ಮುಂಬೈ: ವಾರ್ಷಿಕವಾಗಿ ನಡೆಯುವ ಟಾಟಾ ಮುಂಬೈ ಮ್ಯಾರಥಾನ್ನಲ್ಲಿ ಭಾಗವಹಿಸಿದ ಅನೇಕರ ಪೈಕಿ 74 ವರ್ಷದ ವ್ಯಕ್ತಿ ಸೇರಿದಂತೆ ಇಬ್ಬರು ಸ್ಥಳದಲ್ಲೇ ಕುಸಿದು ಬಿದ್ದು ಸಾವನ್ನಪ್ಪಿದ ಆಘಾತಕಾರಿ ಘಟನೆ ಮುಂಬೈ ನಗರದಲ್ಲಿ ವರದಿಯಾಗಿದೆ.
ಅಧಿಕಾರಿಗಳು ನೀಡಿದ ಮಾಹಿತಿ ಪ್ರಕಾರ, ಭಾನುವಾರ ನಡೆದ ಮ್ಯಾರಥಾನ್ ಓಟದಲ್ಲಿ ಭಾಗವಹಿಸಿದ 22 ಜನರು ನಿರ್ಜಲೀಕರಣ ಮತ್ತು ಇತರ ಕಾರಣಗಳಿಂದ ಕುಸಿದು ಬಿದ್ದು ಆಸ್ಪತ್ರೆಗೆ ದಾಖಲಾಗಿದ್ದಾರೆ ಎಂದು ವರದಿ ಉಲ್ಲೇಖಿಸಿದೆ. ಚಿಕಿತ್ಸೆ ಫಲಕಾರಿಯಾಗದೆ ಮೃತ ವ್ಯಕ್ತಿಗಳನ್ನು ಕೋಲ್ಕತ್ತಾ ಮೂಲದ ಸುವ್ರದೀಪ್ ಬ್ಯಾನರ್ಜಿ (40) ಮತ್ತು ಮುಂಬೈನ ರಾಜೇಂದ್ರ ಬೋರಾ (74) ಎಂದು ಗುರುತಿಸಲಾಗಿದೆ.
ಮ್ಯಾರಥಾನ್ ಓಟಗಾರ ಮತ್ತು ವೃತ್ತಿಯಲ್ಲಿ ಸಾಫ್ಟ್ವೇರ್ ಇಂಜಿನಿಯರ್ ಆಗಿದ್ದ ಬ್ಯಾನರ್ಜಿ ಹಾಜಿ ಅಲಿ ಜಂಕ್ಷನ್ ಬಳಿ ಕುಸಿದು ಬಿದ್ದಿದ್ದಾರೆ. ಇಂದು ನಡೆದ ವಾರ್ಷಿಕ ಟಾಟಾ ಮುಂಬೈ ಮ್ಯಾರಥಾನ್ನಲ್ಲಿ ಈ ಇಬ್ಬರು ಕುಸಿದು ಬಿದ್ದು ಸಾವನ್ನಪ್ಪಿದ್ದಾರೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ,(ಏಜೆನ್ಸೀಸ್).