ನಾಸಿಕ್: ದಾಳಿ ಮಾಡಲು ಹೊಂಚು ಹಾಕುತ್ತ ಕಾದು ಕುಳಿತಿದ್ದ ಚಿರತೆಯೊಂದನ್ನು ಎರಡು ನಾಯಿಗಳು ಧೈರ್ಯವಾಗಿ ಹಿಮ್ಮೆಟ್ಟಿಸಿರುವ ಘಟನೆ ಮಹಾರಾಷ್ಟ್ರದ ನಾಸಿಕ್ ಜಿಲ್ಲೆಯ ಅಡ್ಗಾಂವ್ ಶಿವಾರ್ ಪ್ರದೇಶದಲ್ಲಿ ನಡೆದಿದೆ.
ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಚಿರತೆಯನ್ನು ಎರಡು ನಾಯಿಗಳು ಹಿಮ್ಮೆಟ್ಟಿಸುತ್ತಿರುವುದು ಕಂಡು ಬರುತ್ತದೆ. ಈ ದೃಶ್ಯವು ಮನೆಯ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ವೈರಲ್ ಆಘಿರುವ ವಿಡಿಯೋದಲ್ಲಿ ಮನೆಯ ಕಾಂಪೌಂಡ್ನಲ್ಲಿ ಎರಡು ನಾಯಿಗಳು ಮಲಗಿದ್ದು ನಿಧಾನವಾಗಿ ಚಿರತೆ ಬಂದು ಅದನ್ಉ ಕೊಂದು ತಿನ್ನಲು ಯತ್ನಿಸುತ್ತದೆ. ಈ ವೇಳೆ ಅಲ್ಲೇ ಮಲಗಿದ್ದ ಮತ್ತೊಂದು ನಾಯಿ ಇದನ್ನು ಗಮನಿಸಿ ಕೂಡಲೇ ಬೊಗಳಲು ಶುರು ಮಾಡುತ್ತದೆ. ಇದರಿಂದ ಗಾಬರಿಗೊಳ್ಳುವ ಚಿರತೆ ತನ್ನ ಬೇಟೆಯನ್ನು ಬಿಟ್ಟು ಓಡಲು ಶುರು ಮಾಡುತ್ತದೆ.
ಇದನ್ನೂ ಓದಿ: 498A ಕಾನೂನನ್ನು ಪತಿ ವಿರುದ್ಧದ ಅಸ್ತ್ರವನ್ನಾಗಿ ದುರ್ಬಳಕೆ ಮಾಡಿಕೊಳ್ಳಲಾಗುತ್ತಿದೆ: ಜಾರ್ಖಂಡ್ ಹೈಕೋರ್ಟ್
ಇದಾದ ಕೆಲ ಕ್ಷಣದ ಬಳಿಕ ಮತ್ತೊಮ್ಮೆ ಹೊಂಚು ಹಾಕಿ ವಾಪಸ್ ಬರುವ ಚಿರತೆಯನ್ನು ಹೆದರದ ರ್ಶವಾನಗಳು ಅದನ್ನು ಧೈರ್ಯವಾಗಿ ಹಿಮ್ಮೆಟ್ಟಿಸಿತ್ತಿರುವ ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ. ಘಟನೆಯ ದೃಶ್ಯ ಮನೆಯ ಸಿಸಿಟಿವಿ ಕ್ಯಾಮರಾಗಳಲ್ಲಿ ಸೆರೆಯಾಗಿದೆ.
ಈ ಕುರಿತು ಪ್ರತಿಕ್ರಿಯಿಸಿರುವ ಅರಣ್ಯಾಧಿಕಾರಿ ವಿರ್ಶರಾಲಿ ಗಾಡೆ ಕಳೆದ ಕೆಲ ದಿನಗಳಿಂದ ಈ ಪ್ರದೇಶದಲ್ಲಿ ಚಿರತೆ ಹಾವಳಿ ಹೆಚ್ಚಾಗಿದ್ದು, ಈಗಅಗಲೇ ಅದನ್ನು ಸೆರೆ ಹಿಡಿಯುವ ಕಾರ್ಯಾಚರಣೆಯನ್ನು ಆರಂಭಿಸಿದ್ದೇವೆ. ಶೀಘ್ರದಲ್ಲೇ ಅದನ್ನು ಹಿಡಿದು ಕಾಡಿಗೆ ವಾಪಸ್ ಬಿಡಲಾಗುವುದು ಎಂದು ತಿಳಿಸಿದ್ದಾರೆ.