Game Changer ಚಿತ್ರತಂಡಕ್ಕೆ ಬಿಗ್​ ಶಾಕ್​; ಟಿಕೆಟ್ ದರ ಏರಿಕೆ ಆದೇಶ ಹಿಂಪಡೆದ ತೆಲಂಗಾಣ ಸರ್ಕಾರ

ಹೈಕೋರ್ಟ್‌ ನಿರ್ದೇಶನದಂತೆ ಆದೇಶವನ್ನು ಹಿಂಪಡೆಯಲಾಗಿದ್ದು, ಮುಂದಿನ ದಿನಗಳಲ್ಲಿ ಸಾರ್ವಜನಿಕ ಹಿತಾಸಕ್ತಿ, ಆರೋಗ್ಯ ಮತ್ತು ಭದ್ರತೆ ಕಾರಣಗಳಿಲ್ಲದಿದ್ದರೆ, ಮುಂಜಾನೆ ಪ್ರದರ್ಶನಕ್ಕೆ ಅವಕಾಶವನ್ನೂ ನಿರಾಕರಿಸಲಾಗಿದೆ. ಟಿಕೆಟ್‌ ದರ ಏರಿಕೆ ಹಿಂಪಡೆದ ಕ್ರಮವು ಜನವರಿ 16ರಿಂದ ಜಾರಿಯಾಗಲಿದೆ ಎಂದು ಸರ್ಕಾರ ತನ್ನ ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿದೆ. ಜನವರಿ 10ರಂದು ಸಿನಿಮಾ ಬಿಡುಗಡೆಯಾಗಲಿದ್ದು, ಪ್ರದರ್ಶನಗಳಿಗೆ ಅವಕಾಶ ನೀಡುವಂತೆ ಹಾಗೂ ಟಿಕೆಟ್‌ಗಳಿಗೆ ಮಲ್ಟಿಪ್ಲೆಕ್ಸ್‌ಗಳಲ್ಲಿ ₹ 150 ಹಾಗೂ ಏಕ ಪರದೆಯ ಚಿತ್ರ ಮಂದಿರಗಳಲ್ಲಿ ₹ 100 ಹೆಚ್ಚುವರಿ ದರ ನಿಗದಿ ಮಾಡಲು ಅನುಮತಿ ನೀಡುವಂತೆ ಗೇಮ್‌ ಚೇಂಜರ್‌ (Game Changer) ಸಿನಿಮಾ ತಂಡ ಮನವಿ ಮಾಡಿತ್ತು. ಅದರಂತೆ, ರಾಜ್ಯ ಸರ್ಕಾರವು ಜನವರಿ 03ರಂದು ಅನುಮತಿ ನೀಡಿ ಆದೇಶ ಹೊರಡಿಸಿತ್ತು.