ರಾಮಲಲ್ಲಾ ಪ್ರಾಣ ಪ್ರತಿಷ್ಠಾ: ಹನುಮಾನ್​ ಘಡಿಯಲ್ಲಿ ಬಿಗಿ ಭದ್ರತೆ! ಭಕ್ತರ ಪ್ರವೇಶ ಪ್ರಕ್ರಿಯೆ ಹೀಗಿದೆ…

ಅಯೋಧ್ಯೆ: ಇಂದು ಅಯೋಧ್ಯೆ ರಾಮಮಂದಿರದಲ್ಲಿ ನಡೆಯಲಿರುವ ರಾಮಲಲ್ಲಾ ಪ್ರತಿಷ್ಠಾ ಸಮಾರಂಭಕ್ಕೆ ಇದೀಗ ಅಂತಿಮ ಕ್ಷಣಗಣನೆ ಆರಂಭಗೊಂಡಿದ್ದು, ರಾಮ ಸಂಭ್ರಮಕ್ಕೆ ಜೈಶ್ರೀರಾಮ್ ಎಂಬ ಘೋಷಣೆ ಮೂಲಕ ದೇವಾಲಯವನ್ನು ಪ್ರವೇಶಿಸುತ್ತಿರುವ ಭಕ್ತಾಧಿಗಳು, ಬೆಳ್ಳಂಬೆಳಗ್ಗೆಯೇ ದೇಗುಲದ ಮುಂದೆ ಭಕ್ತಿ ಪೂರ್ವಕ ನಮನ ಸಲ್ಲಿಸಿದ್ದಾರೆ.

ಇದನ್ನೂ ಓದಿ: ಪ್ರಿಯಕರನ ಜತೆ ತಾಯಿ ಪರಾರಿ, ಸಾಲಗಾರರ ಕಾಟ ತಾಳದೆ ಊರು ಬಿಟ್ಟ ತಂದೆ: ತಬ್ಬಲಿ ಕಂದಮ್ಮಗಳಿಗೆ ಕಣ್ಣು ಕಾಣದ ವೃದ್ಧನೇ ಆಸರೆ!

ಈಗಾಗಲೇ ಸಕಲ ಸಿದ್ಧತೆಗಳನ್ನು ಮಾಡಿಕೊಂಡಿರುವ ದೇವಾಲಯದ ಟ್ರಸ್ಟ್​ ಹಾಗೂ ಉತ್ತರಪದೇಶ ಸರ್ಕಾರ, ರಾಮಲಲ್ಲಾ ದರ್ಶನ ಪಡೆಯಲು ದೇಶದ ನಾನಾ ಭಾಗಗಳಿಂದ ಬರುತ್ತಿರುವ ಭಕ್ತರಿಗೆ ವಿಶೇಷ ವ್ಯವಸ್ಥೆಗಳನ್ನು ಮಾಡಿಕೊಂಡಿದ್ದು, ಭಕ್ತರ ಪ್ರವೇಶಕ್ಕೆ ಯಾವುದೇ ತೊಂದರೆಯಾಗದಂತೆ ಮುಂಜಾಗ್ರತಾ ಕ್ರಮ ಅನುಸರಿಸುತ್ತಿದೆ. ದೇಗುಲದೊಳಗೆ ಬರುವ ಪ್ರತಿ ಭಕ್ತರು ತಾವು ಪಡೆದಿರುವ ಪಾಸ್​ ಅನ್ನು ಮುಖ್ಯದ್ವಾರದಲ್ಲಿ ಪ್ರದರ್ಶಿಸಬೇಕು ಎಂಬುದು ಮೂಲ ನಿಯಮ.

ಪಾಸ್​ನಲ್ಲಿರುವ ಕ್ಯೂಆರ್​ ಕೋಡ್​ ಸ್ಕ್ಯಾನ್ ಆದ ಬಳಿಕ ದೇವಾಲಯದ ಒಳಗೆ ಪ್ರವೇಶವನ್ನು ಅನುಮತಿಸಲಾಗುತ್ತದೆ. ಪ್ರಾಣ ಪ್ರತಿಷ್ಠೆಯ ಸಮಾರಂಭದ ಬೆನ್ನಲ್ಲೇ ಅಯೋಧ್ಯೆಯ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಬಿಗಿ ಭದ್ರತೆಯನ್ನು ನಿಯೋಜಿಸಲಾಗಿದ್ದು, ಹನುಮಾನ್​ ಘಡಿಯಲ್ಲಿ ಪೊಲೀಸರು ಕಟ್ಟೆಚ್ಚರ ವಹಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/indian-railways-has-been-ordered-to-pay-rs-30000-to-a-passenger