ಮೊಮ್ಮಗನ ಸಹಾಯಕ್ಕೆ ಹೋದ ಅಜ್ಜಿ ದುರ್ಮರಣ: ಯಮಧೂತನಂತೆ ಎದುರಾದ ಜೀಪ್​; ವಿಡಿಯೋ ವೈರಲ್​! Viral Video

ಫರುಕಾಬಾದ್​: ಉತ್ತರ ಪ್ರದೇಶದ ಫರುಕಾಬಾದ್​ನ ಮನೆಯೊಂದರಲ್ಲಿ ಪಾರ್ಕಿಂಗ್​ನಲ್ಲಿ ನಿಲ್ಲಿಸಿಟ್ಟ ಮಹೀಂದ್ರಾ ಥಾರ್​ ಜೀಪ್​ನ ಹ್ಯಾಂಡ್​ ಬ್ರೇಕ್​ ಕೈಕೊಟ್ಟ ಕಾರಣ ಜೀಪ್​ ಹಿಮ್ಮುಕ ಚಲಿಸಿ ಗೇಟನ್ನು ಮುಚ್ಚುತ್ತಿದ್ದ ಅಜ್ಜಿಯನ್ನು ಬಲಿ ಬಡಿದ ಘಟನೆ ವರದಿಯಾಗಿದೆ.

ಈ ಭೀಕರ ಘಟನೆಯು ಮನೆಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಮೊಮ್ಮಗ ವಾಹನವನ್ನು ಚಲಾಯಿಸುತ್ತಿದ್ದ ಎಂದ ತಿಳಿದು ಬಂದಿದೆ. ಸದ್ಯ ಈ ಅಫಘಾತದ ವಿಡಿಯೋ ಸೋಶಿಯಲ್​ ಮೀಡಿಯಾನಲ್ಲಿ ಸಾಕಷ್ಟು ವೈರಲ್​ (Viral Video) ಆಗುತ್ತಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಈ ವಿಡಿಯೋನಲ್ಲಿ ಮೊಮ್ಮಗ ಜೀಪನ್ನು ಆಚೆಯಿಂದ ಮನೆಗೆ ತೆಗೆದುಕೊಂಡು ಬಂದಿದ್ದಾನೆ. ನಂತರ ಜೀವನ್ನು ಪಾರ್ಕಿಂಗ್​ ಸ್ಥಳದಲ್ಲಿ ಗಾಡಿಯನ್ನು ನಿಲ್ಲಿಸಿದ್ದಾನೆ. ಗಾಡಿ ನಿಲ್ಲಿಸಿದ ನಂತರ ಅಜ್ಜಿ ಪಾರ್ಕಿಂಗ್​ನ ಗೇಟನ್ನು ಮುಚ್ಚಲು ತೆರೆಳಿದಾಗ, ಜೀಪ್​ ಇದ್ದಕ್ಕಿಂದೆ ಹಿಂದಕ್ಕೆ ಬಂದು ಅಜ್ಜಿಯನ್ನು ಕೌಪೌಂಡ್​ ಗೋಡೆಗೆ ಜಜ್ಜಿದೆ.

ಈ ಘಟನೆ ನಡೆದ ತರುವಾಯ ಕುಟುಂಬದವರು ಪೊಲೀಸರಲ್ಲಿ ಅನೌಪಚಾರಿಕವಾಗಿ ದೂರೊಂದನ್ನು ದಾಖಲಿಸಿದ್ದಾರೆ. ಈ ಘಟನೆ ಸಂಪೂರ್ಣವಾಗಿ ಅಫಘಾತವಾಗಿದೆ ಎಂದು ಪೊಲೀಸರು ಸಹ ದೃಢೀಕರಿಸಿದ್ದಾರೆ. ನಿಮ್ಮ ಕಾರಿನ ಹ್ಯಾಂಡ್​ ಬ್ರೇಕ್​ನ್ನು ಪರೀಕ್ಷಿಸಿಕೊಳ್ಳಿ ಎಂದು ಫರುಕಾಬಾದ್​​ ಪೊಲೀಸರು ಸಾರ್ವಜನಿಕರಲ್ಲಿ ವಿನಂತಿಸಿ ಕೊಂಡಿದ್ದಾರೆ,(ಏಜನ್ಸೀಸ್​).