ಜಾರ್ಖಂಡ್ ಪ್ರತಿಭಟನೆಗೆ'ಪುಷ್ಪಾ' ಎಂಟ್ರಿ
- ನ್ಯಾಯ ಸಿಗೋವರೆಗೂ ತಗ್ಗಲ್ಲ, ಬಗ್ಗಲ್ಲ
- ಜಾರ್ಖಂಡ್ ಪ್ರತಿಭಟನೆಗೆ'ಪುಷ್ಪಾ' ಎಂಟ್ರಿ
- ನಮ್ಮ ಹೋರಾಟಕ್ಕೆ ಸಿನಿಮಾದವರು ಬೆಂಬಲ ನೀಡುತ್ತಿಲ್ಲ; ನವೇ ಅವರ ಗೆಟಪ್ನಲ್ಲಿ ಬಂದಿದ್ದೇನೆ
ರಾಂಚಿ: ರಾಜ್ಯ ಸರ್ಕಾರದಿಂದ ನಡೆಸಲಾಗುವ ಪರೀಕ್ಷೆಗಳಲ್ಲಿ ನಡೆಯುತ್ತಿರುವ ಅಕ್ರಮಗಳನ್ನು ವಿರೋಧಿಸಿ ಜಾರ್ಖಂಡ್ನ ವಿದ್ಯಾರ್ಥಿಗಳು ಕಳೆದ 17 ದಿನಗಳಿಂದ ಹೋರಾಟ ನಡೆಸುತ್ತಿದ್ದಾರೆ.
ಇಂದು (ಸೋಮವಾರ, ಆ.10) ಈ ಪ್ರತಿಭಟನೆ ತೀವ್ರಗೊಂಡಿದ್ದು, ವಿದ್ಯಾರ್ಥಿಗಳು ವಿಧಾನಸಭೆ ಮುತ್ತಿಗೆಗೆ ಮುಂದಾಗಿದ್ದು, ಪ್ರತಿಭಟನಾಕಾರರ ಮೇಲೆ ಲಾಠಿ ಚಾರ್ಜ್, ಅಶ್ರುವಾಯು ಹಾಗೂ ಜಲ ಫಿರಂಗಿಗಳನ್ನು ಪ್ರಯೋಗಿಸಲಾಗಿದೆ ಎಂದು ವರದಿಯಾಗಿದೆ.
ಹೋರಾಟಕ್ಕೆ ಪುಷ್ಪಾ ಎಂಟ್ರಿ!
ಕಳೆದ ಕೆಲ ವರ್ಷಗಳಲ್ಲಿ JPSC ಹಾಗೂ JPSC-CGL ನಡೆಸುವ ಪರೀಕ್ಷೆಗಳಲ್ಲಿ ಭಾರಿ ಅಕ್ರಮ ನಡೆಯುತ್ತಿರುವ ಹಿನ್ನಲೆ, ಈ ಪ್ರತಿಭಟನೆ ನಡೆಯುತ್ತಿದ್ದು, ಇಂದು ಈ ಹೋರಾಟಕ್ಕೆ ಸೌತ್ ಸೂಪರ್ ಸ್ಟಾರ್ ಅಲ್ಲು ಅರ್ಜುನ್ ನಟನೆಯ ಸಿನಿಮಾ 'ಪುಷ್ಪಾ' ಗೆಟಪ್ನಲ್ಲಿ (Pushpa in Jharkhand Protest) ಒಬ್ಬ ಹೋರಾಟಗಾರ ಕಾಣಿಸಿಕೊಂಡಿದ್ದಾನೆ.
ಮಾಧ್ಯಮದವರೊಂದಿಗೆ ಮಾತನಾಡಿದ ಇತ, ಜಾರ್ಖಂಡ್ನ ವಿದ್ಯಾರ್ಥಿಗಳು ನ್ಯಾಯ ಸಿಗೋ ವರೆಗೆ ಯಾರಿಗೂ ತಗ್ಗುವುದಿಲ್ಲ, ಬಗ್ಗುವುದಿಲ್ಲ ಎಂದು ಡೈಲಾಗ್ ಹೊಡೆದಿದ್ದಾರೆ. ಹಾಗೆಯೇ ನಮ್ಮ ಈ ಪ್ರತಿಭಟನೆಗೆ ಸಿನಿಮಾ ನಟರು ಬೆಂಬಲ ನೀಡುತ್ತಿಲ್ಲ, ಹೀಗಾಗಿ ನಾನು ನಟನ ವೇಷದಲ್ಲಿ ಬಂದಿದ್ದೇನೆಂದು ತಿಳಿಸಿದ್ದಾರೆ.
ಪೊಲೀಸರಿಂದ ಲಾಠಿ ಚಾರ್ಜ್!
ಇಂದು ವಿಧಾನಸಭೆ ಮುತ್ತಿಗೆಗೆ ಪ್ರತಿಭಟನಾಕಾರರು ಮುಂದಾದ ಹಿನ್ನಲೆ, ಜಾರ್ಖಂಡ್ ಪೊಲೀಸರು ವಿದ್ಯಾರ್ಥಿಗಳ ಮೇಲೆ ಲಾಠಿ ಚಾರ್ಜ್, ಅಶ್ರುವಾಯು ಪ್ರಯೋಗ ಹಾಗೂ ಜಲ ಫಿರಂಗಿಗಳನ್ನು ಪ್ರಯೋಗಿಸಿದ್ದಾರೆಂದು ತಿಳಿದು ಬಂದಿದೆ.
ರಾಜ್ಯದಲ್ಲಿ ಪರೀಕ್ಷಾ ಅಕ್ರಮಗಳಿಗೆ ಕಾರಣವಾಗಿರುವ ಈ JPSC ಮತ್ತು JPSC-CGL ಗಳನ್ನು ರದ್ದು ಮಾಡಬೇಕು ಹಾಗೂ ಇವುಗಳು ನಡೆಸಿರುವ ಪರೀಕ್ಷೆಗಳನ್ನು ಮತ್ತೊಮ್ಮೆ ನಡೆಸಬೇಕೆನ್ನುವುದು ಹೋರಾಟಗಾರರ ಪ್ರಮುಖ ಬೇಡಿಕೆಯಾಗಿದೆ, (ಏಜನ್ಸೀಸ್).