ಹೈದರಾಬಾದ್: ನಟ ವಸಿಷ್ಠ ಸಿಂಹ ಅಭಿನಯದ ತೆಲುಗು ಚಿತ್ರ "ನಯೀಮ್ ಡೈರೀಸ್" ಬಿಡುಗಡೆಗೆ ಸಿದ್ಧವಾಗಿದೆ. ಹೀಗಾಗಿ ಚಿತ್ರತಂಡ ಪ್ರಚಾರ ಕಾರ್ಯವನ್ನು ಆರಂಭಿಸಿದ್ದು, ಅದರ ಭಾಗವಾಗಿ ವಿಡಿಯೋ ಸಾಂಗ್ ಒಂದು ಬಿಡುಗಡೆಯಾಗಿದೆ.
ನಯೀಮ್ ಡೈರೀಸ್ ಥ್ರಿಲ್ಲರ್ ಸಿನಿಮಾ ಆಗಿದೆ. ವಸಿಷ್ಠ ಸಿಂಹ ಜತೆ ತೆಲುಗು ಬಿಗ್ಬಾಸ್ ಸೀಸನ್ 4ರ ಸ್ಪರ್ಧಿ ದಿವಿ ವಡ್ತ್ಯಾ ತೆರೆ ಹಂಚಿಕೊಂಡಿದ್ದಾರೆ. ಬಿಡುಗಡೆಯಾಗಿರುವ ವಿಡಿಯೋದಲ್ಲಿ ವಸಿಷ್ಠ ಸಿಂಹ ಮತ್ತು ನಟಿ ದಿವಿ ತುಂಬಾ ಬೋಲ್ಡ್ ಆಗಿ ನಟಿಸಿದ್ದಾರೆ. ಬೆಡ್ರೂಮ್ ಮತ್ತು ಲಿಪ್ಲಾಕ್ ದೃಶ್ಯ ತುಣುಕುಗಳಿದ್ದು, ಇಡೀ ಹಾಡು ರೊಮ್ಯಾಂಟಿಕ್ ದೃಶ್ಯಗಳಿಂದ ತುಂಬಿದ್ದು, ವಿಡಿಯೋ ವೈರಲ್ ಆಗುತ್ತಿದೆ.
ನಯೀಮ್ ಡೈರೀಸ್ ಚಿತ್ರದಲ್ಲಿ ಕನ್ನಡತಿ ಸಂಯುಕ್ತ ಹೊರನಾಡು ಮತ್ತು ಯಜ್ಞಾ ಶೆಟ್ಟಿ ಕೂಡ ನಟಿಸಿದ್ದಾರೆ. ಚಿತ್ರಕ್ಕೆ ವರದರಾಜ್ ಎಂಬುವರು ಬಂಡವಾಳ ಹೂಡಿದ್ದಾರೆ.
ದಿವಿ ಅವರು ಬಿಗ್ಬಾಸ್ ಮನೆಗೆ ಕಾಲಿಡುವ ಮುನ್ನವೇ ತೆಲುಗು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ರತಿಯೊಬ್ಬರ ವೈಯಕ್ತಿಕ ಆಟದ ಬಗ್ಗೆ ತನ್ನ ಪ್ರಾಮಾಣಿಕ ಅಭಿಪ್ರಾಯವನ್ನು ವ್ಯಕ್ತಪಡಿಸುವ ಮೂಲಕ ಬಿಗ್ಬಾಸ್ನಲ್ಲಿ ಎಲ್ಲರ ಗಮನ ಸೆಳೆದರು. ಅವರು ಬಿಗ್ ಬಾಸ್ ಮನೆಯಲ್ಲಿದ್ದಾಗ ಸಹ ಸ್ಪರ್ಧಿಗಳಾದ ಗಂಗವ್ವ, ಅಮ್ಮ ರಾಜಶೇಖರ್ ಮತ್ತು ಇತರರಿಗೆ ತುಂಬಾ ಹತ್ತಿರವಾಗಿದ್ದರು. (ಏಜೆನ್ಸೀಸ್)