ನವದೆಹಲಿ: 75 ವರ್ಷ ಮೇಲ್ಪಟ್ಟವರಿಗೆ ಆದಾಯ ತೆರಿಗೆಯಿಂದ ಕೇಂದ್ರ ಸರ್ಕಾರ ವಿನಾಯಿತಿ ನೀಡಿದ್ದು, ಹಿರಿಯ ನಾಗರಿಕರು ಐಟಿ ರಿಟರ್ನ್ಸ್ ಸಲ್ಲಿಸುವಂತಿಲ್ಲ ಎಂದು ಬಜೆಟ್ನಲ್ಲಿ ಘೋಷಿಸಲಾಗಿದೆ.
75 ವರ್ಷ ಮತ್ತು ಮೇಲ್ಪಟ್ಟ ನಮ್ಮ ಹಿರಿಯ ನಾಗರಿಕರ ಮೇಲಿನ ಹೊರೆಯನ್ನು ನಾವು ಕಡಿಮೆಗೊಳಿಸುತ್ತೇವೆ. ಪಿಂಚಣಿ ಮತ್ತು ಬಡ್ಡಿ ಆದಾಯವನ್ನು ಹೊಂದಿರುವ ಹಿರಿಯ ನಾಗರಿಕರು ಆದಾಯ ತೆರಿಗೆ ರಿಟರ್ನ್ ಸಲ್ಲಿಸುವುದರಿಂದ ವಿನಾಯಿತಿ ನೀಡುವುದಾಗಿ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಹೇಳಿದರು.
ತೆರಿಗೆ ಸಂಬಂಧಿಸಿದ ಪ್ರಮುಖಾಂಶಗಳು ಹೀಗಿವೆ...
* ತೆರಿಗೆ ದರ & ಸ್ಲ್ಯಾಬ್ಗಳಲ್ಲಿ ಯಾವುದೇ ಬದಲಾವಣೆ ಇಲ್ಲ
* 75 ವರ್ಷ ಮೇಲ್ಪಟ್ಟವರಿಗೆ ಐಟಿ ರಿಟರ್ನ್ಸ್ ಇಲ್ಲ
* ಪಿಂಚಣಿ- ಠೇವಣಿ ಮೇಲೆ ಬಡ್ಡಿ ಪಡಿಯೋರಿಗೆ ವಿನಾಯ್ತಿ
* ಕಾರ್ಪೋರೇಟ್ ತೆರಿಗೆ ದರ ಇಳಿಕೆ
* ತೆರಿಗೆ ಆಡಿಟ್ ಮಿತಿ 10 ಕೋಟಿ ರೂ.ಗೆ ಏರಿಕೆ
* ಎನ್ಆರ್ಐಗಳಿಗೆ ದ್ವಿತೆರಿಗೆ ಇಲ್ಲ
* ಆಡಿಟ್ನಲ್ಲಿ ಎನ್ಆರ್ಐಗಳಿಗೆ ವಿನಾಯ್ತಿ
* ತೆರಿಗೆ ವಂಚನೆ ಮಾಡುವವರ ಪತ್ತೆಗೆ ತಂತ್ರಜ್ಞಾನ ಬಳಕೆ
* ತೆರಿಗೆ ವ್ಯಾಜ್ಯ ಇತ್ಯರ್ಥಕ್ಕೆ ಖುದ್ದು ಟ್ರಿಬ್ಯುನಲ್ ಬ್ಯುರೋಗೆ ಹೋಗುವಂತಿಲ್ಲ