| ಅವಿನಾಶ ಮೂಡಂಬಿಕಾನ ಬೆಂಗಳೂರು
ಸಚಿವ ಎಸ್.ಟಿ. ಸೋಮಶೇಖರ್ ಪುತ್ರ ನಿಶಾಂತ್ ಸೋಮಶೇಖರ್ಗೆ ಅಶ್ಲೀಲ ಫೋಟೋ ಮತ್ತು ವಿಡಿಯೋ ಕಳಿಸಿ ಹಣಕ್ಕಾಗಿ ಬ್ಲಾ್ಯಕ್ವೆುೕಲ್ ಮಾಡಿದ ಪ್ರಕರಣ ತಲ್ಲಣ ಮೂಡಿಸಿರುವ ನಡುವೆಯೇ, ದೇಶಾದ್ಯಂತ ಪ್ರತಿನಿತ್ಯ ಸರಾಸರಿ 15 ಇಂಥ ಪ್ರಕರಣಗಳು ಸೈಬರ್ ಪೊಲೀಸ್ ಠಾಣೆಗಳ ಮೆಟ್ಟಿಲೇರುತ್ತಿರುವ ಸಂಗತಿ ಬೆಳಕಿಗೆ ಬಂದಿದೆ. ಅಧಿಕಾರಿಗಳ ಪ್ರಕಾರ ಶೇ. 6 ಪ್ರಕರಣಗಳಷ್ಟೇ ಠಾಣೆ ಮೆಟ್ಟಿಲೇರಿದರೆ, ಉಳಿದವರು ಮಾನಕ್ಕೆ ಅಂಜಿ ದೂರು ಕೊಡಲು ಹಿಂದೇಟು ಹಾಕುತ್ತಾರೆ. ಸೈಬರ್ ಕ್ರೖೆಂನಲ್ಲಿ ಆರ್ಥಿಕ ಅಪರಾಧಗಳು ಮೊದಲ ಸ್ಥಾನದಲ್ಲಿದ್ದರೆ, ಅಶ್ಲೀಲತೆ ಟಾರ್ಚರ್ 2ನೇ ಸ್ಥಾನದಲ್ಲಿದೆ. ಹಣಕ್ಕಾಗಿ ಬ್ಲ್ಯಾಕ್ವೆುೕಲ್, ಪ್ರೀತಿ-ಪ್ರೇಮ, ಅಕ್ರಮ ಸಂಬಂಧ, ವೈಯಕ್ತಿಕ ದ್ವೇಷದ ಹಿನ್ನೆಲೆಯಲ್ಲಿ ಇಂತಹ ಅಶ್ಲೀಲ ಅಪರಾಧಗಳು ದಾಖಲಾಗುತ್ತಿವೆ. ಕಳೆದ 3 ವರ್ಷಗಳಲ್ಲಿ ದೇಶದ ವಿವಿಧ ಸೈಬರ್ ಠಾಣೆಗಳಲ್ಲಿ 13,587 ಕೇಸ್ ದಾಖಲಾಗಿದ್ದು, 8,711 ಆರೋಪಿಗಳನ್ನು ಜೈಲಿಗಟ್ಟಲಾಗಿದೆ.
ಶೇ.50 ಪ್ರಕರಣಗಳು ಹಣಕಾಸು ವಂಚನೆಗಳಿಗೆ ಸಂಬಂಧಿಸಿದ್ದಾದರೆ, ಮಹಿಳೆಯರಿಗೆ ಅಶ್ಲೀಲ ಫೋಟೊಗಳನ್ನು ಕಳಿಸಿ ಕಿರುಕುಳ ನೀಡುವ ಕೇಸ್ಗಳು ಶೇ.45 ಇದೆ. ಸರಸ ಸಲ್ಲಾಪದಲ್ಲಿ ತೊಡಗುವ ದೃಶ್ಯವನ್ನು ಮೊಬೈಲ್ನಲ್ಲಿ ಗೌಪ್ಯವಾಗಿ ಸೆರೆಹಿಡಿಯುವ ದುಷ್ಕರ್ವಿುಗಳು, ನಂತರ ವಾಟ್ಸ್ಆಪ್ ಮೂಲಕ ವೀಡಿಯೊ ಕಳುಹಿಸಿ ಬ್ಲಾ್ಯಕ್ವೆುೕಲ್ ಮಾಡುತ್ತಾರೆ. ಸಂತ್ರಸ್ತ ಮಹಿಳೆಯರು ಬೇಡಿಕೆ ಈಡೇರಿಸದಿದ್ದರೆ ಆ ವಿಡಿಯೋಗಳನ್ನು ಇನ್ಸ್ಟಾಗ್ರಾಂ, ಫೇಸ್ಬುಕ್, ಟೆಲಿಗ್ರಾಂನಂತಹ ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಲಾಗುತ್ತದೆ. ರಾಜ್ಯದಲ್ಲಿ ಅಂದಾಜು ಎರಡೂವರೆ ಸಾವಿರಕ್ಕೂ ಹೆಚ್ಚಿನ ಮಹಿಳೆಯರು ಇದೇ ಮಾದರಿಯ ಬ್ಲಾ್ಯಕ್ವೆುೕಲ್ಗೆ ಒಳಗಾಗಿದ್ದಾರೆ.
ಎಷ್ಟು ವರ್ಷ ಶಿಕ್ಷೆ?: ಇನ್ಫಮೇಷನ್ ಟೆಕ್ನಾಲಜಿ ಕಾಯ್ದೆ (ಐಟಿ ಆಕ್ಟ್) 67ಬಿ ಪ್ರಕಾರ-3 ವರ್ಷ ಜೈಲು ಶಿಕ್ಷೆ, 67-ಎ ಪ್ರಕಾರ 5 ವರ್ಷ ಶಿಕ್ಷೆ, 66-ಇ ಪ್ರಕಾರ 3 ವರ್ಷ ಜೈಲು ಶಿಕ್ಷೆ.
ಆಂಡ್ರಾಯ್್ಡ ಫೋನ್ ಕಾರಣ: ರಾಜ್ಯದಲ್ಲಿ ಅಶ್ಲೀಲ/ಅಸಭ್ಯ ವಿಡಿಯೋ ಪ್ರಕಟಣೆ ಅಥವಾ ಪ್ರಸರಣ ಕಾಯ್ದೆಯಡಿ 2018ರಲ್ಲಿ 3076 ಕೇಸ್ ದಾಖಲಾಗಿ 46 ಮಂದಿಗೆ ಶಿಕ್ಷೆಯಾಗಿತ್ತು. 2019 ರಲ್ಲಿ ಇದರ ಪ್ರಮಾಣ 4,203ಕ್ಕೆ ಏರಿಕೆಯಾಗಿದ್ದು, 106 ಅಪರಾಧಿಗಳು ಜೈಲು ಸೇರಿದ್ದಾರೆ. 2020ರಲ್ಲಿ 6,308 ಪ್ರಕರಣ ದಾಖಲಾಗಿದ್ದು, 82 ಮಂದಿಗೆ ಶಿಕ್ಷೆಯಾಗಿದೆ. ಹದಿಹರೆಯದ ಹೆಣ್ಣು ಮಕ್ಕಳೇ ಹೆಚ್ಚಾಗಿ ಇಂಥ ವಂಚನೆಗೆ ಬಲಿಯಾ ಗುತ್ತಿದ್ದಾರೆ ಎಂದು ಅಂಕಿಅಂಶಗಳು ಹೇಳುತ್ತವೆ.
ಕಾರಣಗಳೇನು?: ಜಾಲತಾಣಗಳಲ್ಲಿ ಪರಿಚಯ ಆಗುವ ಅಪರಿಚಿತರೊಂದಿಗೆ ಸ್ನೇಹ ಬೆಳೆಸಿ ಮೋಸ ಹೋಗುವವರ ಸಂಖ್ಯೆ ದೊಡ್ಡದಿದೆ. ಹಣದ ಆಸೆ, ಪ್ರೀತಿಸಿದ ಯುವತಿ ಬೇರೆ ವ್ಯಕ್ತಿಯ ಜತೆಗೆ ವಿವಾಹವಾಗುವುದು, ಬೇರೆ ಸ್ನೇಹಿತನ ಜತೆಗೆ ಓಡಾಡುವುದು, ಪ್ರೀತಿಸಿ ಕೈ ಕೊಡುವುದು, ವೈಯಕ್ತಿಕ ದ್ವೇಷ ಕಾರಣಕ್ಕೆ ಕಿಡಿಗೇಡಿಗಳು ಮಹಿಳೆಯರನ್ನು ಟಾರ್ಗೆಟ್ ಮಾಡುತ್ತಿದ್ದಾರೆ.