ಬೆಂಗಳೂರು: ದಕ್ಷಿಣ ಭಾರತದ ಚಿತ್ರನಟರ ಪೈಕಿ ಅದೆಷ್ಟೋ ಜನಪ್ರಿಯ ಹೀರೋಗಳು ಬಾಲಿವುಡ್ ಅಂಗಳಕ್ಕೆ ಕಾಲಿಟ್ಟು ತಮ್ಮ ಮೊದಲ ಸಿನಿಮಾದಲ್ಲಿಯೇ ಭರ್ಜರಿ ಗೆಲುವು ಸಾಧಿಸಿದರೂ ತದನಂತರ ಅದೇ ಭರವಸೆ ಇಟ್ಟುಕೊಂಡು ಮಾಡಿದ ಚಿತ್ರಗಳಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿದಾಗ ಸತತ ಸೋಲನ್ನು ಕಂಡಿದ್ದು ಮಾತ್ರ ಮರೆಯಲಾಗದ ಸಂಗತಿ. ಆಯಾ ನಟರ ಸಿನಿಮಾಗಳ ಗೆಲುವು-ಸೋಲುಗಳ ಬಗ್ಗೆ ಫ್ಯಾನ್ಸ್ಗಳಿಗೆ ಪಕ್ಕ ಮಾಹಿತಿ ಇರುತ್ತದೆ. ಹಾಗಾದ್ರೆ ಯಾವ ಸೌತ್ ಸೂಪರ್ಸ್ಟಾರ್ಗಳು ಬಾಲಿವುಡ್ ಅಂಗಳದಲ್ಲಿ ಸತತ ಫ್ಲಾಪ್ ಕಂಡರು ಎಂಬುದರ ಮಾಹಿತಿ ಇಲ್ಲಿದೆ ನೋಡಿ.
ಇದನ್ನೂ ಓದಿ: ನಮ್ಮದು 140 ಪ್ಲಸ್ ಮತ್ತು ಇತರೆ ಶಾಸಕ ಬೆಂಬಲಿತ ಸರ್ಕಾರ..ಇದನ್ನು ಬೀಳಿಸಲು ಸಾಧ್ಯವೇ?; DK Shivakumar
ಸೌತ್ ನಟರಲ್ಲಿ ಪ್ರಮುಖ ಸ್ಟಾರ್ಗಳಾದ ಡಾರ್ಲಿಂಗ್ ಪ್ರಭಾಸ್, ದುಲ್ಕರ್ ಸಲ್ಮಾನ್, ರಾಮ್ ಚರಣ್, ವಿಕ್ರಮ್, ಪೃಥ್ವಿರಾಜ್ ಸುಕುಮಾರನ್, ವಿಜಯ್ ದೇವರಕೊಂಡ, ಮಮ್ಮುಟ್ಟಿ ಸೇರಿದಂತೆ ಕೆಲವರು ಬಾಲಿವುಡ್ ಅಂಗಳದಲ್ಲಿ ಹೀನಾಯ ಸೋಲನ್ನು ಕಂಡಿದ್ದಾರೆ. ಅಷ್ಟಕ್ಕೂ ಈ ಸೂಪರ್ಸ್ಟಾರ್ಗಳ ಯಾವ ಸಿನಿಮಾಗಳು ಫ್ಲಾಪ್ ಆಗಿವೆ ಎಂಬುದರ ವಿವರ ಈ ಕೆಳಕಂಡಂತಿದೆ ಗಮನಿಸಿ.
'ಬಾಹುಬಲಿ' ಮೂಲಕ ಬಾಲಿವುಡ್ನಲ್ಲಿ ಮೊದಲಿಗೆ ಅಬ್ಬರಿಸಿದ ಪ್ರಭಾಸ್, ತದನಂತರ ಮಾಡಿದ ‘ಸಾಹೋ’, ‘ರಾಧೆ ಶ್ಯಾಮ್’, ‘ಆದಿಪುರುಷ’ ಚಿತ್ರಗಳಲ್ಲಿ ಹೀನಾಯ ಸೋಲು ಅನುಭವಿಸಿದರು. ಈ ಚಿತ್ರಗಳು ಒಂದಕ್ಕಿಂತ ಒಂದು ದೊಡ್ಡ ಸೋಲನ್ನೇ ಅನುಭವಿಸಿತು. ಇದು ಡಾರ್ಲಿಂಗ್ ನಟನ ಅಭಿಮಾನಿಗಳಿಗೆ ಭಾರೀ ಬೇಸರವನ್ನು ತಂದೊಡ್ಡಿತು.
ಮೆಗಾಸ್ಟಾರ್ ಚಿರಂಜೀವಿ ಅವರ ಪುತ್ರ ರಾಮ್ಚರಣ್ ಅಭಿನಯದ ಬ್ಲಾಕ್ಬಸ್ಟರ್ ‘ಆರ್ಆರ್ಆರ್’ ಚಿತ್ರಕ್ಕೂ ಮುನ್ನ ಬಾಲಿವುಡ್ನಲ್ಲಿ ಬಿಡುಗಡೆಯಾದ ‘ಜಂಜೀರ್’ ರೀಮೇಕ್ ಚಿತ್ರ ಹೀನಾಯ ಸೋಲನ್ನು ಅನುಭವಿಸಿತು.
ರಾಷ್ಟ್ರೀಯ ಪ್ರಶಸ್ತಿ ಪಡೆದ ನಟ ವಿಕ್ರಮ್ ಅಭಿನಯದ ‘ರಾವನ್’ ಸಿನಿಮಾ ಹಿಂದಿಯಲ್ಲಿ ಬಿಡುಗಡೆಗೊಂಡು ಫ್ಲಾಪ್ ಕಂಡಿತು, ಅದರ ಬೆನ್ನಲ್ಲೇ ರಿಲೀಸ್ ಆದ ‘ಡೇವಿಡ್’ ಚಿತ್ರ ಕೂಡ ಅಬ್ಬರಿಸುವಲ್ಲಿ ವಿಫಲವಾಯಿತು. ಈ ಎರಡು ಸಿನಿಮಾಗಳು ಬ್ಯಾಕ್ ಟು ಬ್ಯಾಕ್ ಫ್ಲಾಪ್ ಆಗಿದ್ದು, ವಿಕ್ರಮ್ ಫ್ಯಾನ್ಸ್ಗೆ ತೀವ್ರ ಬೇಸರ ತಂದಿತ್ತು.
ರಾಣಿ ಮುಖರ್ಜಿ ಸಿನಿಮಾ ಮೂಲಕ ಬಾಲಿವುಡ್ಗೆ ಎಂಟ್ರಿ ಕೊಟ್ಟ ಮಲಯಾಳಂ ನಟ ಪೃಥ್ವಿರಾಜ್ ಸುಕುಮಾರನ್, ‘ಅಯ್ಯಾ’ ಚಿತ್ರದ ಮೂಲಕ ಸೋಲು ಕಂಡಿದ್ದು ಅವರ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿತ್ತು.
ಸದ್ಯ ಮಲಯಾಳಂ ಚಿತ್ರರಂಗದಲ್ಲಿ ತನ್ನದೇ ಛಾಪು ಮೂಡಿಸಿರುವ ದುಲ್ಕರ್ ಸಲ್ಮಾನ್, 'ಸೀತಾರಾಮಂ', 'ಲಕ್ಕಿ ಭಾಸ್ಕರ್'ನಂತಹ ಚಿತ್ರಗಳಿಂದಲೇ ಸಿನಿಪ್ರಿಯರ ಮನೆಗೆದ್ದಿದ್ದಾರೆ. ಅಂದು ಬಾಲಿವುಡ್ ಅಂಗಳದಲ್ಲಿ ತಮ್ಮ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದ ದುಲ್ಕರ್, ತಮ್ಮ ಅಭಿನಯದಲ್ಲಿ ಮೂಡಿಬಂದ ‘ಖಾರ್ವಾನ್’, ‘ದ ಜೋಯೋ ಫ್ಯಾಕ್ಟರ್’, ‘ಚುಪ್’ ಹಿಂದಿ ಸಿನಿಮಾಗಳ ಮೂಲಕ ಬ್ಯಾಕ್ ಟು ಬ್ಯಾಕ್ ಫ್ಲಾಪ್ ಕಂಡರು.
‘ಅರ್ಜುನ್ ರೆಡ್ಡಿ’ ಮೂಲಕ ಭರ್ಜರಿ ಯಶಸ್ಸು ಕಂಡ ಟಾಲಿವುಡ್ ನಟ ವಿಜಯ್, ‘ಲೈಗರ್’ ಚಿತ್ರದ ಮುಖೇನ ಬಾಲಿವುಡ್ಗೆ ಪದಾರ್ಪಣೆ ಮಾಡಿದರು. ಆದ್ರೆ, ಬಾಕ್ಸ್ ಆಫೀಸ್ನಲ್ಲಿ ಅಬ್ಬರಿಸಲು ಮುಗ್ಗರಿಸಿದ ಈ ಚಿತ್ರ ಹಿಟ್ ಆಗುವಲ್ಲಿ ವಿಫಲವಾಯಿತು. ಅಂದು ವಿಜಯ್ಗೆ ಇದು ದೊಡ್ಡ ಹೊಡೆತವೇ ನೀಡಿತು.
ಮಲಯಾಳಂನ ಸೂಪರ್ಸ್ಟಾರ್, ದಿಗ್ಗಜ ನಟ ಮುಮ್ಮುಟ್ಟಿ ಅಭಿನಯದ ‘ಥ್ರಿಯಾತ್ರಿ’, ‘ದರ್ತಿಪುತ್ರ’ ಮತ್ತು ‘ಸೌ ಜೂತ್’ ಸಿನಿಮಾಗಳು ಬಾಲಿವುಡ್ ಬಾಕ್ಸ್ ಆಫೀಸ್ನಲ್ಲಿ ಹೀನಾಯ ಸೋಲನ್ನೇ ಅನುಭವಿಸಿತು,(ಏಜೆನ್ಸೀಸ್).