ಟೊಕಿಯೊ: ಪಾನೀಯ ಪ್ರಿಯರಿಗೆ ಇಲ್ಲೊಂದು ವಿಶಿಷ್ಟ ಡ್ರಿಂಕ್ ಇದೆ. ಅದರಲ್ಲೂ ವಿಸ್ಕಿ ಆರಾಧಕರಿಗೆ ಸಖತ್ ಕಿಕ್ ನೀಡುವ ವಿಷಯ ಇದಾಗಿದೆ.
ಇದೇ ಜಪಾನ್ನ ಸ್ನೇಕ್ ವಿಸ್ಕಿ!
ಇಂತಹ ವಿಸ್ಕಿಯನ್ನು ಊಹಿಸುವುದು ಕಷ್ಟಕರ. ಇದನ್ನು ಸೇವಿಸದರಂತೂ ಪರಲೋಕ ಪ್ರಯಾಣ ಖಚಿತ ಎಂಬ ಭೀತಿ ಸಹಜ.
ಈ ಸ್ನೇಕ್ ವಿಸ್ಕಿಯ ಹೆಸರು 'ಹಬುಶು'. ಇದರ ತಯಾರಿ ಬಲು ರೋಚಕ. ಅವಾಮೊರಿ ಎಂಬ ಒಕಿನಾವಾನ್ ರೈಸ್ ಸ್ಪಿರಿಟ್ ಬಾಟಲಿಯಲ್ಲಿ ಒಂದು ವಿಷಪೂರಿತ ಹಾವು ಒಂದು ದಿನ ಸ್ನಾನ ಮಾಡುತ್ತದೆ ಎಂದು ಎಂದು ಕಲ್ಪಿಸಿಕೊಳ್ಳಿ. ರ್ಯುಕ್ಯು ದ್ವೀಪಗಳಲ್ಲಿ ಕಂಡುಬರುವ ಫಾಂಗ್-ಬೇರಿಂಗ್ ಪಿಟ್ ವೈಪರ್ ಹಾವನ್ನು ತಿಂಗಳ ಕಾಲ ವಿಸ್ಕಿಯಲ್ಲಿ ನೆನೆಸಿ, ವಿಷವನ್ನು ತಟಸ್ಥಗೊಳಿಸಲಾಗುತ್ತದೆ. ರಬ್ಬರ್ ಹಾವಿನಂತೆ ನಿರುಪದ್ರವವನ್ನಾಗಿ ಮಾಡುವ ಮೂಲಕ ಪಾನೀಯವನ್ನು ತಯಾರಿಸಲಾಗುತ್ತದೆ. ಹೀಗೆ ಈ ಸ್ನೇಕ್ ವಿಸ್ಕಿ ತಯಾರಿಸಲಾಗುತ್ತದೆ.
ಹಬುಶು ಕೇವಲ ಪಾನೀಯವಲ್ಲ; ಇದು ಪ್ರಾಯೋಗಿಕವಾಗಿ ಆರೋಗ್ಯದ ಟಾನಿಕ್ ಎಂಬ ವಾದಗಳನ್ನು ಮುಂದಿಡಲಾಗುತ್ತದೆ. ಈ ಅಪರೂಪದ ಪಾನೀಯಕ್ಕೆ ಚಿತ್ರವಿಚಿತ್ರ ಪ್ರತಿಕ್ರಿಯೆಗಳನ್ನು ನೆಟ್ಟಿಗರು ನೀಡಿದ್ದಾರೆ. ಇನ್ಸ್ಟಾಗ್ರಾಮ್ ಬಳಕೆದಾರರು "ಕನಿಷ್ಠ ಒಮ್ಮೆಯಾದರೂ ಎಲ್ಲವನ್ನೂ ಪ್ರಯತ್ನಿಸಬೇಕು" ಎಂದು ಬರೆದಿದ್ದಾರೆ, ಇನ್ನೊಬ್ಬರು, "ಇದನ್ನು ಪ್ರಯತ್ನಿಸಿದ್ದೇನೆ. ಇದು ವಿಲಕ್ಷಣ ಸವಾರಿ ಎಂದು ಖಚಿತಪಡಿಸಬಹುದು" ಎಂದು ಉಲ್ಲೇಖಿಸಿದ್ದಾರೆ. ಮಗದೊಬ್ಬರು "ಇದು ತುಂಬಾ ಡೋಪ್" ಎಂದಿದ್ದಾರೆ.
ನೀವು ಪಾನೀಯ ಪ್ರಿಯರಾಗಿದ್ದರೆ, ಜತೆಗೆ ಸಾಹಸಿಗಳಾಗಿದ್ದರೆ ಹಬುಶು ಸ್ನೇಕ್ ವಿಸ್ಕಿ ನಿಮಗಾಗಿ ಕಾಯುತ್ತಿದೆ.