ನವದೆಹಲಿ: ಐಪಿಎಲ್ 2025ರ ಮೆಗಾ ಆಕ್ಷನ್ (IPL Mega Auction) ಪ್ರಕ್ರಿಯೆಗೆ ಇನ್ನೇನು ಕೆಲವು ದಿನಗಳಷ್ಟೇ ಬಾಕಿ ಉಳಿದಿದ್ದು, ಇಂಡಿಯನ್ ಪ್ರೀಮಿಯರ್ ಲೀಗ್ ಫ್ರಾಂಚೈಸಿಗಳು ಯಾವ ಆಟಗಾರರನ್ನು ತಮ್ಮ ತಂಡದಿಂದ ಕೈಬಿಡಬೇಕು, ಯಾರನ್ನು ಉಳಿಸಿಕೊಳ್ಳಬೇಕು ಜತೆಗೆ ಯಾರೊಬ್ಬ ಸ್ಟಾರ್ ಆಟಗಾರರನ್ನು ಆಕ್ಷನ್ನಲ್ಲಿ ಖರೀದಿಸಬೇಕು ಎಂಬ ಲೆಕ್ಕಾಚಾರಗಳನ್ನು ಬಹಳ ಜೋರಾಗಿ ನಡೆಸುತ್ತಿರುವುದು ಇದೀಗ ಮುನ್ನೆಲೆಗೆ ಬಂದಿದೆ. ಒಂದೆಡೆ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ರೋಹಿತ್ ಶರ್ಮ ಉಳಿಯುವುದು ಬಹುತೇಕ ಡೌಟ್ ಎಂದಾದರೆ, ಅತ್ತ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಿಂದ ಕ್ಯಾಪ್ಟನ್ ಫಾಫ್ ಡು ಪ್ಲೆಸಿಸ್ರನ್ನು ಕೈಬಿಡುವ ಸಾಧ್ಯತೆ ಹೆಚ್ಚಿದೆ.
ಇದನ್ಣೂ ಓದಿ: Ramandeep singh: ಕ್ರಿಕೆಟ್ ಇತಿಹಾಸದಲ್ಲೇ ಶ್ರೇಷ್ಠ ಕ್ಯಾಚ್.. ಒಂದೇ ಕೈಯಿಂದ ಅದ್ಭುತ ಕ್ಯಾಚ್ ಹಿಡಿದಿದ್ದು ಹೇಗೆ ಗೊತ್ತಾ?
ಸ್ಟಾರ್ ಆಟಗಾರರನ್ನು ತಮ್ಮ ತಂಡದಲ್ಲಿ ಉಳಿಸಿಕೊಳ್ಳುವುದು, ಬಿಡುವುದು ಸದ್ಯ ಆಯಾ ಫ್ರಾಂಚೈಸಿಗಳ ನಿರ್ಧಾರವಾದ ಕಾರಣ ಇಲ್ಲಿ ಯಾವುದನ್ನು ನಿಖರವಾಗಿ ಹೇಳುವುದು ಕಷ್ಟಸಾಧ್ಯ. ಆದ್ರೆ, ಕಳೆದ ಬಾರಿ ರೋಹಿತ್ ಶರ್ಮರನ್ನು ನಾಯಕನ ಸ್ಥಾನದಿಂದ ಕೆಳಗಿಳಿಸಿ ತಾನು ಮುಂಬೈ ಇಂಡಿಯನ್ಸ್ ತಂಡಕ್ಕೆ ನೂತನ ಕ್ಯಾಪ್ಟನ್ ಆದ ಹಾರ್ದಿಕ್ ಪಾಂಡ್ಯ, ಎಂಐ ನಾಯಕನಾಗಿ ಆಡಿದ ಮೊದಲ ಸೀಸನ್ನಲ್ಲಿ ತಂಡವನ್ನು ಗೆಲುವಿನ ದಡ ಸೇರಿಸುವಲ್ಲಿ ಮುಗ್ಗರಿಸಿದರು. ವ್ಯಾಪಕ ಛೀಮಾರಿ, ಟೀಕೆಗಳ ನಡುವೆಯೂ ತನ್ನ ಸ್ಥಾನ ಕಳೆದುಕೊಳ್ಳದ ಹಾರ್ದಿಕ್, ಇದೀಗ 2025ರ ಐಪಿಎಲ್ ಆವೃತ್ತಿಯಲ್ಲಿ ಮುಂಬೈಗೆ ಗೆಲುವನ್ನು ತಂದುಕೊಡಲು ದೊಡ್ಡ ಲೆಕ್ಕಾಚಾರಗಳನ್ನೇ ಹಾಕಿಕೊಂಡಿದ್ದಾರೆ.
ಇದನ್ಣೂ ಓದಿ: ರಾಷ್ಟ್ರ ಮಟ್ಟಕ್ಕೆ ಆಯ್ಕೆ
ಟೀಮ್ ಇಂಡಿಯಾದ ಅತ್ಯುತ್ತಮ ಬ್ಯಾಟ್ಸ್ಮನ್, ಫೀಲ್ಡರ್ ಆಗಿರುವ ವಿರಾಟ್ ಕೊಹ್ಲಿ, 2008ರಿಂದ ಪ್ರಾರಂಭವಾದ ಐಪಿಎಲ್ನ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪರವೇ ಆಡಿದ್ದಾರೆ ಹೊರತು ಇನ್ಯಾವ ಟೀಮ್ಗೂ ಆಡಿಲ್ಲ ಎಂಬುದೇ ವಿಶೇಷ. 2008ರಿಂದ 2024ರವರೆಗೂ ಒಂದೇ ಫ್ರಾಂಚೈಸಿ ಪರ ಮೈದಾನಕ್ಕಿಳಿದಿರುವ ವಿರಾಟ್ ಆರ್ಸಿಬಿ ಫ್ರಾಂಚೈಸಿಯೊಂದಿಗೆ ವಿಶೇಷ ಸಂಬಂಧ, ಅನುಬಂಧ ಹೊಂದಿದ್ದಾರೆ. ಸದ್ಯ ಈ ಬಾರಿ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಕ್ರಿಕೆಟ್ ಪ್ರೇಮಿಗಳ ನೆಚ್ಚಿನ 'ರನ್ ಮಷಿನ್'ರನ್ನು ಕರೆತರಲು ಹಾರ್ದಿಕ್ ಎದುರುನೋಡುತ್ತಿದ್ದು, ಈ ಮೂರು ವಿಷಯಗಳೇ ಅದಕ್ಕೆ ಕಾರಣ ಎನ್ನಲಾಗಿದೆ.
ಪ್ರತಿಯೊಬ್ಬರಿಗೂ ತಿಳಿದಿರುವಂತೆ ಮೈದಾನಕ್ಕೆ ಕೊಹ್ಲಿ ಎಂಟ್ರಿ ಕೊಡುತ್ತಿದ್ದಾರೆ ಎಂದರೆ ಅಲ್ಲಿ ‘ವಿರಾಟ ರೂಪ’ ಇದ್ದೇ ಇರುತ್ತದೆ. ತಂಡ ಯಾವುದೇ ಇರಲಿ, ಎದುರಾಳಿ ಯಾರೇ ಇರಲಿ ಅದ್ಯಾವುದು ‘ರನ್ ಮಷಿನ್’ಗೆ ಲೆಕ್ಕಕ್ಕಿಲ್ಲ. ತಮ್ಮ ದಾಟಿಯಲ್ಲೇ ಪಂದ್ಯವನ್ನಾಡುವ ವಿರಾಟ್ ಕೊಹ್ಲಿ, ಅಬ್ಬರದ ಬ್ಯಾಟಿಂಗ್, ಫೀಲ್ಡಿಂಗ್ ಜತೆ ಜತೆಯಲ್ಲೇ ಎದುರಾಳಿಗಳಲ್ಲಿ ಕಿಚ್ಚು ಹಚ್ಚಿಸುತ್ತಾರೆ. ಮೈದಾನದಲ್ಲಿ ಸೇರಿರುವ ಅಭಿಮಾನಿಗಳಿಗೂ ತಮ್ಮ ಕಿಚ್ಚನ್ನು ಹಬ್ಬಿಸುವ ವಿರಾಟ್, ಸ್ಟೇಡಿಯಂನಲ್ಲಿರುವ ಫ್ಯಾನ್ಸ್ಗಳನ್ನು ಹುಚ್ಚೆದ್ದು ಕುಣಿಯುವಂತೆ ಮಾಡುತ್ತಾರೆ.
ಈ ಹಿಂದೆ ಟೀಮ್ ಇಂಡಿಯಾ ಹಾಗೂ ಆರ್ಸಿಬಿ ತಂಡವನ್ನು ಕ್ಯಾಪ್ಟನ್ ಆಗಿ ಮುನ್ನಡೆಸಿರುವ ವಿರಾಟ್ ಕೊಹ್ಲಿ, ಅದ್ಭುತ ಫಿಟ್ನೆಸ್ ಹೊಂದಿದ್ದಾರೆ. ಆರಂಭಿಕ ಬ್ಯಾಟ್ಸ್ಮನ್ ಆಗಿ ಬರುವುದರಿಂದ ಹಿಡಿದು ಫೀಲ್ಡಿಂಗ್ ಕೂಡ ಅದ್ಭುತವಾಗಿ ನಿಭಾಯಿಸುತ್ತಾರೆ. ಮಿಂಚಿನ ಓಟ, ವೇಗದ ಎಸೆತ, ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತಂಡದ ಪ್ರದರ್ಶನವನ್ನು ಮತ್ತಷ್ಟು ಹೆಚ್ಚಿಸುವಂತೆ ಮಾಡುತ್ತದೆ. ಪ್ರಾಯಶಃ ಇದು ಮುಂಬೈಗೆ ಪ್ಲಸ್ ಪಾಯಿಂಟ್ ಆಗುವುದರಲ್ಲಿ ಅನುಮಾನವೇ ಇಲ್ಲ.
ಕ್ರಿಕೆಟ್ ಪ್ರದರ್ಶನ ಎಂಬುದನ್ನು ಹೊರತುಪಡಿಸಿ ನೋಡುವುದಾದರೆ, ಅಪಾರ ಸಂಖ್ಯೆಯ ಅಭಿಮಾನಿಗಳ ಅಗಾಧ ಪ್ರೀತಿಯನ್ನು ಸಂಪಾದಿಸಿರುವ ವಿರಾಟ್, ಮಾರುಕಟ್ಟೆಯಲ್ಲಿ ಒಂದೊಳ್ಳೆ ಟ್ರೆಂಡ್ ಸೆಟ್ ಮಾಡಿದ್ದಾರೆ. ಬ್ರ್ಯಾಂಡ್ಗಳಿಗೆ ಬ್ರ್ಯಾಂಡ್ ಆಗಿರುವ ವಿರಾಟ್ ಹೆಸರು ಮುಂಬೈ ಇಂಡಿಯನ್ಸ್ನ ಮಾರ್ಕೆಟ್ ಮೌಲ್ಯವನ್ನು ಹೆಚ್ಚಿಸುವುದರಲ್ಲಿ ಸಂಶಯವೇ ಇಲ್ಲ. ಸದ್ಯ ಈ ಮೂರು ಅಂಶಗಳು ವಿರಾಟ್ರನ್ನು ಎಂಐಗೆ ಕರೆತರಲು ಪ್ರಮುಖ ಕಾರಣವಾಗಿ ಮಾರ್ಪಟ್ಟಿದೆ,(ಏಜೆನ್ಸೀಸ್).