ಮುಂಬೈ: ಭಾರತೀಯ ಷೇರು ಮಾರುಕಟ್ಟೆಯಲ್ಲಿ(Stock Market) ಶುಕ್ರವಾರ(ನವೆಂಬರ್ 22) ಭಾರಿ ಏರಿಕೆ ಕಂಡುಬಂದಿದೆ. ಬಿಎಸ್ಇ ಸೆನ್ಸೆಕ್ಸ್ 1,961 ಅಂಕ ಜಿಗಿದಿದೆ. ವಹಿವಾಟಿನ ವೇಳೆ 2000 ಪಾಯಿಂಟ್ಗಳ ಏರಿಕೆಯಾಯಿತು. ಅದೇ ಸಮಯದಲ್ಲಿ ನಿಫ್ಟಿ ಸೂಚ್ಯಂಕ 550 ಅಂಕಗಳಿಗಿಂತ ಹೆಚ್ಚು ಜಿಗಿದು 23,900 ದಾಟಿತು. ಇದು ಕಳೆದ 5 ತಿಂಗಳಲ್ಲಿ ಮಾರುಕಟ್ಟೆಯಲ್ಲಿನ ಅತಿದೊಡ್ಡ ಏರಿಕೆಯಾಗಿದೆ.
ಇದನ್ನು ಓದಿ: ಮಿಸ್ ಫೈರ್ನಿಂದ ಹುಟ್ಟುಹಬ್ಬದ ದಿನವೆ ವಿದ್ಯಾರ್ಥಿ ಸಾವು; ಘಟನೆಯ ಸಂಪೂರ್ಣ ಮಾಹಿತಿ ಇಲ್ಲಿದೆ.. | America
ಬಿಎಸ್ಇ ಮಿಡ್ಕ್ಯಾಪ್ ಸೂಚ್ಯಂಕ ಶೇಕಡಾ 1.26 ರಷ್ಟು ಮತ್ತು ಸ್ಮಾಲ್ಕ್ಯಾಪ್ ಸೂಚ್ಯಂಕ ಶೇಕಡಾ 0.90 ರಷ್ಟು ಏರಿಕೆಯಾಗಿದೆ. ಎಲ್ಲಾ ವಲಯದ ಸೂಚ್ಯಂಕಗಳು ಸಹ ಹಸಿರು ಬಣ್ಣದಲ್ಲಿ ಉಳಿದಿವೆ. ವಹಿವಾಟಿನ ಅಂತ್ಯದ ವೇಳೆಗೆ ಬಿಎಸ್ಇ ಸೆನ್ಸೆಕ್ಸ್ 1,961.32 ಪಾಯಿಂಟ್ಗಳು ಅಥವಾ ಶೇಕಡಾ 2.54 ರಷ್ಟು ಏರಿಕೆಯಾಗಿ 79,117.11 ಕ್ಕೆ ಕೊನೆಗೊಂಡಿತು. ಎನ್ಎಸ್ಇಯ 50-ಷೇರು ಸೂಚ್ಯಂಕ, ನಿಫ್ಟಿ 557.35 ಪಾಯಿಂಟ್ಗಳು ಅಥವಾ ಶೇಕಡಾ 2.39 ರಷ್ಟು ಜಿಗಿದು 23,907.25ಕ್ಕೆ ಕೊನೆಗೊಂಡಿತು.
ಬಿಎಸ್ಇ-ಲಿಸ್ಟೆಡ್ ಕಂಪನಿಗಳ ಸಾಮೂಹಿಕ ಮಾರುಕಟ್ಟೆ ಮೌಲ್ಯವು 7.2 ಲಕ್ಷ ಕೋಟಿ ರೂಪಾಯಿಗಳಷ್ಟು ಏರಿಕೆಯಾಗಿದ್ದು, 432.55 ಲಕ್ಷ ಕೋಟಿ ರೂಪಾಯಿಗಳಿಗೆ ತಲುಪಿದೆ. ಐಸಿಐಸಿಐ ಬ್ಯಾಂಕ್, ರಿಲಯನ್ಸ್ ಇಂಡಸ್ಟ್ರೀಸ್, ಎಸ್ಬಿಐ, ಇನ್ಫೋಸಿಸ್, ಐಟಿಸಿ ಮತ್ತು ಎಲ್ & ಟಿ ಸೆನ್ಸೆಕ್ಸ್ ಏರಿಕೆಗೆ ಹೆಚ್ಚಿನ ಕೊಡುಗೆ ನೀಡಿವೆ. ಐಟಿಸಿ, ಟಿಸಿಎಸ್, ಭಾರ್ತಿ ಏರ್ಟೆಲ್ ಮತ್ತು ಬಜಾಜ್ ಫೈನಾನ್ಸ್ ಕೂಡ ಏರಿಕೆಯನ್ನು ಬೆಂಬಲಿಸಿವೆ. ಏತನ್ಮಧ್ಯೆ, ನಿಫ್ಟಿ ಪಿಎಸ್ಯು ಬ್ಯಾಂಕ್ ಮತ್ತು ರಿಯಾಲ್ಟಿ ತಲಾ 3% ರಷ್ಟು ಏರಿಕೆಯಾಗುವುದರೊಂದಿಗೆ ಎಲ್ಲಾ ಪ್ರಮುಖ ಕ್ಷೇತ್ರಗಳಲ್ಲಿ ಖರೀದಿ ಕಂಡುಬಂದಿದೆ. ನಿಫ್ಟಿ ಬ್ಯಾಂಕ್, ಹಣಕಾಸು ಸೇವೆಗಳು, ಎಫ್ಎಂಸಿಜಿ, ಐಟಿ, ಮೆಟಲ್, ಹೆಲ್ತ್ಕೇರ್ ಮತ್ತು ತೈಲ ಮತ್ತು ಅನಿಲ ಶೇ.1-2ರಷ್ಟು ಏರಿಕೆ ಕಂಡಿದೆ.