ಆಸ್ಟ್ರಿಯಾ: ಈಶ ಫೌಂಡೇಷನ್ನ ಸದ್ಗುರು ಅವರು ಮಣ್ಣು ರಕ್ಷಣೆ ಕುರಿತು ಜಾಗೃತಿ ಮೂಡಿಸುವ ಸಲುವಾಗಿ ನೂರು ದಿನಗಳಲ್ಲಿ 27 ರಾಷ್ಟ್ರಗಳ 30 ಸಾವಿರ ಕಿ.ಮೀ. ದೂರವನ್ನು ಏಕಾಂಗಿಯಾಗಿ ಬೈಕ್ನಲ್ಲಿ ಸಂಚರಿಸುವ ಅಭಿಯಾನ ಈಗಾಗಲೇ ಒಂದು ವಾರವನ್ನು ಪೂರೈಸಿದೆ.
ಲಂಡನ್ನಲ್ಲಿ ಆರಂಭವಾದ ಈ ಅಭಿಯಾನ ಯುಕೆ, ನೆದರ್ಲೆಂಡ್ಸ್, ಜರ್ಮನಿ, ಜೆಕ್ ಗಣರಾಜ್ಯಗಳನ್ನು ಹಾದು ಆಸ್ಟ್ರಿಯಾದ ವಿಯೆನ್ನಾಗೆ ತಲುಪಿದ್ದು, ಅಲ್ಲಿಯೂ ಅದ್ಭುತ ಸ್ಪಂದನೆ ಸಿಕ್ಕಿದೆ.
ಸದ್ಗುರು ಅವರು ಆಸ್ಟ್ರಿಯಾದ ವಿಯೆನ್ನಾದಲ್ಲಿರುವ ಮ್ಯೂಸಿಯಮ್ಸ್ ಕ್ವಾರ್ಟಿಯರ್ಗೆ ಭೇಟಿ ನೀಡಿದ್ದು, ಅದರ ನಿರ್ದೇಶಕ ಬೆಟಿನಾ ಲೀಡ್ಲ್ ಸದ್ಗುರುಗೆ ಆತ್ಮೀಯ ಸ್ವಾಗತ ಕೋರಿದರು. ನಂತರ ಸದ್ಗುರು ವಿಯೆನ್ನಾದಲ್ಲಿನ ರಾಯಭಾರ ಕಚೇರಿಗೆ ಭೇಟಿ ನೀಡಿದರು. ಅಲ್ಲಿ ಆಸ್ಟ್ರಿಯಾದಲ್ಲಿನ ಭಾರತದ ರಾಯಭಾರಿ ಜೈದೀಪ್ ಮಜುಮ್ದಾರ್ ಸದ್ಗುರುವನ್ನು ಸ್ವಾಗತಿಸಿದರು.
ವಿಯೆನ್ನಾದಲ್ಲಿನ ಯುನೈಟೆಡ್ ನೇಷನ್ಸ್ನ ಕಚೇರಿಯಲ್ಲಿ ಮಾತನಾಡಿದ ಸದ್ಗುರು, ಮಣ್ಣು ರಕ್ಷಣೆ ಕುರಿತ ವಿಚಾರವಾಗಿ ನಾನು ದಿನದ 24 ಗಂಟೆ ಕೂಡ ಲಭ್ಯವಿರುತ್ತೇನೆ. ಬೈಕ್ನಲ್ಲಿರುವಾಗಲೂ ವಿಡಿಯೋ ಕಾಲ್ ಮೂಲಕ ಸಿಗಬಲ್ಲೆ ಎಂದು ಹೇಳಿದರು.
ಇನ್ನು ಮಣ್ಣು ರಕ್ಷಣೆ ಕುರಿತು ಸದ್ಗುರು ಅವರು ನಟ ಗೊರಾನ್ ವಿಸ್ನ್ಜಿಕ್ ಜತೆ ಸಂವಾದ ನಡೆಸಲಿದ್ದು, ಅದು ಭಾರತೀಯ ಕಾಲಮಾನದಲ್ಲಿ ರಾತ್ರಿ 10.30ಕ್ಕೆ ನೇರಪ್ರಸಾರ (savesoil.org/live) ಆಗಲಿದೆ.