ಮುಂಬೈ: ನಾವು ಪ್ರತಿನಿತ್ಯ ಒಂದು ಸ್ಥಳದಿಂದ ಇನ್ನೊಂದು ಜಾಗಕ್ಕೆ ಹೋಗಲು ನಗರ ಸಾರಿಗೆ, ಮೆಟ್ರೋ ಹಾಗು ಮೆಮು ರೈಲುಗಳನ್ನು ಬಳಸುತ್ತೇವೆ.
ಆದರೆ, ವಿಚಿತ್ರ ಘಟನೆ ಒಂದರಲ್ಲಿ ನಾಯಿಯೊಂದು ಪ್ರತಿನಿತ್ಯ ರೈಲಿನಲ್ಲಿ ಒಂದು ಜಾಗದಿಂದ ಮತ್ತೊಂದು ಸ್ಥಳಕ್ಕೆ ಓಡಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಪ್ರತಿದಿನ ಈ ನಾಯಿ ಬೋರಿವಲ್ಲಿ ನಿಲ್ದಾಣದಿಂದ ಅಂಧೇರಿವರೆಗೆ ರೈಲಿನಲ್ಲಿ ಪ್ರಯಾಣಿಸುತ್ತದೆ ಎಂದರೆ ನೀವು ನಂಬುತ್ತಿರ. ಪ್ರತಿನಿತ್ಯ ಈ ಶ್ವಾನ ಪ್ರಯಾಣಿಸುತ್ತಿರುವ ವಿಡಿಯೋವನ್ನು ನೆಟ್ಟಿಗರೊಬ್ಬರು ಹಂಚಿಕೊಂಡಿದ್ದಾರೆ.
ಸದ್ಯ ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ನಾಯಿಯ ಚಾತುರ್ಯತೆಗೆ ನೆಟಗ್ಟಿಗರು ಬಹುಪರಾಕ್ ಎಂದಿದ್ದಾರೆ ಮತ್ತು 5ಲಕ್ಷಕ್ಕೂ ಅಧಿಕ ವೀಕ್ಷಣೆಗೆ ಒಳಪಟ್ಟಿದೆ.
ಸದ್ಯ ವಿಡಿಯೋದಲ್ಲಿ ಕಂಡು ಬಂದಿರುವ ಹಾಗೆ ನಾಯಿ ಮುಂಬೈನ ಬೋರಿವಲ್ಲಿ ನಿಲ್ದಾಣದಲ್ಲಿ ರೈಲು ಏರುತ್ತದೆ ಮತ್ತು ಅಂಧೇರಿ ನಿಲ್ದಾಣ ಬಂದ ಕೂಡಲೇ ತಕ್ಷಣ ಇಳಿದು ಹೊರಡುತ್ತದೆ.
ಈ ವಿಡಿಯೋಗೆ ನೆಟ್ಟಿಗರು ಭಿನ್ನ-ವಿಭಿನ್ನ ಕಮೆಂಟ್ಗಳನ್ನು ಹಾಕಿದ್ದು ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡು ಇತರರಿಗೆ ಶೇರ್ ಮಾಡುತ್ತಿದ್ದಾರೆ.