ಬೆಂಗಳೂರು: ಸತತ ನಾಲ್ಕು ಗೆಲುವನ್ನು ದಾಖಲಿಸಿದ್ದ ಆರ್ಸಿಬಿ ತಂಡ ಭಾನುವಾರ ಚೆನ್ನೈ ಸೂಪರ್ ಕಿಂಗ್ಸ್ ಎದುರು ಸೋಲುಂಡಿದೆ. ಅದರ ನೋವಿನಲ್ಲಿರುವ ಅಭಿಮಾನಿಗಳಿಗೆ ತಂಡ ಮತ್ತೊಂದು ಶಾಕ್ ನೀಡಿದೆ. ತಂಡದಲ್ಲಿರುವ ಸಾಗರೋತ್ತರ ಆಟಗಾರರಲ್ಲಿ ಇಬ್ಬರು ತಮ್ಮ ದೇಶಕ್ಕೆ ವಾಪಾಸು ಹೋಗುತ್ತಿರುವುದಾಗಿ ತಿಳಿಸಿದೆ.
ಆರ್ಸಿಬಿಯ ಭಾಗವಾಗಿರುವ ಆಸ್ಟ್ರೇಲಿಯಾ ಕ್ರಿಕೆಟಿಗರಾದ ಕೇನ್ ರಿಚರ್ಡ್ಸನ್ ಹಾಗೂ ಆಡಮ್ ಜಂಪಾ ಐಪಿಎಲ್ 2021ರ ಆಟವನ್ನು ಅರ್ಧದಲ್ಲೇ ಬಿಟ್ಟು ಆಸ್ಟ್ರೇಲಿಯಾಕ್ಕೆ ಮರಳಲಿದ್ದಾರೆ. ಆಸ್ಟ್ರೇಲಿಯಾದಲ್ಲಿ ಭಾರತದಂತೆಯೇ ಕರೊನಾ ಸೋಂಕಿತರ ಸಂಖ್ಯೆ ಏರಿಕೆಯಾಗುತ್ತಿದೆ. ಆ ಹಿನ್ನೆಲೆಯಲ್ಲಿ ಖಾಸಗಿ ಕಾರಣಗಳಿಂದ ಈ ಇಬ್ಬರು ಆಟಗಾರರು ಮರಳುತ್ತಿರುವುದಾಗಿ ಫ್ರ್ಯಾಂಚೈಸಿ ತಿಳಿಸಿದೆ. ಭಾನುವಾರದಂದು ರಾಜಸ್ಥಾನ ರಾಯಲ್ಸ್ ತಂಡದ ಆಂಡ್ರ್ಯೂ ಟೈ ಕೂಡ ಇದೇ ರೀತಿ ಐಪಿಎಲ್ ಬಿಟ್ಟು ಅವರ ದೇಶಕ್ಕೆ ವಾಪಾಸು ಹೋಗಿದ್ದರು.
ಅಂದ ಹಾಗೆ ಈ ಇಬ್ಬರು ಆಟಗಾರರು ವಾಪಾಸು ಹೋಗಿರುವುದರಿಂದ ಆರ್ಸಿಬಿ ಅಷ್ಟೊಂದು ದೊಡ್ಡ ಲಾಸ್ ಏನು ಆಗುವುದಿಲ್ಲ. ಈ ಸಲದ ಐಪಿಎಲ್ನಲ್ಲಿ ಆರ್ಸಿಬಿ ಪರ ರಿಚರ್ಡ್ಸನ್ ಒಂದು ಮ್ಯಾಚ್ ಆಡಿದ್ದರು. ಜಂಫಾ ಫೀಲ್ಡಿಗೆ ಇಳಿದೇ ಇರಲಿಲ್ಲ. (ಏಜೆನ್ಸೀಸ್)