ಬೀಜಿಂಗ್: ಡಾಲ್ಫಿನ್ ಮಾನವೀಯ ಗುಣಗಳನ್ನು ಹೊಂದಿರುವ ಸ್ನೇಹ ಜೀವಿ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ.
ಪೂರ್ವ ಚೀನಾದ ಝೆಜಿಯಾಂಗ್ ಪ್ರದೇಶದ ಸಮುದ್ರ ದಡದಲ್ಲಿ ಸಿಲುಕಿಕೊಂಡಿದ್ದ ಡಾಲ್ಫಿನ್ ಮರಿಯನ್ನು ವ್ಯಕ್ತಿಯೊಬ್ಬ ರಕ್ಷಣೆ ಮಾಡಿದ್ದು, ಅದಕ್ಕೆ ಪ್ರತಿಯಾಗಿ ಡಾಲ್ಫಿನ್ ಕೂಡ ಪ್ರಾಣ ಉಳಿಸಿದ ವ್ಯಕ್ತಿಯ ಬಳಿಬಂದು ಕೃತಜ್ಞತೆ ಸಲ್ಲಿಸಿದೆ. ಈ ಹೃದಯಸ್ಪರ್ಶಿ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ವಿಡಿಯೋವನ್ನು ಪೀಪಲ್ಸ್ ಡೈಲಿ ಚೀನಾ ಮಾಧ್ಯಮ ತನ್ನ ಟ್ವಿಟರ್ ಖಾತೆಯಲ್ಲಿ ನಿನ್ನೆ (ಗುರುವಾರ)ಯಷ್ಟೇ ಶೇರ್ ಮಾಡಿಕೊಂಡಿದ್ದು, ಈವರೆಗೆ ಬರೋಬ್ಬರಿ 21 ಸಾವಿರಕ್ಕೂ ಅಧಿಕ ಮಂದಿ ವೀಕ್ಷಣೆ ಮಾಡಿ ಮುನ್ನುಗ್ಗುತ್ತಿದೆ. (ಏಜೆನ್ಸೀಸ್)