ನವದೆಹಲಿ: ಆಕ್ಸ್ಫರ್ಡ್ ಮತ್ತು ಅಸ್ತ್ರಾಜೆನೆಕಾ ಸಂಸ್ಥೆ ಜಂಟಿಯಾಗಿ ತಯಾರಿಸಿರುವ ಕೋವಿಶೀಲ್ಡ್ ಲಸಿಕೆಯನ್ನು ಭಾರತದಲ್ಲಿ 200 ರೂಪಾಯಿ ಡೋಸೇಜ್ಗೆ ಮಾರಾಟ ಮಾಡುವುದಾಗಿ ಲಸಿಕೆ ತಯಾರಿಸುತ್ತಿರುವ ಸಿರಂ ಇನ್ಸ್ಟಿಟ್ಯೂಟ್ ತಿಳಿಸಿದೆ. ಸರ್ಕಾರದೊಂದಿಗೆ ಒಪ್ಪಂದದ ಮೊದಲೇ ಲಸಿಕೆಯ ದರವನ್ನು ನಿಗದಿ ಮಾಡಿದ್ದಾಗಿ ತಿಳಿಸಲಾಗಿದೆ.
ಇದನ್ನೂ ಓದಿ: ಅವನು ಕುಡಿದು ಬಂದು ತೆಗಿ ಅಂತ ಒತ್ತಾಯಿಸ್ತಿದ್ದ, ಇವನು ಜೀವವನ್ನೇ ತೆಗೆದ; ಕೊಲೆಯಲ್ಲಿ ಅಂತ್ಯವಾಯ್ತು ಸಲಿಂಗ ಕಾಮ!
ಲಸಿಕೆಯ ದರದ ಬಗ್ಗೆ ಕೇಂದ್ರ ಸರ್ಕಾರದೊಂದಿಗೆ ಕೆಲವು ಒಪ್ಪಂದಗಳು ಬಾಕಿಯಿತ್ತು. ಇದೀಗ ಆ ಕೆಲಸವೂ ಮುಗಿದಿದೆ ಎಂದು ಸೆರಂ ಇನ್ಸ್ಟಿಟ್ಯೂಟ್ ತಿಳಿಸಿದೆ. 200 ರೂಪಾಯಿಯೊಂದಿಗೆ ಸಿಎಸ್ಟಿ 10 ರೂಪಾಯಿ ಸೇರಲಿದ್ದು, 210 ರೂಪಾಯಿಗೆ ಒಂದು ಡೋಸೇಜ್ ಲಸಿಕೆ ಮಾರಾಟವಾಗಲಿದೆ.
ಕೇಂದ್ರ ಆರೋಗ್ಯ ಸಚಿವಾಲಯದಿಂದ ಲಸಿಕೆಗೆ ಆರ್ಡರ್ ಇದ್ದು, ಅದರಲ್ಲಿ 11 ಮಿಲಿಯನ್ ಡೋಸೇಜ್ ಲಸಿಕೆಯನ್ನು ಮೊದಲ ಹಂತದಲ್ಲಿ ಕಳುಹಿಸಿಕೊಡುತ್ತಿರುವುದಾಗಿ ಸಂಸ್ಥೆ ತಿಳಿಸಿದೆ. ಮುಂಬರುವ ವಾರಗಳಲ್ಲಿ ಆ ಸಂಖ್ಯೆಯನ್ನು ಇನ್ನಷ್ಟು ಹೆಚ್ಚಿಸಿಕೊಳ್ಳುವುದಾಗಿ ತಿಳಿಸಲಾಗಿದೆ. (ಏಜೆನ್ಸೀಸ್)