ಮುಂಬೈ: ಕಳೆದ ಕೆಲ ವರ್ಷಗಳಿಂದ ಸೌತ್ ಸಿನಿಮಾಗಳು ವಿಶ್ವದಾದ್ಯಂತ ಸಾಕಷ್ಟು ಜನಮನ್ನಣೆ ಗಳಿಸುತ್ತಿದ್ದು, ಬಾಕ್ಸ್ಆಫೀಸ್ನಲ್ಲಿ ಧೂಳೆಬ್ಬಿಸಿದೆ. ಕೆಜಿಎಫ್ ಹಾಗೂ ಪುಷ್ಪ ಭಾಗ 1 ಮತ್ತು 2 ಇದಕ್ಕೆ ಜೀವಂತ ನಿದರ್ಶನವಾಗಿದ್ದು, ಬಾಲಿವುಡ್ ಸ್ಟಾರ್ ನಟರ ಸಿನಿಮಾಗಳು ಕೂಡ ಸೌತ್ ಚಿತ್ರಗಳ ಮುಂದೆ ಮಂಡಿಯೂರಿದ್ದವು. ಆದರೆ, ಬಾಲಿವುಡ್ ಮಂದಿಗೆ ಈ ವಿಚಾರ ಇನ್ನೂ ನಿದ್ದೆಗೆಡಿಸಿದ್ದು, ಇದಕ್ಕೆ ಹೃತಿಕ್ ರೋಷನ್ ಅವರ ತಂದೆ ರಾಕೇಶ್ (Rakesh Roshan) ನೀಡಿರುವ ಹೇಳಿಕೆಯೇ ಉತ್ತಮ ಉದಾಹರಣೆಯಾಗಿದೆ.
ಖಾಸಗಿ ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಈ ಬಗ್ಗೆ ಮಾತನಾಡಿರುವ ರಾಕೇಶ್ (Rakesh Roshan), ದಕ್ಷಿಣ ಭಾರತದ ಸಿನಿಮಾಗಳು ಹಳೆಯ ಟ್ರೆಂಡ್ಅನ್ನು ಫಾಲೋ ಮಾಡುತ್ತಿದ್ದು, ಯಾವುದೇ ಹೊಸ ಮಾರ್ಗ ಅನ್ವೇಷಿಸದೆ, ಏಳ್ಗೆ ಕಾಣದ ಕಾರಣ ಯಶಸ್ವಿಯಾಗಿದ್ದಾರೆ. ನಾವು ಹೊಸ ಮಾರ್ಗಗಳನ್ನು ಕಂಡುಕೊಂಡಿದ್ದೇವೆ. ಸವಾಲುಗಳನ್ನು ಸ್ವೀಕರಿಸಿದ್ದೇವೆ. ಆದರೆ, ಅವರಿಂದ ಇದು ಸಾಧ್ಯವಾಗಿಲ್ಲ ಎಂದು ಹೇಳಿದ್ದಾರೆ.
ಉದಾಹರಣೆಗೆ ಕ ಹೋನಾ ಪ್ಯಾರ್ ಹೇ ಬಳಿಕ ನಾನು ಕೋಹಿ ಮಿಲ್ ಗಯಾ ಸಿನಿಮಾ ಮಾಡಿದೆ. ರೋಹಿತ್ನನ್ನು ಸೂಪರ್ ಹೀರೋ ಮಾಡಿದೆ. ನಾವು ಈ ರೀತಿಯ ಸವಾಲನ್ನು ನಾವು ಸ್ವೀಕರಿಸಿದ್ದೇವೆ. ಅವರಿಗೆ ಇದು ಸಾಧ್ಯವಾಗುತ್ತಿಲ್ಲ. ಅವರು ಸೇಫ್ ಆಗಿ ಆಡುತ್ತಿದ್ದಾರೆ ಎಂದು ಹೇಳುವ ಮೂಲಕ ಹೃತಿಕ್ ರೋಷನ್ ಅವರ ತಂದೆ ರಾಕೇಶ್ (Rakesh Roshan) ವಿವಾದದ ಕಿಡಿಯನ್ನ ಹೊತ್ತಿಸಿದ್ದಾರೆ.
2024ರ ಡಿಸೆಂಬರ್ 05ರಂದು ಬಿಡುಗಡೆಯಾಗಿ ಬಾಕ್ಸ್ಆಫೀಸ್ನಲ್ಲಿ ಧೂಳೆಬ್ಬಿಸಿದ್ದ ಪುಷ್ಪ-2 ಚಿತ್ರವು ಸಾವಿರ ಕೋಟಿಗೂ ಅಧಿಕ ಮೊತ್ತವನ್ನು ಬಾಚುವ ಮೂಲಕ ಬಾಕ್ಸ್ಆಫೀಸ್ನಲ್ಲಿ ಧೂಳೆಬ್ಬಿಸಿತ್ತು. ಇದೀಗ ರಾಕೇಶ್ ರೋಷನ್ ನೀಡಿರುವ ಹೇಳಿಕೆ ವ್ಯಾಪಕ ಟೀಕೆಗೆ ಗುರಿಯಾಗಿದ್ದು, ಹಿಂದಿ ಚಿತ್ರಗಳಲ್ಲಿ ಸಾಂಗ್, ಫೈಟ್ ಬಿಟ್ಟರೆ ಬೇರೇನು ಇರುವುದಿಲ್ಲ. ಹೀಗಾಗಿ ಜನ ಹಿಂದಿ ಚಿತ್ರಗಳನ್ನು ನಿರಾಕರಿಸುತ್ತಿದ್ದಾರೆ ಎಂದು ತಿರುಗೇಟು ನೀಡಿದ್ದಾರೆ.