ಶಿವಮೊಗ್ಗ: ಪ್ರೇಮಿಗಳಿಬ್ಬರು ತಮ್ಮ ಕೈಗಳನ್ನು ಒಟ್ಟಿಗೆ ವೇಲ್ನಿಂದ ಕಟ್ಟಿಕೊಂಡು ತುಂಬಿ ಹರಿಯುತ್ತಿರುವ ತುಂಗಾ ನದಿಗೆ ಶುಕ್ರವಾರ ಮಧ್ಯಾಹ್ನ ಜಿಗಿದಿದ್ದಾರೆ.
ಬೈಪಾಸ್ ಸೇತುವೆ ಬಳಿ ಬಂದಿದ್ದ ಪ್ರೇಮಿಗಳು ನದಿಗೆ ಹಾರುತ್ತಿದ್ದಂತೆ ಕೈಗೆ ಕಟ್ಟಿಕೊಂಡಿದ್ದ ವೇಲ್ ಬಿಚ್ಚಿಕೊಂಡು ಅನುಷಾ ನದಿ ದಡದಲ್ಲಿ ಸಿಕ್ಕಿಬಿದ್ದಿದ್ದಾಳೆ.
ಬಳಿಕ ಆಕೆಯನ್ನು ಮೆಗ್ಗಾನ್ ಆಸ್ಪತ್ರೆಗೆ ಕರೆದೊಯ್ಯುವ ಮಾರ್ಗಮಧ್ಯೆ ಕೊನೆಯುಸಿರೆಳೆದಿದ್ದಾಳೆ. ಯುವಕ ನೀರಿನ ರಭಸಕ್ಕೆ ಕೊಚ್ಚಿಕೊಂಡು ಹೋಗಿದ್ದು, ಹುಡುಕಾಟ ಮುಂದುವರಿದಿದೆ.
ಶಿವಮೊಗ್ಗ ಹೊರವಲಯದ ಕಾಕನ ಹಸೂಡಿ ಗ್ರಾಮದ ಯುವತಿ ಅನುಷಾ (19) ತುಂಗಾನದಿಗೆ ಬಿದ್ದು ಮೃತಪಟ್ಟಿದ್ದು, ಉಂಬ್ಳೆಬೈಲ್ ಸಮೀಪದ ಹುರುಳಿಹಳ್ಳಿಯ ಸಂತೋಷ್ (21) ನೀರಿನಲ್ಲಿ ಕೊಚ್ಚಿ ಹೋಗಿದ್ದಾನೆ. ಸಂತೋಷ್ಗಾಗಿ ತುಂಗಾನಗರ ಠಾಣೆ ಪೊಲೀಸರು ಮತ್ತು ಅಗ್ನಿಶಾಮಕ ಸಿಬ್ಬಂದಿ ಬೋಟ್ ಸಹಾಯದಿಂದ ಹುಟುಕಾಟ ಮುಂದುವರಿಸಿದ್ದಾರೆ.
ಪ್ರೇಮಿಗಳು ನದಿಗೆ ಹಾರುವ ಮುನ್ನ ತಮ್ಮ ಮೊಬೈಲ್ ಹಾಗೂ ಚಪ್ಪಲಿಗಳನ್ನು ಸೇತುವೆ ಬಳಿ ಬಿಟ್ಟಿದ್ದಾರೆ. ಅಲ್ಲೇ ಗುಲಾಬಿ ಹೂವನ್ನೂ ಇಟ್ಟಿದ್ದಾರೆ. ಇವರಿಬ್ಬರ ಪ್ರೀತಿಗೆ ಪಾಲಕರ ವಿರೋಧಸಿದ್ದರಿಂದ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂಬ ಶಂಕೆ ವ್ಯಕ್ತವಾಗಿದೆ. ಹೋಟೆಲ್ವೊಂದರಲ್ಲಿ ಸಂತೋಷ ಕೆಲಸ ಮಾಡುತ್ತಿದ್ದ. ಅನುಷಾ ಈ ವರ್ಷ ತಾನೇ ಪಿಯುಸಿ ಮುಗಿಸಿದ್ದಳು. ತುಂಗಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಕ್ರೈ