ಅಧಿವೇಶನಕ್ಕೆ ಕುಡಿದು ಬಂದ ಭಗವಂತ್ ಮಾನ್?
- ಅಧಿವೇಶನಕ್ಕೆ ಕುಡಿದು ಬಂದ ಭಗವಂತ್ ಮಾನ್?
- ಪಂಜಾಬ್ ಸಿಎಂ ಮೇಲೆ ವಿರೋಧ ಪಕ್ಷಗಳ ಗಂಭೀರ ಆರೋಪ
- ಎಲ್ಲಾ ಎಂಎಲ್ಎಗಳು ಪರೀಕ್ಷೆಗೆ ಒಳಪಡಲಿ ಎಂದ ಕಾಂಗ್ರೆಸ್ ನಾಯಕ
ಪಂಜಾಬ್: ಇಂದು (ಮೇ.1) ಪಂಜಾಬ್ ಸಂಸತ್ತಿನಲ್ಲಿ ಮುಖ್ಯಮಂತ್ರಿ ಭಗವಂತ್ ಮಾನ್ (Bhagwant Mann) ಕುಡಿದ ಅಮಲಿನಲ್ಲಿ ಬಂದಿದ್ದಾರೆಂದು ವಿರೋಧ ಪಕ್ಷಗಳು ಆರೋಪಿಸಿದ್ದು, ತಾವು ಕುಡಿದು ಬಂದಿಲ್ಲವೆಂದು ಸಾಭಿತು ಪಡಿಸುವಂತೆ ಸವಾಲನ್ನು ಒಡ್ಡಿದ್ದಾರೆ.
ಎಲ್ಲಾ ಎಂಎಲ್ಎಗಳು ಪರೀಕ್ಷೆಗೆ ಒಳಪಡಲಿ
ಇಂದು ಕಾರ್ಮಿಕರ ದಿನದ ಅಂಗವಾಗಿ ಕಾರ್ಮಿಕ ವಿಶೇಷ ಅಧಿವೇಶನಕ್ಕೆ ಹಾಜರಾಗಿದ್ದ ಸಂದರ್ಭದಲ್ಲಿ, ಕಾಂಗ್ರೆಸ್ ಶಾಸಕರೊಬ್ಬರು, ಮುಖ್ಯಮಂತ್ರಿಗಳು ಮಧ್ಯದೇಟಿನಲ್ಲಿ ಸಂಸತ್ತನ್ನು ಪ್ರವೇಶಿಸಿದ್ದಾರೆ ಎಂದು ಆರೋಪಿಸಿದರು.
ಇದಕ್ಕೆ ದನಿಗೂಡಿಸಿದ ವಿರೋಧ ಪಕ್ಷದ ನಾಯಕ ಪ್ರತಾಪ್ ಸಿಂಗ್ ಬಾಜ್ವಾ, ಕೇವಲ ಮುಖ್ಯಮಂತ್ರಿ ಮಾತ್ರವಲ್ಲ, ಪ್ರತಿ ಎಂಎಲ್ಎ ಮಧ್ಯಪಾನ ಪರೀಕ್ಷೆಗೆ ಒಳಪಡೋಣ. ಆಗ ಯಾರ್ಯಾರು ಮಧ್ಯ ಸೇವನೆ ಮಾಡಿದ್ದಾರೆಂದು ಜನತೆಗೆ ತಿಳಿಯುತ್ತದೆ ಎಂದು ಹೇಳಿದ್ದಾರೆ.
ಇದು ನಾಚಿಕೆಗೇಡಿನ ಸಂಗತಿ : ಅಕಾಲಿದಳ
ಈ ಆರೋಪಕ್ಕೆ ಪುಷ್ಟಿ ನೀಡಿದ ಶಿರೋಮಣಿ ಅಕಾಲಿದಳದ ಶಾಸಕರು, ರಾಜ್ಯದ ಮುಖ್ಯಮಂತ್ರಿ ಮಧ್ಯ ಸೇವಿಸಿ ಸಂಸತ್ ಪ್ರವೇಶಿಸುವುದು ನಾಚಿಕೆಗೇಡಿನ ಸಂಗತಿಯಾಗಿದೆ. ಇದನ್ನು ಅಕಾಲಿದಳ ಖಂಡಿಸುತ್ತದೆ ಎಂದು ಹೇಳಿದೆ. ಆಮ್ ಆದ್ಮಿ ಪಕ್ಷದ ಭಗವಂತ್ ಮಾನ್, ಮಧ್ಯ ಸೇವನೆಯ ಪರೀಕ್ಷೆಗೆ ಒಳಪಡಲೇ ಬೇಕು, ಒಂದು ವೇಳೆ ಮಧ್ಯ ಸೇವಿಸಿದ್ದು ಸಾಭಿತಾದರೆ, ಸಾರ್ವಜನಿಕರಲ್ಲಿ ಕ್ಷಮೆ ಕೇಳಬೇಕೆಂದು ಹೇಳಿದ್ದಾರೆ.
ಬಿಜೆಪಿಗೆ ಜಿಗಿದ ಪಂಜಾಬ್ ಆಮ್ ಆದ್ಮಿ ಸಂಸದರು
ಕಾರ್ಮಿಕರ ಕುಂದು ಕೊರತೆ ಬಗ್ಗೆ ಚರ್ಚಿಸಲು ಕರೆದಿದ್ದ ಅಧಿವೇಶನದಲ್ಲಿ, ಮುಖ್ಯಮಂತ್ರಿ ಮಧ್ಯಸೇವನೆ ಹಾಗೂ ಆಮ್ ಆದ್ಮಿ ಪಕ್ಷ ಬಿಟ್ಟು, ಬಿಜೆಪಿ ಜಿಗಿದ 7 ಜನ ಸಂಸದರ ಬಗ್ಗೆಯೇ ಮಾತನಾಡಲಾಯಿತು.
ಕೆಲ ದಿನಗಳ ಹಿಂದೆ, ರಾಜ್ಯಸಭಾ ಸಂಸದ ರಾಘವ್ ಚಡ್ಡಾ ಆಮ್ ಆದ್ಮಿ ಪಕ್ಷವನ್ನು ತೊರೆದು ಬಿಜೆಪಿಗೆ ಬೆಂಬಲ ಸೂಚಿಸಿದ್ದಾರೆ. ಇವರಿಗೆ ಬೆಂಬಲ ನೀಡಿ ಸ್ವಾತಿ ಮಹಿವಾಲ್, ಹರ್ಭಜನ್ ಸಿಂಗ್, ಸಂದೀಪ್ ಪಾಠಕ್, ಅಶೋಕ್ ಮಿತ್ತಲ್, ರಜೀಂದರ್ ಗುಪ್ತಾ ಮತ್ತು ವಿಕ್ರಮ್ ಸಹಾನಿ ಕೂಡ ಎಎಪಿ ಗೆ ಟಾಟಾ ಹೇಳಿ ಬಿಜೆಪಿಗೆ ಹಾಯ್ ಹೇಳಿದ್ದಾರೆ, (ಏಜನ್ಸೀಸ್).