Lockie Ferguson: 2019 ರ ವಿಶ್ವಕಪ್ ನ್ಯುಜಿಲೆಂಡ್ ವಿರುದ್ಧದ ಸೆಮಿಫೈನಲ್ನಲ್ಲಿ ಎಂಎಸ್ ಧೋನಿ ಬ್ಯಾಟಿಂಗ್ ಬಗ್ಗೆ ಆಶ್ಚರ್ಯಗೊಂಡಿರುವುದಾಗಿ ನ್ಯೂಜಿಲೆಂಡ್ ಸ್ಟಾರ್ ವೇಗಿ ವೇಗಿ ಲಾಕಿ ಫರ್ಗುಸನ್ ತಿಳಿಸಿದ್ದಾರೆ.
ಕ್ರಿಕ್ಟ್ರಾಕರ್ ಜೊತೆ ಮಾತನಾಡುವ ವೇಳೆ ಈ ವಿಷಯವಾಗಿ ಸುಮಾರು ಆರು ವಷರ್ಗಳ ನಂತರ ಧೀರ್ಘ ಮೌನ ಮುರಿದಿರುವ ಫರ್ಗುಸನ್, ತಾವು ಎಸೆದ ಆ ಎಸೆತವನ್ನು ಧೋನಿ ಅನಾಯಾಸವಾಗಿ ಬಿಟ್ಟಿದ್ದಕ್ಕೆ ಆಶ್ಚರ್ಯಗೊಂಡಿದ್ದೆ ಎಂದರು. ಮುಂದುವರೆದು ಮಾತನಾಡಿದ ಅವರು, ಧೋನಿಯನ್ನು ಆಕ್ರಮಣಕಾರಿ ಹೊಡೆತಕ್ಕೆ ಪ್ರಚೋದಿಸುವ ಗುರಿಯನ್ನು ಹೊಂದಿದ್ದಾಗಿ ತಿಳಿಸಿದರು. ಆದರೆ ಧೋನಿ ಚೆಂಡನ್ನು ಮುಟ್ಟದೆ ಬಿಟ್ಟರು, ಬೌಲಿಂಗ್ ಮಾಡುವಾಗ ರನ್ಗಳನ್ನು ನಿರ್ಬಂಧಿಸಲು ಪ್ರಯತ್ನಿಸುತ್ತಿರುವಾಗ ಧೋನಿಯಂತಹ ದಿಗ್ಗಜ ಆಟಗಾರ ಆ ಚೆಂಡನ್ನು ಬಾರಿಸಲು ಮುಂದಾಗದಿದ್ದರೆ ಅದು ಒಳ್ಳೆಯದು ಎಂದರು.
ಧೋನಿ ಫರ್ಗುಸನ್ ಅವರ ಎಸೆತವನ್ನು ಮುಟ್ಟದೆ ಬಿಟ್ಟ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಮತ್ತೆ ಸದ್ದು ಮಾಡಿದ್ದು, ಫರ್ಗುಸನ್ ಬ್ಯಾಕ್-ಆಫ್-ಎ-ಲೆಂಗ್ತ್ ಎಸೆತವನ್ನು ಹೊರಗೆ ಬೌಲ್ ಮಾಡಿದ್ದರು, ಅದನ್ನು ಧೋನಿ ಮುಟ್ಟದಿರಲು ನಿರ್ಧರಿಸಿದರು, ಇದು ಅಂತಹ ನಿರ್ಣಾಯಕ ಪಂದ್ಯದಲ್ಲಿ ಅವರ ವಿಧಾನದ ಬಗ್ಗೆ ಅನೇಕ ಅನುಮಾನಗಳನ್ನು ಹುಟ್ಟುಹಾಕಿತು.
ಧೋನಿಯ ಆ ನಿರ್ಧಾರದಿಂದ ತಾನು ಎಲ್ಲರಂತೆ ಆಶ್ಚರ್ಯಚಕಿತನಾದೆ ಎಂದು ಫರ್ಗುಸನ್ ನೆನಪಿಸಿಕೊಂಡರು. ಆ ಹಂತದಲ್ಲಿ ಭಾರತಕ್ಕೆ 31 ಎಸೆತಗಳಲ್ಲಿ 52 ರನ್ಗಳು ಅವಶ್ಯಕತೆ ಇತ್ತು.
ವಿಶ್ವಕಪ್ ಸೆಮಿಫೈನಲ್ನಲ್ಲಿ ಭಾರತ 18 ರನ್ಗಳಿಂದ ಸೋತಿತು, ನ್ಯೂಜಿಲೆಂಡ್ ಫೈನಲ್ಗೆ ಲಗ್ಗೆ ಇಟ್ಟಿತು. ಭಾರತದ ಕೊನೆಯ ಭರವಸೆಯಾಗಿದ್ದ ಧೋನಿಯನ್ನು ಪಂದ್ಯದ ಅಂತಿಮ ಓವರ್ನಲ್ಲಿ ಮಾರ್ಟಿನ್ ಗುಪ್ಟಿಲ್ ರನೌಟ್ ಮಾಡಿದರು.(ಏಜೆನ್ಸೀಸ್)