ಮುಂಬೈ: ಮೈನಾ ಹಾಗೂ ಕೋಟಿಗೊಬ್ಬ-2 ಚಿತ್ರದಿಂದ ಕನ್ನಡಿಗರ ಮನಗೆದ್ದಿರುವ ನಟಿ ನಿತ್ಯಾ ಮೆನನ್ ಅವರ ವೆಬ್ ಸೀರಿಸ್ ಚಿತ್ರದ ವಿಡಿಯೋವೊಂದು ಸೋರಿಕೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ನಟ ಅಭಿಷೇಕ್ ಬಚ್ಚನ್ ಅಭಿನಯದ "ಬ್ರೀಥ್ ಇನ್ಟೂ ದಿ ಶ್ಯಾಡೋಸ್" ವೆಬ್ಸೀರಿಸ್ನಲ್ಲಿ ನಿತ್ಯಾ ಮೆನನ್ ಸಹ ನಾಯಕಿಯಾಗಿದ್ದಾರೆ. ಇತ್ತೀಚೆಗಷ್ಟೇ ಅಮೇಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಿದ್ದು, ಒಳ್ಳೆಯ ರೆಸ್ಪಾನ್ಸ್ ಗಿಟ್ಟಿಸಿಕೊಳ್ಳುತ್ತಿದೆ.
ಇದೇ ಚಿತ್ರ ಇದೀಗ ಇನ್ನೊಂದು ವಿಚಾರಕ್ಕೆ ಸುದ್ದಿಯಾಗಿದೆ. ಚಿತ್ರದಲ್ಲಿ ಲೆಸ್ಬಿಯನ್ ಕಿಸ್ಸಿಂಗ್ ದೃಶ್ಯವಿದ್ದು, ನಿತ್ಯಾ ಮೆನನ್ ಹಾಗೂ ಶ್ರುತಿ ಬಾಪ್ನಾ ಲಿಪ್ಲಾಕ್ ಮಾಡಿದ್ದಾರೆ. ಚಿತ್ರ ಬಿಡುಗಡೆಯ ಬೆನ್ನಲ್ಲೇ ವಿಡಿಯೋ ವೈರಲ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ಇದೇ ಮೊದಲೇನಲ್ಲ
ಇದಕ್ಕೂ ಮೊದಲೇ ನಿತ್ಯಾ ಅವರು "AWE" ತೆಲುಗು ಚಿತ್ರದಲ್ಲಿ ಲೆಸ್ಬಿಯನ್ ಆಗಿ ನಟಿಸಿದ್ದರು. ಈ ಚಿತ್ರದಲ್ಲಿ ನಟಿ ಈಶಾ ರೆಬಾರೊಂದಿಗೆ ಲಿಪ್ಲಾಕ್ ಮಾಡಿದ್ದರು.
ಇನ್ನು ಬ್ರೀಥ್ ಇನ್ಟೂ ದಿ ಶ್ಯಾಡೋಸ್ ವೆಬ್ ಸೀರಿಸ್ ವಿಚಾರಕ್ಕೆ ಬರುವುದಾದರೆ, ಇದೊಂದು ಸೈಕಾಲಜಿಕಲ್ ಥ್ರಿಲ್ಲರ್ ಸ್ಟೋರಿ ಆಗಿದೆ. ಚಿತ್ರದುದ್ದಕ್ಕೂ ಇರುವ ಸಸ್ಪೆನ್ಸ್ ಪ್ರೇಕ್ಷಕರನ್ನು ಕೊನೆಯವರೆಗೂ ಹಿಡಿದಿಟ್ಟುಕೊಳ್ಳುತ್ತದೆ. (ಏಜೆನ್ಸೀಸ್)