ಬೆಂಗಳೂರು: ಉತ್ತಮ ನಿರೀಕ್ಷೆಯೊಂದಿಗೆ ಐಪಿಎಲ್-2024 ಅಭಿಯಾನ ಆರಂಭಿಸಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತನ್ನ ಮೊದಲ ಪಂದ್ಯದಲ್ಲೇ ಸೋಲಿನಿಂದ ಲೀಗ್ ಪ್ರಾರಂಭಿಸಿತು. ಬಳಿಕ ಚೇತರಿಸಿಕೊಂಡು ಎರಡನೇ ಪಂದ್ಯ ಪಂಜಾಬ್ ವಿರುದ್ಧ ಗೆದ್ದು ಭರವಸೆ ಮೂಡಿಸಿತು. ಆದರೆ, ಕ್ಯಾಪ್ಟನ್ ಫಾಫ್ ಡುಪ್ಲೆಸಿಸ್ ಪಡೆ ಸತತ 6 ಪಂದ್ಯಗಳಲ್ಲಿ ಸೋಲುವ ಮೂಲಕ ಈ ಒಂದು ಹಂತದಲ್ಲಿ ಟ್ರೋಫಿ ಗೆಲ್ಲುವ ಆಸೆಯನ್ನೇ ಕೈ ಚೆಲ್ಲಿತ್ತು. ಆದರೆ, ಜಾದುವಿನಂತೆ ಲೀಗ್ನ ದ್ವಿತೀಯಾರ್ಧದಲ್ಲಿ ಪುಟಿದೆದ್ದ ಆರ್ಸಿಬಿ, ಸತತ 5 ಗೆಲುವಿನೊಂದಿಗೆ ಇಂದಿಗೂ ತಮ್ಮ ಪ್ಲೇಆಫ್ ಕನಸನ್ನು ಜೀವಂತವಾಗಿರಿಸಿಕೊಂಡಿದೆ. ಪ್ಲೇಆಫ್ಗೆ ಆರ್ಸಿಬಿ ಅರ್ಹತೆ ಗಿಟ್ಟಿಸಿಕೊಳ್ಳಬೇಕೆಂದರೆ ನಿಜಕ್ಕೂ ಪವಾಡವೇ ನಡೆಯಬೇಕಿದೆ. ಆದರೂ ಅದು ಅಷ್ಟು ಸುಲಭವಲ್ಲ.
ಆರ್ಸಿಬಿ ಪ್ಲೇಆಫ್ ಕನಸು ಈವರೆಗೂ ಜೀವಂತವಾಗಿದೆ. ಆದರೆ, ಮುಂದೆ? ಹೇಗೆ, ಏನು ಎಂಬ ಹತ್ತಾರು ಪ್ರಶ್ನೆಗಳು, ಅನುಮಾನಗಳು ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಇಲ್ಲಿಯವರೆಗೆ 13 ಪಂದ್ಯಗಳನ್ನು ಆಡಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪಡೆ 12 ಪಾಯಿಂಟ್ಗಳನ್ನು ಗಳಿಸುವ ಮೂಲಕ ಅಂಕಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದೆ. ಸತತ ಗೆಲುವಿನಿಂದ ತಂಡದಲ್ಲಿ ಭಾರೀ ಉತ್ಸಾಹ ಹೆಚ್ಚಿದ್ದು, ಇನ್ನೊಂದು ಪಂದ್ಯ ಗೆದ್ದರೆ ಪ್ಲೇಆಫ್ಗೆ ಹೋಗುತ್ತೀವಿ ಎಂದು ಅಭಿಮಾನಿಗಳು ದೊಡ್ಡ ಭರವಸೆಯನ್ನೇ ಇಟ್ಟುಕೊಂಡಿದ್ದಾರೆ. ಆದರೆ, ಅದೆಲ್ಲವೂ ಈ ಲೆಕ್ಕಚಾರಗಳನ್ನು ಒಮ್ಮೆ ನೋಡಿದ್ರೆ ಕೇವಲ ಕನಸಾಗಿಯೇ ಉಳಿಯುತ್ತದೆನೋ ಅಂತ ಅನಿಸುವುದು ಪಕ್ಕಾ!
ಐಪಿಎಲ್ 2024ರ ಪ್ಲೇಆಫ್ಗೆ ಆರ್ಸಿಬಿ ಎಂಟ್ರಿ ಕೊಡಬಹುದಾ?
ಹೌದು, ಖಂಡಿತಾ ಪ್ಲೇಆಫ್ಗೆ ಆರ್ಸಿಬಿ ಎಂಟ್ರಿ ಕೊಡಬಹುದು. ಕಳೆದ ಪಂದ್ಯಗಳಲ್ಲಿ ತಂಡ ಆಡುತ್ತಿರುವ ವೈಖರಿ ನೋಡಿದ್ರೆ, ತಲುಪುವ ಎಲ್ಲಾ ಸಾಧ್ಯತೆಗಳಿವೆ. ಆದರೆ, ಕೇವಲ ಮುಂದಿನ ಪಂದ್ಯದಲ್ಲಿ ಸಿಎಸ್ಕೆ ವಿರುದ್ಧ ಸಾಧಾರಣ ಜಯ ಸಾಧಿಸಿದ್ರೆ ಸಾಲದು. 14 ಪಾಯಿಂಟ್ಗಳ ಜತೆ ಜತೆಗೆ ಅತ್ಯಧಿಕ ರನ್ರೇಟ್ ಅಗತ್ಯವಿದೆ. ಸಿಎಸ್ಕೆ ತಂಡವನ್ನು 18 ರನ್ಗಳ ಅಂತರದಿಂದ ಮಣಿಸಬೇಕು (ಮೊದಲು ಬ್ಯಾಟ್ ಮಾಡಿ) ಅಥವಾ 11 ಬಾಲ್ ಉಳಿದಿರುವ ಮುನ್ನವೇ ಪಂದ್ಯ ಗೆಲ್ಲಬೇಕು. ಇದು ಆರ್ಸಿಬಿಗೆ ಮತ್ತಷ್ಟು ಬಲ ತುಂಬುವುದೇನೋ ನಿಜ. ಆದರೆ, ಇದಷ್ಟೇ ಸಾಲಲ್ಲ.
ಇದನ್ನೂ ಓದಿ: ಪಾಣೆಮಂಗಳೂರು ಮೇಲ್ಸೇತುವೆಯಲ್ಲಿ ಪ್ರಾಯೋಗಿಕ ಸಂಚಾರ
ಆರ್ಸಿಬಿ ಪ್ಲೇಆಫ್ಗೆ ಹೋಗಬೇಕಾದ್ರೆ ಇಷ್ಟೆಲ್ಲಾ ನಡೆಯಬೇಕು
DC vs LSG: ಈ ಪಂದ್ಯದಲ್ಲಿ ಎರಡು ತಂಡಗಳಲ್ಲಿ ಯಾರೇ ಗೆಲ್ಲಲಿ, ಕಡಿಮೆ ಮಾರ್ಜಿನ್ನಿಂದಲೇ ಗೆಲ್ಲಬೇಕು.
SRH vs GT: ಈ ಮ್ಯಾಚ್ನ ಖಂಡಿತವಾಗಿ ಗುಜರಾತ್ ಟೈಟನ್ಸ್ ಗೆಲ್ಲಬೇಕು.
MI vs LSG: ಇಲ್ಲಿ ಮುಂಬೈ ಇಂಡಿಯನ್ಸ್ ಗೆಲುವು ಪಡೆಯುವುದು ಆರ್ಸಿಬಿಗೆ ಅನಿವಾರ್ಯ. ಅಕಸ್ಮಾತ್, ಡೆಲ್ಲಿ ವಿರುದ್ಧದ ಪಂದ್ಯದಲ್ಲಿ ಲಕ್ನೋ ಗೆದ್ರೆ, ಇಲ್ಲಿ ಮುಂಬೈ ಗೆಲ್ಲಬೇಕು.
RCB vs CSK: ಇನ್ನು ಈ ಪಂದ್ಯ ಬಹಳ ಮುಖ್ಯವಾಗಿದ್ದು, ಇಲ್ಲಿ ಆರ್ಸಿಬಿ 18 ರನ್ಗಳ ಅಂತರದಿಂದ ಸಿಎಸ್ಕೆಯನ್ನು ಮಣಿಸಬೇಕು (ಮೊದಲು ಬ್ಯಾಟ್ ಮಾಡಿ) ಅಥವಾ 11 ಬಾಲ್ ಉಳಿದಿರುವ ಮುನ್ನವೇ ಪಂದ್ಯ ಗೆಲ್ಲಬೇಕು.
ಮೇಲೆ ತಿಳಿಸಿದ ಅಷ್ಟು ವಿಷಯಗಳು ಸಂಭವಿಸಿದರೆ ಮಾತ್ರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಪ್ಲೇಆಫ್ ಕನಸು ಈಡೇರುತ್ತದೆ. ಆದರೆ, ಇದೆಲ್ಲವೂ ಅಂದುಕೊಂಡಂತೆ ಆಗಬೇಕು ಎಂದರೆ ನಿಜಕ್ಕೂ ಪವಾಡ ನಡೆಯಲೇಬೇಕಿದೆ. ಏನೇ ಉತ್ಸಾಹದಲ್ಲಿ ಪ್ಲೇಆಫ್ ಹೋಗ್ತೀವಿ ಎಂದು ಹೇಳಿದರೂ ಸಹ ವಾಸ್ತವವಾಗಿ ಇದು ಬಹುತೇಕ ಡೌಟ್! ಕಷ್ಟಸಾಧ್ಯ ಎಂದರೆ ತಪ್ಪಾಗಲಾರದು.
ಇದನ್ನೂ ಓದಿ: ನಿಮ್ಮ ಮದುವೆ ಯಾವಾಗ ಹೇಳಿ? ರಾಯಬರೇಲಿ ಅಭಿಮಾನಿಗಳ ಪ್ರಶ್ನೆಗೆ ಕಡೆಗೂ ಉತ್ತರಿಸಿದ ರಾಹುಲ್! ಹೇಳಿದ್ದಿಷ್ಟು
ಇನ್ನು ಮೇ.18 ರಂದು ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಆರ್ಸಿಬಿ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ನಡುವಿನ ಪಂದ್ಯದ ಮೇಲೆ ಸದ್ಯ ಕ್ರಿಕೆಟ್ ಅಭಿಮಾನಿಗಳ ಚಿತ್ತ ಮೂಡಿದ್ದು, ಯಾರಿಗೆ ಪ್ಲೇಆಫ್ ಕನಸು ಈಡೇರುತ್ತದೆ? ಯಾರಿಗೆ ಲೀಗ್ನಿಂದ ಗೇಟ್ ಪಾಸ್ ಸಿಗುತ್ತದೆ ಎಂಬ ಕೌತಕ ನೋಡುಗರಲ್ಲಿ ಬಿಟ್ಟುಬಿಡದಂತೆ ಕಾಡುತ್ತಿದೆ. ಒಟ್ಟಿನಲ್ಲಿ ಅಂದಿನ ಪಂದ್ಯಕ್ಕೆ ಭಾರೀ ಕುತೂಹಲ ಕೆರಳಿದ್ದು, ಪ್ಲೇಆಫ್ ಭವಿಷ್ಯ ಮೇ.18ರ ರಾತ್ರಿಯೇ ನಿರ್ಧಾರವಾಗಲಿದೆ,(ಏಜೆನ್ಸೀಸ್).