ಅಮೆರಿಕ-ಇರಾನ್ ಶಾಂತಿ ಮಾತುಕತೆ ನಡುವೆ ಲೆಬನಾನ್ ಮೇಲೆ ಇಸ್ರೇಲ್ ವೈಮಾನಿಕ ದಾಳಿ 
ವಿದೇಶ

ಅಮೆರಿಕ-ಇರಾನ್ ಶಾಂತಿ ಮಾತುಕತೆಗೆ ಇಸ್ರೇಲ್​ ಕುತ್ತು: ಲೆಬನಾನ್​ ರಾಜಧಾನಿ ಮೇಲೆ ಭೀಕರ ವೈಮಾನಿಕ ದಾಳಿ! Israel Airstrike Lebanon

ಪ್ರಮುಖ ಮುಖ್ಯಾಂಶಗಳು

  • ಮಧ್ಯಪ್ರಾಚ್ಯದಲ್ಲಿ ಮತ್ತೆ ಹೆಚ್ಚಿದ ಯುದ್ಧದ ಭೀತಿ!
  • ಅಮೆರಿಕ-ಇರಾನ್ ಶಾಂತಿ ಮಾತುಕತೆ ನಡುವೆ ಲೆಬನಾನ್ ಮೇಲೆ ಇಸ್ರೇಲ್ ವೈಮಾನಿಕ ದಾಳಿ
  • ಬೈರುತ್​ನಲ್ಲಿದ್ದ ಹಿಜ್ಬೊಲ್ಲಾ ಅಡ್ಡೆ ಗುರಿಯಾಗಿಸಿ ನಡೆದ ದಾಳಿ
ಬೈರುತ್​: ಒಂದು ಕಡೆ ಅಮೆರಿಕ ಇರಾನ್​ ಜೊತೆ ಶಾಂತಿ ಮಾತುಕತೆ ನಡೆಸಿ ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಸಂಘರ್ಷವನ್ನು ಶಮನ ಮಾಡಲು ಪ್ರಯತ್ನಿಸುತ್ತಿದ್ದರೆ, ಇನ್ನೊಂದು ಕಡೆ ಇಸ್ರೇಲ್​ ಮತ್ತೆ ಲೆಬನಾನ್​ (Israel Airstrike Lebanon) ಮೇಲೆ ದಾಳಿ ಮಾಡಿದೆ.
ಅಮೆರಿಕ ಮತ್ತು ಇರಾನ್​ ಸುಮಾರು ನೂರು ದಿನಗಳನ್ನು ಕಳೆದಿರುವ ಈ ಸಂಘರ್ಷವನ್ನು ನಿಲ್ಲಿಸಲು, ಮಾತುಕತೆಗೆ ಮುಂದಾದ ಸಮಯದಲ್ಲಿ ಇಸ್ರೇಲ್​ ನಡೆಸಿರುವ ಈ ದಾಳಿ ಶಾಂತಿ ಒಪ್ಪಂದಕ್ಕೆ ಮತ್ತೆ ಕುತ್ತುತರುವ ಸಮಸ್ಯೆಯಿದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಸಮಾಜಮುಖಿ ಕಾರ್ಯದತ್ತ ರಶ್ಮಿಕಾ-ವಿಜಯ್: 180 ಶಾಲಾ ಮಕ್ಕಳಿಗೆ ವಿದ್ಯಾರ್ಥಿವೇತನ ಹಂಚಿದ ನವಜೋಡಿ! Deverakonda Foundation

ಬೈರುತ್ ಮೇಲೆ ವೈಮಾನಿಕ ದಾಳಿ

ಲೆಬನಾನ್​ನ ರಾಜಧಾನಿ ಆಗಿರುವ ಬೈರುತ್ ನಗರದ ಹೊರವಲಯ ಪ್ರದೇಶವಾದ ದಹಿಯೇ ಮೇಲೆ ಇಸ್ರೇಲ್​ ವೈಮಾನಿಕ ದಾಳಿ ನಡೆಸಿರುವುದಾಗಿ ತಿಳಿದುಬಂದಿದೆ.
ಈ ದಹಿಯೇ ಮೇಲೆ ಲೆಬನಾನಿನ ಶಸಸ್ತ್ರ ಗುಂಪಾದ ಹಿಜ್ಬೊಲ್ಲಾದ ಹಿಡಿತವಿದ್ದು, ಆದ್ದರಿಂದ ಇದನ್ನು ಗುರಿಯಾಗಿಸಿ ಇಸ್ರೇಲ್​ ಮಿಸೈಲ್​ ದಾಳಿ ನಡೆಸಿದೆ ಎಂದು ವರದಿಯಾಗಿದೆ.

ಇಸ್ರೇಲ್​ ಪ್ರತಿಕ್ರಿಯೆ

ಈ ದಾಳಿ ಬಗ್ಗೆ ಮೌನ ಮುರಿದಿರುವ ಇಸ್ರೇಲ್​ ಪ್ರಧಾನಮಂತ್ರಿ ಬೆಂಜಾಮಿನ್​ ನೆತನ್ಯಾಹು, ಮತ್ತು ರಕ್ಷಣಾ ಸಚಿವ ಕಾಟ್ಜ್, ಹಿಜ್ಬೊಲ್ಲಾ ನಮ್ಮ ಪ್ರದೇಶದ ಮೇಲೆ ಡ್ರೋನ್​ ದಾಳಿ ನಡೆಸಿದ ಹಿನ್ನಲೆ ಈ ದಾಳಿಯನ್ನು ನಾವು ಕೈಗೊಂಡಿದ್ದೆವೆಂದು ಹೇಳಿದ್ದಾರೆ.
ಇದನ್ನೂ ಓದಿ: 71 ವರ್ಷಗಳಾದರೂ ಮುರಿಯಲಾಗದ ಆ ದಾಖಲೆ: ಫುಟ್‌ಬಾಲ್ ಲೋಕದ ಐತಿಹಾಸಿಕ ಪಂದ್ಯದ ರೋಚಕ ಕಥೆ ಇಲ್ಲಿದೆ! FIFA WorldCup
ಉತ್ತರ ಇಸ್ರೇಲ್​ ಮೇಲೆ ಹಿಜ್ಬೊಲ್ಲಾ ನಡೆಸಿದ ಡ್ರೋನ್​ ದಾಳಿಯಲ್ಲಿ ಯಾವುದೇ ಸಾವು-ನೋವುಗಳು ವರದಿಯಾಗಿರಲಿಲ್ಲ. ಈಗ ಇಸ್ರೇಲ್​ ನಡೆಸಿರುವ ದಾಳಿಯನ್ನು ನೋಡಿ ಸುಮ್ಮನೆ ಇರದ ಲೆಬನಾನ್ ಮತ್ತೆ ಪ್ರತಿದಾಳಿ ನಡೆಸಲಿದೆ ಎಂದು ಹೇಳಲಾಗುತ್ತಿದೆ, (ಏಜನ್ಸೀಸ್​).