎ' ಅಂಕಪಟ್ಟಿಯಲ್ಲಿ ಪ್ರಥಮ ಸ್ಥಾನ ಅಲಂಕರಿಸಿದೆ.
ಇನ್ನು ಇದೇ ಗುಂಪಿನಲ್ಲಿರುವ ಯುಎಸ್ಎ ತಂಡ ಕೂಡ ಕಳೆದ ಪಂದ್ಯಗಳಲ್ಲಿ ಭರ್ಜರಿ ಪ್ರದರ್ಶನ ನೀಡಿದ್ದು, ಕ್ರಿಕೆಟ್ ಇತಿಹಾಸದಲ್ಲಿ ಹೊಸ ಮೈಲಿಗಲ್ಲು ಸಾಧಿಸಲು ಮುಂಚೂಣಿಯಲ್ಲಿದೆ. ಪ್ರತಿ ಆಟಗಾರರು ತಮ್ಮ ತಂಡಕ್ಕೆ ಅತ್ಯುತ್ತಮ ಕೊಡುಗೆ ನೀಡುತ್ತಿರುವುದೇ ತಂಡದ ಗೆಲುವಿಗೆ ಪ್ರಮುಖ ಕಾರಣ ಎಂದರೆ ತಪ್ಪಾಗಲಾರದು.
ಸದ್ಯ ಇದೇ ಖುಷಿಯಲ್ಲಿರುವ ಯುಎಸ್ಎ ತಂಡಕ್ಕೆ ಇಂದು (ಜೂ.12) ಟೀಂ ಇಂಡಿಯಾ ಎದುರಾಳಿ ಎಂಬ ವಿಷಯ ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್ ಆಗುತ್ತಿದ್ದಂತೆ ಯುನೈಟೆಡ್ ಸ್ಟೇಟ್ಸ್ ಆಟಗಾರ ಕೊಟ್ಟ ಹೇಳಿಕೆ ಮಾತ್ರ ಇದೀಗ ಕ್ರಿಕೆಟ್ ಫ್ಯಾನ್ಸ್ ಗಮನಸೆಳೆಯುತ್ತಿದೆ.
"ನಾವು ಈ ಟೂರ್ನಿಯಲ್ಲಿ ಮುಂದೆ ಹೋದಷ್ಟು ನಮಗೇ ಉತ್ತಮ. ಗೆಲುವಿನ ಮೂಲಕ ನಮ್ಮ ಅಭಿಮಾನಿಗಳನ್ನು ಖುಷಿಪಡಿಸಬೇಕಿದೆ. ಟೀಂ ಇಂಡಿಯಾವನ್ನು ಮಣಿಸುವುದೇ ಸದ್ಯ ನಮಗೆ ದೊಡ್ಡ ಗುರಿಯಾಗಿದೆ. ನಮ್ಮ ತಂಡದಲ್ಲಿಯೂ ಸಹ ಕೆಲವರು ಭಾರತದ ಯುವ ಆಟಗಾರರಿದ್ದಾರೆ. ಹಾಗಾಗಿ ಎರಡು ಟೀಮ್ಗೂ ಹೆಚ್ಚಿನ ಬೆಂಬಲ ಸಿಗಲಿದೆ" ಎಂದು ಯುಎಸ್ಎ ತಂಡದ ಸ್ಟಾರ್ ಕ್ರಿಕೆಟಿಗ ಆ್ಯರನ್ ಜೋನ್ಸ್ ಹೇಳಿದ್ದಾರೆ,(ಏಜೆನ್ಸೀಸ್).