ಬೆಂಗಳೂರು: ಆನ್ಲೈನ್ ತರಗತಿಗಳಲ್ಲಿ ನೆಟ್ವರ್ಕ್ ಸಮಸ್ಯೆ ಹೆಚ್ಚಾಗಿದ್ದು ವಿದ್ಯಾರ್ಥಿಗಳಿಗೆ ಕಿರಿರಿ ಉಂಟು ಮಾಡುತ್ತಿದೆ. ಮಾನವ ಸಂಪನ್ಮೂಲ ಅಭಿವೃದ್ಧಿ (ಎಂಎಚ್ಆರ್ಡಿ) ಸಚಿವಾಲಯ ಆನ್ಲೈನ್ ಕ್ಲಾಸ್ಗೆ ಹಸಿರುನಿಶಾನೆ ತೋರಿದ ಬೆನ್ನಲ್ಲೇ ಎಲ್ಲ ಖಾಸಗಿ ಶಾಲೆಗಳು ಪೂರ್ವ ಪ್ರಾಥಮಿಕದಿಂದ ಪ್ರೌಢಶಾಲೆಯವರೆಗೆ ಎಲ್ಲ ತರಗತಿಗೆ ಆನ್ಲೈನ್ ಕ್ಲಾಸ್ ಆರಂಭಿಸಿವೆ.
ನಗರದ ಹೊರ ವಲಯಗಳಾದ ಬನ್ನೇರುಘಟ್ಟ, ಅನೇಕಲ್, ರಾಜಾನುಕುಂಟೆ, ಸುಂಕದಕಟ್ಟೆ ಸೇರಿ ಹಲವಾರು ಪ್ರದೇಶಗಳಲ್ಲಿ ಮೊಬೈಲ್ ಫೋನ್ ನೆಟ್ ವರ್ಕ್ ಮತ್ತು ಇಂಟರ್ನೆಟ್ ಸಮಸ್ಯೆಯಿಂದಾಗಿ ಮಕ್ಕಳು ಆನ್ಲೈನ್ ತರಗತಿಯಲ್ಲಿ ಪಾಲ್ಗೊಳ್ಳುವುದು ಪ್ರತಿನಿತ್ಯದ ಸವಾಲಾಗಿದೆ. ಒಂದುವೇಳೆ ಕ್ಲಾಸ್ಗೆ ಲಾಗಿನ್ ಆದರೂ ಶಿಕ್ಷಕರು ಮಾಡುವ ಬೋಧನೆ ಕೇಳಿಸುವುದು ಇಲ್ಲ, ಕಾಣಿಸುವುದೂ ಇಲ್ಲ. ನೆಟ್ವರ್ಕ್ಗಾಗಿ ಮನೆ ಮೇಲೆ ಹೋದರೂ ಪ್ರಯೋಜನವಾಗುತ್ತಿಲ್ಲ.
ಆನ್ಲೈನ್ ತರಗತಿಗೆ ಹೆಚ್ಚುವರಿ ಶುಲ್ಕ ಪಡೆಯಬಾರದು. ಇದು ಶಿಕ್ಷಣದ ಮತ್ತೊಂದು ಪರ್ಯಾಯ ಮಾರ್ಗವಷ್ಟೇ ಎಂದಿದ್ದರೂ ಶಾಲೆಗಳು ಪಾಲಕರಿಂದ ಹಣ ವಸೂಲಿ ಮಾಡಿವೆ. ಇದರಿಂದ ಬೇಸತ್ತ ಪಾಲಕರು ಸಮಸ್ಯೆಯನ್ನು ಶಾಲೆ ಮುಂದಿಟ್ಟಿದ್ದಾರೆ. ಹೀಗಾಗಿ ಪಾವತಿಸಿರುವ ಹಣ ವಾಪಸ್ ನೀಡುವಂತೆ ಕೇಳಿದ್ದಾರೆ. ಆದರೆ, ಶಾಲೆಗಳು ಶುಲ್ಕ ಹಿಂದಿರುಗಿಸಲು ಸಾಧ್ಯವಿಲ್ಲ ಎಂದು ಹೇಳಿವೆ.
ಇದನ್ನೂ ಓದಿ: ವಾಹಿನಿ ಮುಂದೆ ಕುಳಿತು ಪಾಠ ಆಲಿಸಿದ ಮಕ್ಕಳು
ನೆಟ್ವರ್ಕ್ ದೊರಕುವಂತೆ ಮಾಡಲು ಟವರ್ ಅಳವಡಿಸಲು ಜಾಗ ನೀಡುವುದಾಗಿ ಪಾಲಕರು ಟೆಲಿಕಾಂ ಸೇವಾ ಕಂಪನಿಗಳಿಗೆ ಕರೆ ಮಾಡಿ ಕೇಳಿದರೂ ಯಾವುದೇ ಸಹಾಯವಾಗುತ್ತಿಲ್ಲ. ಇದರಿಂದ ಬೇಸತ್ತಿರುವ ಪಾಲಕರು ಅಸಹಾಯಕತೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಅಮ್ಮಾ…. ಒಮ್ಮೆ ನಿನ್ನ ಕಣ್ತುಂಬಿಕೊಂಡು ಬಿಡುವೆ: ಐಸಿಯು ಕಿಟಕಿ ಬಳಿ ಕುಳಿತ ಪ್ಯಾಲೆಸ್ತೈನ್ ಯುವಕನ ಕಣ್ಣೀರ ಕಥೆ
ಸರ್ಕಾರದ ನಿರ್ಲಕ್ಷ್ಯ: ಆನ್ಲೈನ್ ಕ್ಲಾಸ್ ಬಗ್ಗೆ ತಜ್ಞರ ವರದಿ ಪಡೆದಿರುವ ಶಿಕ್ಷಣ ಇಲಾಖೆಯು ವರದಿ ಪರಿಶೀಲಿಸಿ ಸೂಕ್ತ ಸೂಚನೆಗಳನ್ನು ಹೊರಡಿಸಬೇಕಿದೆ. ಆದರೆ, ಈ ಬಗ್ಗೆ ಯಾವುದೇ ಗಮನ ನೀಡುತ್ತಿಲ್ಲ. ಮತ್ತೊಂದು ಕಡೆ ಹೈಕೋರ್ಟ್ ಮಧ್ಯಂತರ ತೀರ್ಪು ನೀಡಿ ಆನ್ಲೈನ್ ಕ್ಲಾಸ್ ಒಂದು ರೀತಿಯಲ್ಲಿ ಮಕ್ಕಳ ಸಂವಿಧಾನದ ಹಕ್ಕು ಎಂದಿದೆ. ಇದರಿಂದಾಗಿ ಪಾಲಕರು ನೆಟ್ವರ್ಕ್ ಇಲ್ಲದಿದ್ದರೂ, ಅರ್ಥವಾಗದಿದ್ದರೂ ಆನ್ಲೈನ್ ಕ್ಲಾಸಿಗಾಗಿ ಮೊಬೈಲ್ಫೋನ್ ಮುಂದೆ ಮಕ್ಕಳನ್ನು ಕೂರಿಸುವುದು ಅನಿವಾರ್ಯವಾಗಿದೆ.