ನವದೆಹಲಿ: ಇಂದಿಗೆ ಸರಿಯಾಗಿ 11 ದಿನಗಳ ಹಿಂದೆ ಅಂದರೆ ನವೆಂಬರ್ 26ರಂದು ಪತನಗೊಂಡಿದ್ದ ಮಿಗ್ 29 ನೌಕಾ ವಿಮಾನದ ಪೈಲಟ್ನ ಮೃತದೇಹ ಕೊನೆಗೂ ಪತ್ತೆಯಾಗಿದೆ. ಅರಬ್ಬಿ ಸಮುದ್ರದಲ್ಲಿ ವಿಮಾನ ಅಪಘಾತವಾಗಿದ್ದು, ಸಮುದ್ರದಲ್ಲಿ 70 ಮೀಟರ್ ಆಳದಲ್ಲಿ ಮೃತದೇಹ ಪತ್ತೆಯಾಗಿದೆ.
ನವೆಂಬರ್ 26ರಂದು ಐಎನ್ಎಸ್ ವಿಕ್ರಮಾದಿತ್ಯ ನೌಕೆಯಿಂದ ಹಾರಿದ್ದ ಮಿಗ್ ವಿಮಾನ ಸಂಜೆ 5 ಗಂಟೆಯ ಹೊತ್ತಿಗೆ ಅರಬ್ಬಿ ಸಮುದ್ರದ ಮೇಲ್ಭಾಗದಲ್ಲಿ ಪತನಗೊಂಡಿತ್ತು. ಆ ವಿಮಾನದಲ್ಲಿ ಪೈಲಟ್ ಲೆಫ್ಟಿನೆಂಟ್ ಕಮಾಂಡರ್ ನಿಶಾಂತ್ ಸಿಂಗ್ ಹಾಗೂ ಅವರ ಸಹ ಪೈಲಟ್ ಇದ್ದರು. ವಿಮಾನ ಪತನಗೊಳ್ಳುವುದಕ್ಕೂ ಮೊದಲೇ ಸೂಚನೆ ಸಿಕ್ಕ ಹಿನ್ನೆಲೆಯಲ್ಲಿ ಸಹ ಪೈಲಟ್ ಹೊರಗೆ ಹಾರಿದ್ದರು. ಅವರನ್ನು ರಕ್ಷಿಸಲಾಗಿತ್ತು. ಅವರ ಬೆನ್ನಲ್ಲೇ ನಿಶಾಂತ್ ಅವರೂ ಹಾಡಿದ್ದರಾದರೂ ಅವರ ದೇಹ ಪತ್ತೆಯಾಗಿರಲಿಲ್ಲ. ಇದೀಗ ಗೋವಾದ ಕರಾವಳಿಯಿಂದ ಸುಮಾರು 30 ಮೈಲು ದೂರದಲ್ಲಿ ಅವರ ಮೃತದೇಹ ಪತ್ತೆಯಾಗಿದೆ. ಹನ್ಸಾ ನೌಕಾಪಡೆ ನೆಲೆಯಿಂದ 50 ಕಿಮೀ ದೂರದಲ್ಲಿ ವಿಮಾನದ ಅವಶೇಷಗಳು ಪತ್ತೆಯಾಗಿದ್ದವು.
ಕಳೆದ ಎರಡು ವರ್ಷದಲ್ಲಿ ಪತನಗೊಂಡಿರುವ ನಾಲ್ಕನೇ ಮಿಗ್-29ಕೆ ವಿಮಾನ ಇದಾಗಿದೆ. (ಏಜೆನ್ಸೀಸ್)