ಆಂಧ್ರಪ್ರದೇಶ: ಸುಕುಮಾರ್ ನಿರ್ದೇಶನದ ಹಾಗೂ ಟಾಲಿವುಡ್ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಪ್ಯಾನ್ ಇಂಡಿಯಾ ‘ಪುಷ್ಪ 2’ ಚಿತ್ರ ಇದೇ ಡಿಸೆಂಬರ್ 05ರಂದು ಜಾಗತಿಕ ರಿಲೀಸ್ಗಾಗಿ ಎದುರುನೋಡುತ್ತಿದೆ. ಈ ಬಗ್ಗೆ ತೀವ್ರ ಕಾತರ, ಕುತೂಹಲ ವ್ಯಕ್ತಪಡಿಸುತ್ತಿದ್ದ ಫ್ಯಾನ್ಸ್ಗೆ ಇದೀಗ ಟ್ರೇಲರ್ ಧಮಾಕ ಕಂಡು ಭಾರೀ ಸಂತಸ ಉಂಟಾಗಿದೆ. ಇಂದು ಅಧಿಕೃತವಾಗಿ ಬಿಡುಗಡೆಗೊಂಡ ಪುಷ್ಪ 2 ಚಿತ್ರದ ಟ್ರೇಲರ್ ನೋಡಿ, ಸಿನಿಪ್ರಿಯರು ಫಿದಾ ಆಗಿದ್ದಾರೆ.
ಇದನ್ನೂ ಓದಿ: ಮರು ನಿರ್ಮಾಣ ಮಾಡಿದ ‘ಕಿಂದರಿಜೋಗಿ’ ಪ್ರತಿಮೆ ಅನಾವರಣ
ಅಲ್ಲು ಅರ್ಜುನ್ ಆ್ಯಕ್ಷನ್, ಮಾಸ್ ಡೈಲಾಗ್, ಡ್ಯಾನ್ಸ್ ಮತ್ತು ಖಡಕ್ ಲುಕ್ಗಳು ನೋಡುಗರನ್ನು ಸೆಳೆದಿವೆ. ಹಲವು ಆಯಾಮಗಳಲ್ಲಿ ಮೂಡಿಬಂದಿರುವ 'ಪುಷ್ಪ 2' ಚಿತ್ರದ ಟ್ರೇಲರ್ನಲ್ಲಿ ಫಹಾದ್ ಫಾಸಿಲ್ ಎಂಟ್ರಿ ಕೂಡ ನೋಡುಗರಲ್ಲಿ ಕುತೂಹಲ ಕೆರಳಿಸುವಂತಿದೆ. ಬಗೆಬಗೆಯ ಗೆಟಪ್ಗಳಲ್ಲಿ ಕಾಣಿಸಿಕೊಳ್ಳುವ ಅಲ್ಲು ಅರ್ಜುನ್ ಪಾತ್ರ, ಕಥೆಯಲ್ಲಿ ಭಾರೀ ಟ್ವಿಸ್ಟ್ ಇಟ್ಟಿರುವಂತೆ ಸೂಚಿಸಿದೆ. ಟ್ರೇಲರ್ನ ಕೊನೆಯಲ್ಲಿ ತಮ್ಮ ಹಳೆಯ ಪುಷ್ಟ ಅಂದ್ರೆ ಫ್ಲವರ್ ಅಲ್ಲ, ಫೈರ್ ಅನ್ನೋ ಡೈಲಾಗ್ಗೆ ಹೊಸ ರೂಪವನ್ನು ಕೊಟ್ಟಿರುವ ನಿರ್ದೇಶಕರು, ಇಂದಿನಿಂದ ಇದೇ ಡೈಲಾಗ್ ನೀವು ಬಳಸಬೇಕು ಎಂಬುದನ್ನು ಸಿನಿಪ್ರಿಯರಿಗೆ ಪರೋಕ್ಷವಾಗಿ ತಿಳಿಸಿದಂತೆ ಕಂಡುಬಂದಿದೆ.
ಬಿಹಾರದಲ್ಲಿ ಅಲ್ಲು ಅರ್ಜುನ್ ಅಭಿನಯದ ಬಹುನಿರೀಕ್ಷಿತ ಚಿತ್ರದ ಟ್ರೇಲರ್ಗೆ ದೊಡ್ಡ ವೇದಿಕೆಯನ್ನೇ ಸೃಷ್ಟಿಸಲಾಗಿದ್ದು, ನೆಚ್ಚಿನ ನಟನ ಸಿನಿಮಾ ಟ್ರೇಲರ್ ವೀಕ್ಷಿಸಲು ಜನಸಾಗರವೇ ಸೇರಿರುವುದು ದೃಶ್ಯಗಳಲ್ಲಿ ಕಂಡುಬಂದಿದೆ. ಈ ತುಣುಕುಗಳನ್ನು ಚಿತ್ರತಂಡ ತಮ್ಮ ಸಾಮಾಜಿಕ ಜಾಲತಾಣದ ಖಾತೆಗಳಲ್ಲಿ ಹಂಚಿಕೊಂಡಿದೆ. ಚಿತ್ರದ ಮೇಕಿಂಗ್ಗೆ ಫಿದಾ ಆಗಿರುವ ಸಿನಿಪ್ರಿಯರು, ಜಾಲತಾಣಗಳಲ್ಲಿ ವ್ಯಾಪಕ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಪುಷ್ಪ 2 ಚಿತ್ರದಲ್ಲಿ ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ, ಫಹಾದ್ ಫಾಸಿಲ್, ಅನುಸೂಯಾ ಭಾರದ್ವಾಜ್, ಜಗದೀಶ್, ಬ್ರಹ್ಮಾಜೀ, ಸುನಿಲ್, ಅಜಯ್ ಸೇರಿದಂತೆ ಮುಂತಾದವರ ತಾರಾಗಣವಿದೆ,(ಏಜೆನ್ಸೀಸ್).