IPL 2025 : ಹೈದರಾಬಾದ್ ಉದ್ಯಮಿಯೊಬ್ಬ ಐಪಿಎಲ್ ಆಟಗಾರರಿಗೆ ಹಾಗೂ ಆಟಕ್ಕೆ ಸಂಬಂಧಿಸಿದವರನ್ನು ಕಾನೂನು ಬಾಹಿರ ಕೃತ್ಯ ಎಸಗುವಂತೆ(ಮ್ಯಾಚ್ ಫಿಕ್ಸಿಂಗ್) ಒತ್ತಾಯಿಸುತ್ತಿದ್ದಾರೆ ಎಂದು ಐಪಿಎಲ್ ಪಾಲುದಾರರಿಗೆ(ಪ್ರಾಂಚೈಸಿ) ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(BCCI) ಎಚ್ಚರಿಕೆಯನ್ನು ನೀಡಿದೆ.
ಬಿಸಿಸಿಐ ಕ್ರಿಕೆಟಿಗರು, ಕೋಚ್ಗಳು, ಸಹಾಯಕ ಸಿಬ್ಬಂದಿ ಹಾಗೂ ವ್ಯಾಖ್ಯಾನಕಾರರಿಗೆ ಈ ಬಗ್ಗೆ ಬಿಸಿಸಿಐ ಎಚ್ಚರಿಕೆ ನೀಡಿದೆ. ಅಲ್ಲದೆ, ಉದ್ಯಮಿಯು ಯಾವ ವಿಧಾನಗಳಿಂದ ಫಿಕ್ಸಿಂಗ್ಗೆ ಆಹ್ವಾನ ನೀಡುತ್ತಿದ್ದಾರೆ ಎನ್ನುವುದರ ಬಗ್ಗೆ ಕೂಡ BCCI ವಿವರವಾಗಿ ಮಾಹಿತಿ ನೀಡಿದೆ.
ಕ್ರಿಕ್ಬಜ್ನ ವರದಿಯ ಪ್ರಕಾರ, ಭ್ರಷ್ಟಾಚಾರ ವಿರೋಧಿ ಭದ್ರತಾ ಘಟಕ (ಎಸಿಎಸ್ಯು) ಉದ್ಯಮಿಗೆ ಬುಕ್ಕಿಗಳೊಂದಿಗೆ ಸಂಪರ್ಕವಿದೆ ಎಂದು ಶಂಕೆ ವ್ಯಕ್ತಪಡಿಸುತ್ತದೆ. ಆ ವ್ಯಕ್ತಿಯು ಇತ್ತೀಚಿನ ದಿನಗಳಲ್ಲಿ ಜನರೊಂದಿಗೆ ಸ್ನೇಹ ಬೆಳೆಸಲು ಪ್ರಯತ್ನಿಸುತ್ತಿದ್ದಾನೆ ಮತ್ತು ಸ್ಪರ್ಧೆಯಲ್ಲಿ ಭಾಗಿಯಾಗಿರುವ ಜನರೊಂದಿಗೆ ಸಂಪರ್ಕವನ್ನು ಸ್ಥಾಪಿಸಲು ಪ್ರಯತ್ನಿಸುತ್ತಿದ್ದಾನೆ ಎಂದು ವರದಿಯಾಗಿದೆ.
ಇನ್ನು ಉದ್ಯಮಿ ಬಳಸುತ್ತಿರುವ ವಿಧಾನಗಳಲ್ಲಿ ಫ್ರಾಂಚೈಸ್ ಮಾಲೀಕರು, ಆಟಗಾರರು, ತರಬೇತುದಾರರು, ಸಹಾಯಕ ಸಿಬ್ಬಂದಿ ಮತ್ತು ವೀಕ್ಷಕ ವಿವರಣೆಗಾರರ ಕುಟುಂಬ ಸದಸ್ಯರನ್ನು ಸಂಪರ್ಕಿಸುವುದು ಒಂದು ಎಂದು ವರದಿ ಉಲ್ಲೇಖಿಸಿದೆ.(ಏಜೆನ್ಸೀಸ್)