71 ವರ್ಷಗಳಾದರೂ ಮುರಿಯಲಾಗದ ಆ ದಾಖಲೆ: ಫುಟ್‌ಬಾಲ್ ಲೋಕದ ಐತಿಹಾಸಿಕ ಪಂದ್ಯದ ರೋಚಕ ಕಥೆ ಇಲ್ಲಿದೆ! FIFA WorldCup

ಫಿಫಾ: ಕ್ರಿಕೆಟ್​ನಲ್ಲಿ ಹೇಗೆ ಐಸಿಸಿ ವಿಶ್ವಕಪ್​ ಇರುತ್ತದೆಯೋ ಅದೇ ರೀತಿ ಫುಟ್ಬಾಲ್​ ಜಗತ್ತಿನಲ್ಲಿ ಫಿಫಾ ವಿಶ್ವಕಪ್(FIFA WorldCup)​ ಪ್ರತಿ ನಾಲ್ಕು ವರ್ಷಗಳಿಗೊಮ್ಮೆ ನಡೆಯುತ್ತದೆ. ಈ ಫಿಫಾನಲ್ಲಿ ಪ್ರಪಂಚದ ಸುಮಾರು 48 ದೇಶಗಳು ಈ ಟೂರ್ನಿಯಲ್ಲಿ ಭಾಗವಹಿಸಿ ಟ್ರೋಫಿಗಾಗಿ ಪೈಪೋಟಿ ನಡೆಸುತ್ತಾರೆ.

ಈ ಫಿಫಾ ವಿಶ್ವಕಪ್​ ಜಗತ್ತಿನ ಅತ್ಯಂತ ಹಳೆಯ ವಿಶ್ವಕಪ್​ಗಳಲ್ಲಿ ಒಂದಾಗಿದ್ದು, ಇದು 1930 ರಂದು ಉರುಗ್ವೆ ದೇಶದಲ್ಲಿ ಮೊದಲ ಫಿಫಾ ವಿಶ್ವಕಪ್​ಅನ್ನು ಆರಂಭಿಸಲಾಯಿತು. ಅಲ್ಲಿಂದ ಇಲ್ಲಿವರೆಗೆ ಈ ವಿಶ್ವಕಪ್​ನಲ್ಲಿ ಸುಮಾರು 2700 ಕ್ಕೂ ಅಧಿಕ ಗೋಲ್​ಗಳು ದಾಖಲಾಗಿವೆ.

ಆದರೆ 1954 ರ ಫಿಫಾದ ಒಂದು ಪಂದ್ಯದಲ್ಲಿ ಗಳಿಸಲಾದ ಗರಿಷ್ಟ ಗೋಲಿನ ದಾಖಲೆಯನ್ನು ಇನ್ನುವರೆಗೆ ಯಾವ ತಂಡವು ಮುರಿಯಲು ಸಾಧ್ಯವಾಗಿಲ್ಲ ಎಂದರೆ ನೀವು ನಂಬಲೇ ಬೇಕು.

ಫಿಫಾ ವಿಶ್ವಕಪ್​ನಲ್ಲಿ ಒಂದು ಪಂದ್ಯಲ್ಲಿ ಅತ್ಯಂತ ಹೆಚ್ಚು ಗೋಲು ದಾಖಲಾದ ಪಂದ್ಯವೆಂದರೆ ಅದು 1954 ರ ಕ್ವಾಟರ್​ ಫೈನಲ್​ ಪಂದ್ಯ. ಈ ಪಂದ್ಯದಲ್ಲಿ ಆಸ್ಟ್ರಿಯಾ ಮತ್ತು ಸ್ವಿಟ್ಜರ್ಲ್ಯಾಂಡ್ ತಂಡಗಳು ಮುಖಾಮುಖಿಯಾಗಿದ್ದವು.

ಪಂದ್ಯದ ಕೊನೆಯ ವಿಷಲ್​ ಆದಾಗ ಆಸ್ಟ್ರಿಯಾ 7 ಗೋಲುಗಳನ್ನು ಗಳಿಸಿದ್ದರೆ ಸ್ವಿಟ್ಜರ್ಲ್ಯಾಂಡ್ 5 ಗೋಲುಗಳನ್ನು ಗಳಿಸಿಕೊಂಡಿತ್ತು. ಎರಡು ತಂಡಗಳು ಒಟ್ಟಾರೆ 12 ಗೋಲುಗಳನ್ನು ಗಳಿಸಿ ನೂತನ ದಾಖಲೆ ನಿರ್ಮಿಸಿದವು. ಈ ದಾಖಲೆ ಸೃಷ್ಟಿಯಾಗಿ 71 ವರ್ಷ ಕಳೆದರೂ ಯಾವ ತಂಡವು ಇದನ್ನು ಮುರಿಯಲಾಗಿಲ್ಲ.

ಒಟ್ಟಾರೆ 12 ಗೋಲುಗಳ ದಾಖಲೆಯನ್ನು ಮುರಿಯಲು ಸಾಧ್ಯವಾಗದಿದ್ದರೂ 11 ಗೋಲುಗಳನ್ನು ಗಳಿಸಿ ಇನ್ನೇನು ಈ ದಾಖಲೆ ಮುರಿಯುತ್ತದೆ ಎಂದು 3 ಪಂದ್ಯಗಳಲ್ಲಿ ಅನ್ನಿಸಿದುಂಟು.

ಇದೇ 1954 ರ ಫಿಫಾನಲ್ಲಿ ಹಂಗೇರಿ ಮತ್ತು ಪಶ್ಚಿಮ ಜರ್ಮನಿ ನಡುವಿನ ಪಂದ್ಯದಲ್ಲಿ ಹಂಗೇರಿ ತಂಡ 8 ಗೋಲುಗಳನ್ನು ಗಳಿಸಿದರೆ ಪಶ್ಚಿಮ ಜರ್ಮನಿ ತಂಡ ಕೇವಲ 3 ಗೋಲುಗಳನ್ನು ಗಳಿಸಿ ಹೀನಾಯವಾಗಿ ಸೋತಿತ್ತು. ಆದರೆ ಆ ವರ್ಷದ ಫಿಫಾ ವಿಶ್ವಕಪ್​ನ್ನು ಪಶ್ಚಿಮ ಜರ್ಮನಿ ತಂಡವೇ ಗೆದ್ದುಕೊಂಡಿದ್ದು ವಿಶೇಷ.

1938 ರ ಬ್ರೆಜಿಲ್​ ಹಾಗೂ ಪೊಲೆಂಡ್​ ನಡುವಿನ ಪಂದ್ಯದಲ್ಲಿ ಸಹ 11 ಗೋಲುಗಳನ್ನು ಗಳಿಸಲಾಗಿತ್ತು. ಬ್ರೆಜಿಲ್​ 6 ಗೋಲುಗಳನ್ನು ಗಳಿಸಿದರೆ ಪೊಲೆಂಡ್​ 5 ಗೋಲುಗಳನ್ನು ಗಳಿಸಿ ಸೋಲುಂಡಿತ್ತು.

ನಂತರ 1982 ರಲ್ಲಿ ಎಲ್ ಸಾಲ್ವಡಾರ್ ಮತ್ತು ಹಂಗೇರಿ ನಡುವಿನ ಪಂದ್ಯದಲ್ಲಿ ಮತ್ತೆ 11 ಗೋಲುಗಳು ದಾಖಲಾಗಿದ್ದವು. ಈ ಪಂದ್ಯದಲ್ಲಿ ಹಂಗೇರಿ ಭರ್ತಿ 10 ಗೋಲುಗಳನ್ನು ದಾಖಲಿಸಿ ಒಂದು ಪಂದ್ಯದಲ್ಲಿ ಅತ್ಯಂತ ಹೆಚ್ಚು ಗೋಲು ಗಳಿಸಿದ ತಂಡ ಎಂದ ದಾಖಲೆಯನ್ನು ತನ್ನದಾಗಿಸಿಕೊಂಡಿತು,(ಏಜನ್ಸೀಸ್​).