ನವದೆಹಲಿ: ಯುಎಸ್ ಡಿಪಾರ್ಟ್ಮೆಂಟ್ ಆಫ್ ಹೋಮ್ಲ್ಯಾಂಡ್ ಸೆಕ್ಯುರಿಟಿ (ಡಿಎಚ್ಎಸ್) ಹೊಸ ಘೋಷಣೆಯೊಂದನ್ನು ಮಾಡಿದ್ದು, ಅಮೆರಿಕಕ್ಕೆ ವೀಸಾ ಇಲ್ಲದೆಯೇ ಬರಲು ಅವಕಾಶ ನೀಡಿದೆ. ಮೂರು ತಿಂಗಳ ಅವಧಿಗೆ ಅನ್ವಯಿಸುವಂತೆ ಇಂಥದ್ದೊಂದು ಘೋಷಣೆಯನ್ನು ಮಾಡಿದೆ. ಇಂಥ ಅವಕಾಶ ಎಲ್ಲಿ ಯಾರಿಗೆ ಎಂಬ ಕುರಿತು ವಿವರ ಇಲ್ಲಿದೆ.
ಹಮಾಸ್ ಉಗ್ರರ ದಾಳಿಯಿಂದ ತತ್ತರಿಸಿರುವ ಇಸ್ರೇಲ್ನ ಅರ್ಹ ಪ್ರಜೆಗಳಿಗೆ ಅಮೆರಿಕ ಈ ಅವಕಾಶ ನೀಡಿದೆ. ತನ್ನ ವೀಸಾ ಮನ್ನಾ ಕಾರ್ಯಕ್ರಮದ ಅಂಗವಾಗಿ ಡಿಎಚ್ಎಸ್ ಈ ಘೋಷಣೆಯನ್ನು ಮಾಡಿದ್ದಾಗಿ ಮಾಧ್ಯಮವೊಂದು ವರದಿ ಮಾಡಿದೆ.
ಇದನ್ನೂ ಓದಿ: ಗಾಲಿಕುರ್ಚಿ ನೀಡದ್ದಕ್ಕೆ ವೈಮಾನಿಕ ಸಂಸ್ಥೆ ವಿರುದ್ಧ ಸಿಡಿದೆದ್ದ ಮಹಿಳಾ ಪ್ರಯಾಣಿಕರು: 20 ಕೋಟಿ ರೂ. ಕೇಸ್ ದಾಖಲು
ನ. 30ರಿಂದ ಆರಂಭವಾಗುವಂತೆ ಈ ಅವಕಾಶವನ್ನು ನೀಡಲಾಗಿದೆ. ಕಳೆದ ತಿಂಗಳು ಯುಎಸ್ ಅಧ್ಯಕ್ಷ ಜೋ ಬೈಡೆನ್ ವೀಸಾ ಮನ್ನಾ ಕಾರ್ಯಕ್ರಮದಲ್ಲಿ ಇಸ್ರೇಲ್ ದೇಶವನ್ನೂ ಒಳಗೊಳ್ಳುವಂತೆ ಮಾಡುವುದಾಗಿ ಭರವಸೆ ನೀಡಿದ್ದ ಬೆನ್ನಿಗೇ ಈ ಘೋಷಣೆ ಹೊರಬಿದ್ದಿದೆ.
ಯುಎಸ್ ಕಸ್ಟಮ್ಸ್ ಆ್ಯಂಡ್ ಬಾರ್ಡರ್ ಪ್ರೊಟೆಕ್ಷನ್ ಮತ್ತು ಎಲೆಕ್ಟ್ರಾನಿಕ್ ಸಿಸ್ಟಮ್ ಫಾರ್ ಟ್ರಾವೆಲ್ ಆಥರೈಸೇಷನ್ ಮೂಲಕ ಆನ್ಲೈನ್ನಲ್ಲಿ ಪರಿಶೀಲನೆಗೆ ಒಳಪಡಿಸಿ ನೋಂದಣಿ ಮಾಡಿಕೊಳ್ಳುವಂತೆಯೂ ಸೂಚಿಸಲಾಗಿದೆ. ಬಯೋಮೆಟ್ರಿಕಲಿ ಎನೇಬ್ಲ್ಡ್ ಪಾಸ್ಪೋರ್ಟ್ ಮತ್ತು 90 ದಿನಗಳ ತಂಗುವಿಕೆ ಕುರಿತ ಯೋಜನೆಗಳ ವಿವರ ನೀಡಿದವರು ಇದಕ್ಕೆ ಅರ್ಹರಾಗುತ್ತಾರೆ ಎಂದೂ ತಿಳಿಸಲಾಗಿದೆ.