ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ (IPL) 2024ರ ಆವೃತ್ತಿಗೆ ಸದ್ಯ ದಿನಗಣನೆ ಆರಂಭಗೊಂಡಿದ್ದು, ಈ ಬಾರಿ ಅದ್ದೂರಿ ಓಪನಿಂಗ್ ಕಾರ್ಯಕ್ರಮ ಚೆನ್ನೈನ ಚೇಪಾಕ್ ಸ್ಟೇಡಿಯಂನಲ್ಲಿ ನಡೆಯಲಿದೆ. ಈ ಕುರಿತು ಈಗಾಗಲೇ ಬಿಸಿಸಿಐ ಅಧಿಕೃತ ಮಾಹಿತಿ ತಿಳಿಸಿದ್ದು, ಈ ಸೀಸನ್ನ ಮೊದಲ 21 ದಿನಗಳ ಪಂದ್ಯಗಳ ವೇಳಾಪಟ್ಟಿಯನ್ನು ಪ್ರಕಟಿಸಿದೆ.
ಐಪಿಎಲ್ 2024ರ ಕಿಕ್ಸ್ಟಾರ್ಟ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಸೆಣಸಾಡಲಿದ್ದು, ಮೊದಲ ಪಂದ್ಯದ ಮೂಲಕ ಯಾರು ಈ ಸೀಸನ್ ಶುಭಾರಂಭ ಮಾಡಲಿದ್ದಾರೆ ಎಂಬ ಕುತೂಹಲ ಸದ್ಯ ಕ್ರಿಕೆಟ್ ಅಭಿಮಾನಿಗಳಲ್ಲಿ ಬೆಂಬಿಡದೆ ಕಾಡುತ್ತಿದೆ. ಇಂಡಿಯನ್ ಪ್ರೀಮಿಯರ್ ಲೀಗ್ ಇತಿಹಾಸದಲ್ಲೇ ಅತೀ ಹೆಚ್ಚು ವೈರತ್ವ, ಪೈಪೋಟಿ ಇರುವ ತಂಡಗಳೇ ಈ ಆವೃತ್ತಿಯ ಮೊದಲ ಪಂದ್ಯದಲ್ಲಿ ಮುಖಾಮುಖಿಯಾಗುತ್ತಿರುವುದು ನೋಡುಗರಲ್ಲಿ ಕಿಚ್ಚು ಹೆಚ್ಚಿಸುತ್ತಿದೆ.
ಪ್ರತಿವರ್ಷವೂ ನಡೆಯಲಿರುವ ಐಪಿಎಲ್ ಸೀಸನ್ನಲ್ಲಿ ಹೆಚ್ಚು ವಿಕೆಟ್ ಪಡೆದ ಬೌಲರ್ಗೆ ಪರ್ಪಲ್ ಕ್ಯಾಪ್ ಮತ್ತು ಅತೀ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್ಮನ್ಗೆ ಆರೆಂಜ್ ಕ್ಯಾಪ್ ನೀಡಿ, ಪ್ರೋತ್ಸಾಹಿಸಲಾಗುತ್ತದೆ. ಇದೇ ರೀತಿ ಇಡೀ ಆವೃತ್ತಿಯಲ್ಲಿ ವಿಶೇಷ ಪ್ರದರ್ಶನ ನೀಡಿದ ಆಟಗಾರರ ದಾಖಲೆ ಐಪಿಎಲ್ ಇತಿಹಾಸದಲ್ಲಿ ಅಚ್ಚಳಿಯದಂತೆ ಉಳಿಯುತ್ತದೆ. ಬ್ಯಾಟ್ಸ್ಮನ್ಗಳು ಆಯಾ ಪಂದ್ಯದಲ್ಲಿ ತಮ್ಮ ತಂಡಕ್ಕಾಗಿ ನೀಡುವ ರನ್ ಕೊಡುಗೆಗಳು ಟೀಮ್ನ ಗೆಲುವಿಗೆ ಪ್ರಮುಖ ಕಾರಣವಾಗುತ್ತದೆ.
ಹಾಗೆ ನೋಡುವುದಾದರೆ ಐಪಿಎಲ್ನ ಮೊದಲ ಆವೃತ್ತಿ ಪ್ರಾರಂಭವಾಗಿದ್ದು 2008ರಲ್ಲಿ. ಆ ವರ್ಷದಲ್ಲಿ ಸ್ಪೋಟಕ ಬ್ಯಾಟಿಂಗ್ ಮೂಲಕ ಶತಕ ಸಿಡಿಸಿದ ಸ್ಟಾರ್ ಬ್ಯಾಟ್ಸ್ಮನ್ಗಳು ಯಾರೆಲ್ಲಾ? ಎಂಬುದರ ವಿವರ ಹೀಗಿದೆ.
ಬ್ರೆಂಡಂನ್ ಮೆಕಾಲಮ್ (ಕೆಕೆಆರ್)- 158*(63 ಎಸೆತ)
ಮೈಕ್ ಹಸ್ಸಿ (ಸಿಎಸ್ಕೆ)- 116*(54)
ಆ್ಯಂಡ್ರಿವ್ ಸೈಮಂಡ್ಸ್ (ಡೆಕನ್ ಚಾರ್ಜರ್ಸ್)- 117*(53)
ಆಡಮ್ ಗಿಲ್ಕ್ರಿಸ್ಟ್ (ಡೆಕನ್ ಚಾರ್ಜರ್ಸ್)- 109*(47)
ಸನತ್ ಜಯಸೂರ್ಯ (ಮುಂಬೈ ಇಂಡಿಯನ್ಸ್)- 114*(48)
ಶಾನ್ ಮಾರ್ಶ್ (ಪಂಜಾಬ್ ಕಿಂಗ್ಸ್)- 115(69)