ಮಂಗಳೂರು: ಪ್ರೌಢಾವಸ್ತೆ ಮತ್ತು ಯೌವನದಲ್ಲಿ ಮೊಡವೆ ಸಹಜ. ಇದಕ್ಕೆ ಮನೆಯಲ್ಲೇ ಮದ್ದು ಮಾಡಿಕೊಳ್ಳಬಹುದು, ಇಲ್ಲವೇ ವೈದ್ಯರ ಬಳಿಯೂ ಪರಿಹಾರ ಪಡೆಯಬಹುದು. ಆದರೆ ಇಲ್ಲೊಬ್ಬಳು ತನ್ನ ಮುಖದಲ್ಲಿ ಮೊಡವೆ ಹೆಚ್ಚಾಯಿತೆಂದು ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.
ಇಂತಹ ದುರ್ಘಟನೆ ದಕ್ಷಿಣಕನ್ನಡ ಜಿಲ್ಲೆಯ ಪುತ್ತೂರು ತಾಲೂಕಿನ ಪಾಲ್ತಾಡಿಯಲ್ಲಿ ಸಂಭವಿಸಿದೆ. 15 ವರ್ಷದ ದಿವ್ಯಾ ಮೃತ ದುರ್ದೈವಿ. ಈಕೆ ಕೆಯ್ಯೂರು ಕರ್ನಾಟಕ ಪಬ್ಲಿಕ್ ಶಾಲೆಯಲ್ಲಿ 9ನೇ ತರಗತಿ ಓದುತ್ತಿದ್ದಳು.