ಇದು ಹಾಟೆಸ್ಟ್ ಸೀರೆ!; ಇದನ್ನು ಬೆಂಕಿಪೊಟ್ಟಣದೊಳಗಿಟ್ಟು ಒಯ್ಯಬಹುದು..!

ತೆಲಂಗಾಣ: ಇದು ಮ್ಯಾಚಿಂಗ್​ ಸೀರೆ ಅಲ್ಲದಿರಬಹುದು, ಆದರೆ ಮ್ಯಾಚ್​ಬಾಕ್ಸ್ ಸೀರೆಯಂತೂ ಹೌದು. ಮಾತ್ರವಲ್ಲ, ಇದು ಹಾಟೆಸ್ಟ್​ ಸೀರೆ ಎಂದರೂ ತಪ್ಪೇನಲ್ಲ. ಏಕೆಂದರೆ ಇಡೀ ಸೀರೆಯನ್ನು ಒಂದು ಬೆಂಕಿಪೊಟ್ಟಣದ ಒಳಗಿಟ್ಟುಕೊಂಡು ಒಯ್ಯಬಹುದು.

ನಲ್ಲ ವಿಜಯ್ ಎಂಬವರು ಇಂಥದ್ದೊಂದು ವಿಶಿಷ್ಟ ಸೀರೆಯನ್ನು ಕೈಮಗ್ಗದ ಮೂಲಕ ನೇಯ್ದಿದ್ದಾರೆ. ಒಂದು ಬೆಂಕಿಪೊಟ್ಟಣದ ಒಳಗಿಟ್ಟು ಒಯ್ಯಬಹುದಾದ ಈ ಸೀರೆಯನ್ನು ತೆಲಂಗಾಣದ ಸಚಿವರಾದ ಕೆ.ಟಿ. ರಾಮರಾವ್, ಎರ್ರಬೆಲ್ಲಿ ದಯಾಕರ್ ರಾವ್, ವಿ.ಶ್ರೀನಿವಾಸ್ ಗೌಡ್ ಮತ್ತು ಸಬಿತಾ ರೆಡ್ಡಿ ಮುಂತಾದವರ ಸಮ್ಮುಖದಲ್ಲಿ ಇಲ್ಲಿನ ಸಿರಿಸಿಲ್ಲದ ಯುವನೇತಾರರಾಗಿರುವ ನಲ್ಲ ವಿಜಯ್ ಅನಾವರಣಗೊಳಿಸಿದರು.

ನಲ್ಲ ವಿಜಯ್ ಈ ಸೀರೆಯನ್ನು ಬರೀ ಆರು ದಿನಗಳಲ್ಲಿ ನೇಯ್ಗೆ ಮಾಡಿದ್ದು, ಇದಕ್ಕೆ ಸಾಂಪ್ರದಾಯಿಕ ಮಗ್ಗದಲ್ಲಿ 12 ಸಾವಿರ ರೂಪಾಯಿ ಖರ್ಚು ತಗುಲಿದೆ. ಇದನ್ನೇ ಯಾಂತ್ರಿಕ ಮಗ್ಗದಲ್ಲಿ ಮಾಡಿದರೆ 8 ಸಾವಿರ ರೂ. ಖರ್ಚಿನಲ್ಲಿ ಮಾಡಬಹುದು ಎಂದು ಅವರು ವಿವರಣೆ ನೀಡಿದರು. ಈ ವಿಶಿಷ್ಟ ಸೀರೆಯನ್ನು ನೇಯ್ಗೆ ಮಾಡಿರುವವರಿಗೆ ಸಚಿವರು ಮೆಚ್ಚುಗೆ ಸೂಚಿಸಿದರು.

https://www.vijayavani.net/couple-gave-poison-to-child-and-later-both-committed-suicide/

https://www.vijayavani.net/big-loan-amount-of-cafe-coffee-day-is-cleared/