ವಾಷಿಂಗ್ಟನ್: ಯುವಕನೊಬ್ಬ ತಯಾರು ಮಾಡಿರುವ ವಿಡಿಯೋ ಒಂದು 48 ಕೋಟಿ ರೂಪಾಯಿಗೆ ಮಾರಾಟವಾಗಿದೆ. ಅದರಲ್ಲೇನು ವಿಶೇಷ ಎಂದುಕೊಂಡ್ರಾ? ಈ ವಿಡಿಯೋ ಇರುವುದು ಕೇವಲ ಹತ್ತೇ ಹತ್ತು ಸೆಕೆಂಡ್! ಆ ಹತ್ತು ಸೆಕೆಂಡ್ನಲ್ಲಿ ಇರುವುದು ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್!
ಮಿಯಾಮಿಯ ನಿವಾಸಿ ಪಬ್ಲೊ ರೋಡ್ರಿಗಸ್ ಫ್ರೈಲ್ ಎಂಬ ಯುವಕ ಈ ವಿಡಿಯೋ ತಯಾರಿಸಿದ್ದರು. ಇದಕ್ಕೆ ಆತ ಖರ್ಚು ಮಾಡಿರುವ ಹಣ 67 ಸಾವಿರ ಡಾಲರ್. ರೂಪಾಯಿ ಲೆಕ್ಕದಲ್ಲಿ ಹೇಳುವುದಾದರೆ ಸುಮಾರು 49.23 ಲಕ್ಷ ರೂಪಾಯಿ. ಆದರೆ ಈ ವಿಡಿಯೋ ಇದೀಗ ಮಾರಾಟ ಆಗಿರುವುದು 6.6 ಮಿಲಿಯನ್ ಡಾಲರ್ಗೆ ಅಮದರೆ ಸುಮಾರು 48.47 ಕೋಟಿ ರೂಪಾಯಿಗೆ!
ಸದ್ಯ ಇಡೀ ಜಗತ್ತಿನಾದ್ಯಂತ ಈ ವಿಡಿಯೋ ಭಾರಿ ಸದ್ದು ಮಾಡುತ್ತಿದೆ. ಅಷ್ಟಕ್ಕೂ ಈ ವಿಡಿಯೋದಲ್ಲಿ ಇರುವುದು ಮೊದಲೇ ಹೇಳಿದಂತೆ ಟ್ರಂಪ್. ಈ ವಿಡಿಯೋದಲ್ಲಿ ಟ್ರಂಪ್ ಮಲಗಿಕೊಂಡಿದ್ದಾರೆ. ಅವರ ಶರೀರದ ಮೇಲೆ ಹಲವಾರು ಸಂದೇಶಗಳನ್ನು ಬರೆಯಲಾಗಿದೆ.
ಲೂಸರ್, ಶಿಟ್... ಇತ್ಯಾದಿ ಬರಹಗಳು ಅವರ ಮೈಮೇಲೆ ಬಂದಿದೆ. ಜನ ಅತ್ತಿಂದಿತ್ತ ಇತ್ತಿಂದತ್ತ ತಿರುಗುತ್ತಿರುವುದು ಕೂಡ ಈ ವಿಡಿಯೋದಲ್ಲಿ ನೋಡಬಹುದು.
ವರದಿಯ ಪ್ರಕಾರ ಈ ಡಿಜಿಟಲ್ ವಿಡಿಯೋ ಖರೀದಿಸಲು ಮೊದಲ ಸಲ ಕ್ರಿಪ್ಟೋಕರೆನ್ಸಿ ಬಳಸಲಾಗಿದೆ. ಈ ವಿಡಿಯೋದಲ್ಲೊಂದು ಡಿಜಿಟಲ್ ಹಸ್ತಾಕ್ಷರವಿದೆ. ಈ ಡಿಜಿಟಲ್ ವಿಡಿಯೋದಲ್ಲಿ ಮೊದಲ ಸಲ ನಾನ್ ಪಂಜಿಬಲ್ ಟೋಕನ್ (ಎನ್ಎಫ್ಟಿ) ಬಳಕೆಯಾಗಿದೆ.
ನೀವೂ ನೋಡಿ ಈ ವಿಡಿಯೋ... (ಕೃಪೆ ರೈಟರ್ಸ್)