ಕೊರಿಯಾ: ಜುಲೈ 23 ಭಾನುವಾರದಂದು ನಡೆದ ಕೊರಿಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಫಿನಾಲೆಯಲ್ಲಿ ಭಾರತದ ಸಾತ್ವಿಕ್ ಸಾಯಿರಾಜ್ ರಂಕಿರೆಡ್ಡಿ ಹಾಗೂ ಚಿರಾಗ್ ಶೆಟ್ಟಿ ಚಿನ್ನದ ಪದಕ ಗೆದ್ದಿದ್ದಾರೆ.
ಈ ಮೂಲಕ ಸಾತ್ವಿಕ್ ಹಾಗೂ ಚಿರಾಗ್ ಶೆಟ್ಟಿಯ ಜೋಡಿ ಅಂತರಾಷ್ಟ್ರೀಯ ಮಟ್ಟದಲ್ಲಿ ಭಾರತದ ಪರ ಮತ್ತೊಂದು ಸಾಧನೆ ಮಾಡಿದ್ಧಾರೆ. ಈ ಹಿಂದೆ ಸ್ವಿಸ್ ಓಪನ್ 2023 ಹಾಗೂ ಇಂಡೋನೇಷ್ಯಾ ಓಪನ್ 2023ರಲ್ಲಿ ಈ ಜೋಡಿ ಪ್ರಶ್ತಿಯನ್ನು ಗೆದ್ದಿತ್ತು.
ಜುಲೈ 23ರ ಭಾನುವಾರ ನಡೆದ ರೋಚಕ ಫೈನಲ್ ಹೋರಾಟದಲ್ಲಿ ವಿಶ್ವದ ನಂ.1 ಶ್ರೇಯಾಂಕದ ಇಂಡೋನೇಷ್ಯಾದ ಜೋಡಿ ಫಜರ್ ಅಲ್ಫಿಯಾನ್ ಮತ್ತು ಮುಹಮ್ಮದ್ ರಿಯಾನ್ ಆರ್ಡಿಯಾಂಟೊಗೆ ಭಾರತದ ಷಟ್ಲರ್ಗಳಾದ ಸಾತ್ವಿಕ್ ಹಾಗೂ ಚಿರಾಗ್ ಆಘಾತ ನೀಡಿದೆ.
17-21, 21-13, 21-14 ಅಂತರದ ಗೇಮ್ಗಳಿಂದ ಈ ಜೋಡಿ ಪ್ರಶಸ್ತಿಯನ್ನು ಜಯಿಸಿದೆ. ಆರಂಭಿಕ ಗೇಮ್ನಲ್ಲಿ 17-21 ಅಂತರದಲ್ಲಿ ಸೋತರೂ ಮುಂದಿನ ಗೇಮ್ಗಳಲ್ಲಿ ಕಂಬ್ಯಾಕ್ ಮಾಡಿ ಗೆದ್ದು, ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.