ಕೋಲಾರ: ರಸ್ತೆ ಅಗಲೀಕರಣಕ್ಕಾಗಿ ಕುರುಬರಪೇಟೆ ಮುಖ್ಯರಸ್ತೆಯಲ್ಲಿರುವ ಆಂಜನೇಯಸ್ವಾಮಿ ದೇವಸ್ಥಾನವನ್ನು ಇಂದು ತೆರವುಗೊಳಿಸಲಾಯಿತು. ಸ್ಥಳೀಯರು ವಿರೋಧಿಸಿದರೂ, ಪೊಲೀಸ್ ಬಿಗಿ ಬಂದೋಬಸ್ತ್ನಲ್ಲಿ ದೇವಸ್ಥಾನವನ್ನು ಒಡೆಯಲಾಗಿದೆ.
ಕೋಲಾರದ ಮೆಕ್ಕೆವೃತ್ತದಿಂದ ಹಿಡಿದು, ಬಂಗಾರಪೇಟೆ ರಸ್ತೆವರೆಗೂ ಅಗಲೀಕರಣ ಕಾರ್ಯ ನಡೆಯುತ್ತಿದೆ. ಹಾಗಾಗಿ ರಸ್ತೆ ಬದಿಯಲ್ಲಿದ್ದ ಪುರಾತನ ಆಂಜನೇಯಸ್ವಾಮಿ ದೇವಾಲಯ ತೆರವು ಮಾಡಲಾಗಿದೆ. ಇದನ್ನೂ ಓದಿ: Photos: ಗೋಶಾಲೆಗೆ ಭೇಟಿ ಕೊಟ್ಟು ಕರುಗಳಿಗೆ ನಾಮಕರಣ ಮಾಡಿ ಬಂದ ಸಂಯುಕ್ತಾ
ಸಾರ್ವಜನಿಕರು ವಿರೋಧ ಮಾಡಿದ ಹಿನ್ನೆಲೆಯಲ್ಲಿ ನಗರಸಭೆ ಬೆಳ್ಳಂಬೆಳಗ್ಗೆಯೇ ಕಾರ್ಯಾಚರಣೆ ನಡೆಸಿದೆ. ಮೊದಲು ದೇವಾಲಯದಲ್ಲಿ ಪೂಜೆ ಸಲ್ಲಿಸಿ, ಮೂಲ ವಿಗ್ರಹವನ್ನು ಸ್ಥಳಾಂತರಗೊಳಿಸಲಾಯಿತು. ಅದಾದ ಬಳಿಕವಷ್ಟೇ ಗೋಡೆಗಳನ್ನೆಲ್ಲ ಜೆಸಿಬಿ ಮೂಲಕ ತೆರವುಗೊಳಿಸಲಾಗಿದೆ.