ವಿರಾಟ್​ ಕೊಹ್ಲಿ, ಅನುಷ್ಕಾ ಶರ್ಮಾ ದಂಪತಿಯ ಒಟ್ಟು ಆಸ್ತಿ ಎಷ್ಟು ಸಾವಿರ ಕೋಟಿ ಗೊತ್ತಾ?

ಮುಂಬೈ: ಕ್ರಿಕೆಟ್​ನಲ್ಲಿ ವಿರಾಟ್​ ವಿಶ್ವರೂಪ ತೋರಿಸುತ್ತಿದ್ದಾರೆ. ಇತ್ತ ನಟಿ ಅನುಷ್ಕಾ ಶರ್ಮಾ ಬಾಲಿವುಡ್​ನಲ್ಲಿ ಬೇಡಿಕೆಯ ನಟಿ. ಹೀಗಿರುವ ಈ ಸ್ಟಾರ್​ ಜೋಡಿಯ ಒಟ್ಟು ನಿವ್ವಳ ಆಸ್ತಿ ಮೌಲ್ಯ ಎಷ್ಟಿರಬಹುದೆಂಬ ಸಹಜ ಕುತೂಹಲ ಎಲ್ಲರಲ್ಲೂ ಇದ್ದೇ ಇರುತ್ತದೆ. ಆ ಕುತೂಹಲಕ್ಕೆ ಒಂದಷ್ಟು ಅಂಕಿ ಅಂಶಗಳೀಗ ಸಿಕ್ಕಿವೆ. ಜಿಕ್ಯೂ ಮ್ಯಾಗಜೀನ್ ಅದನ್ನು ಬೆಳಕಿಗೆ ತಂದಿದೆ.

ಇದನ್ನೂ ಓದಿ: ಸಿನಿಮಾ ಮತ್ತು ರಾಜಕೀಯಕ್ಕೆ ಶಾಶ್ವತ ಗುಡ್ ​ಬೈ ಹೇಳಿದ ರಮ್ಯಾ! ಇನ್ನೆಂದೂ ಬಣ್ಣದ ಲೋಕಕ್ಕೆ ಬರಲ್ಲ ಎಂದ ಮೋಹಕ ತಾರೆ

2019ರಲ್ಲಿ ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ, ವಿವಿದ ಜಾಹೀರಾತು ಮತ್ತು ಬ್ರಾಂಡ್​ಗಳಿಂದ ಒಟ್ಟಾರೆ 250ಕ್ಕೂ ಅಧಿಕ ಕೋಟಿ ರೂ. ಪಡೆದಿದ್ದಾರೆ. ಮಿಂಟ್ರಾ, ಉಬರ್, ಪೂಮಾ, ಆಡಿ, ಎಂಆರ್​ಎಫ್​, ಮನ್ಯಾವರ್, ಒನ್ 8 ಸೇರಿ ಹಲವು ಬ್ರಾಂಡ್​ಗಳಿಗೆ ಕೊಹ್ಲಿ ರಾಯಭಾರಿಯಾಗಿದ್ದಾರೆ. ಇದನ್ನು ಹೊರತುಪಡಿಸಿದರೆ, ಎರಡು ಐಶಾರಾಮಿ ರೆಸ್ಟೊರಂಟ್​ಗಳೂ ಕೊಹ್ಲಿ ಹೆಸರಿನಲ್ಲಿವೆ.

ಅಷ್ಟೇ ಅಲ್ಲ ಬಿಸಿಸಿಐ ವಾರ್ಷಿಕ 7 ಕೋಟಿ ಸಂಬಳವನ್ನೂ ವಿರಾಟ್​ಗೆ ನೀಡುತ್ತದೆ. ಐಪಿಎಲ್​ನಿಂದಲೂ ಪ್ರತಿ ವರ್ಷ ಸಂಭಾವನೆ ರೂಪದಲ್ಲಿ 17 ಕೋಟಿ ಕೊಹ್ಲಿ ಬೊಕ್ಕಸಕ್ಕೆ ಬಂದು ಬೀಳುತ್ತದೆ. ಇದೆಲ್ಲವನ್ನು ಲೆಕ್ಕಹಾಕುವುದಾದರೆ, ಕೊಹ್ಲಿಯ ನಿವ್ವಳ ಆಸ್ತಿ 900 ಕೋಟಿಗೂ ಅಧಿಕವಿದೆ ಎಂದು ಜಿಕ್ಯೂ ಮ್ಯಾಗಜೀನ್ ತಿಳಿಸಿದೆ.

ಇದನ್ನೂ ಓದಿ: ಕಾರಿನಲ್ಲೇ ಟಿವಿ ಸೀರಿಯಲ್​ ನಟಿಯ ಬೆತ್ತಲೆ ದೃಶ್ಯ ಸೆರೆ! ಮುಂದೆ ಆಗಿದ್ದೆಲ್ಲವೂ ಅವಾಂತರ

ಇನ್ನು ಅನುಷ್ಕಾ ಶರ್ಮಾ ಬಗ್ಗೆ ಹೇಳುವುದಾದರೆ, ಹೆರಿಗೆ ಬಳಿಕ ಸಿನಿಮಾದಿಂದ ಕೊಂಚ ದೂರ ಉಳಿದಿದ್ದರೂ, ಜಾಹೀರಾತು ಕ್ಷೇತ್ರದಲ್ಲಿ ತಮ್ಮದೆ ಆದ ಛಾಪು ಮೂಡಿಸಿದ್ದಾರೆ ನಟಿ ಅನುಷ್ಕಾ ಶರ್ಮಾ. ಬಾಲಿವುಡ್​ನಲ್ಲಿಯೂ ಇಂದಿಗೂ ಬೇಡಿಕೆಯಲ್ಲಿದ್ದಾರೆ. ಈ ಮೊದಲೇ ಪ್ರತಿ ಸಿನಿಮಾಕ್ಕೆ 12 ರಿಂದ 15 ಕೋಟಿ ಸಂಭಾವನೆ ಅನುಷ್ಕಾ ಪಾಲಾಗುತ್ತಿತ್ತು. ಇದರ ಜತೆಗೆ ರಜನಿಗಂಧ, ಲೆವಿ, ನಿವಿಯಾ, ಮನ್ಯಾವರ್, ಮಿಂಟ್ರಾ ಸೇರಿ ಸಾಕಷ್ಟು ಬ್ರಾಂಡ್​ಗಳು ಅನುಷ್ಮಾ ಮುಖವಾಗಿದ್ದಾರೆ. ನಷ್ ಎಂಬ ಫ್ಯಾಷನ್ ಕಂಪನಿಯನ್ನೂ ಹೊಂದಿದ್ದಾರೆ. ಒಟ್ಟಾರೆಯಾಗಿ 350 ಕೋಟಿಯ ಆಸ್ತಿಯ ಒಡತಿಯಾಗಿದ್ದಾರೆ. ಒಟ್ಟಾರೆಯಾಗಿ ಈ ಇಬ್ಬರು ಸ್ಟಾರ್ ದಂಪತಿ 1250 ಕೋಟಿಗೂ ಅಧಿಕ ಆಸ್ತಿಯ ಒಡೆಯರಾಗಿದ್ದಾರೆ.

https://www.vijayavani.net/abhishek-bachchan-gives-a-befitting-reply-to-a-twitter-user/