ನವದೆಹಲಿ : ಕರೊನಾ ಎರಡನೇ ಅಲೆಯ ಹೊಡೆತಕ್ಕೆ ತತ್ತರಿಸುತ್ತಿರುವ ಭಾರತದಲ್ಲಿ ಕರೊನಾ ರೋಗಿಗಳ ಚಿಕಿತ್ಸೆಯಲ್ಲಿ ಅವಶ್ಯಕವಾದ ಆಕ್ಸಿಜನ್ನ ಕೊರತೆ ತಲೆದೋರಿದೆ. ಈ ಸಂದರ್ಭದಲ್ಲಿ ಅಮೆರಿಕ, ಸೌದಿ ಅರೇಬಿಯಾ, ಸಿಂಗಪೂರ್ ಮೊದಲಾದ ರಾಷ್ಟ್ರಗಳು ಆಕ್ಸಿಜನ್ ಮತ್ತು ಆಕ್ಸಿಜನ್ ಕಾನ್ಸಂಟ್ರೇಟರ್ನಂತಹ ಉಪಕರಣಗಳನ್ನು ಸಹಾಯದ ರೂಪದಲ್ಲಿ ಭಾರತಕ್ಕೆ ಕಳುಹಿಸಿವೆ.
ಇದೀಗ ಚೀನಾ ಕೂಡ ಭಾರತ ಆರ್ಡರ್ ನೀಡಿರುವ ಆಕ್ಸಿಜನ್ ಕಾನ್ಸಂಟ್ರೇಟರ್ಗಳ ಉತ್ಪಾದನೆಯನ್ನು ಪೂರೈಸಲು ತನ್ನ ವೈದ್ಯಕೀಯ ಕ್ಷೇತ್ರದ ಉತ್ಪಾದಕರು ಓವರ್ಟೈಮ್ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಿದೆ.
ಚೀನಾದ ಅಂಬಾಸಿಡರ್ ಸುನ್ ವೀಡಾಂಗ್ ಅವರು, "ಇತ್ತೀಚಿನ ದಿನಗಳಲ್ಲಿ ಕನಿಷ್ಠ 25,000 ಆಕ್ಸಿಜನ್ ಕಾನ್ಸಂಟ್ರೇಟರ್ಗಳ ಆರ್ಡರ್ ಬಂದಿದೆ. ಭಾರತದ ಆರ್ಡರ್ಗಳ ಮೇಲೆ ಚೀನಾದ ಮೆಡಿಕಲ್ ಸಪ್ಲೈಯರ್ಗಳು ಓವರ್ಟೈಮ್ ಕೆಲಸ ಮಾಡುತ್ತಿದ್ದಾರೆ. ಮೆಡಿಕಲ್ ಸಪ್ಲೈಗಳಿಗೆ ಕಾರ್ಗೋ ಪ್ಲೇನ್ಗಳನ್ನು ಕಳುಹಿಸುವ ಯೋಜನೆ ಇದೆ. ಚೀನಾದ ಕಸ್ಟಮ್ಸ್ ವಿಭಾಗ ಅಗತ್ಯ ಪ್ರಕ್ರಿಯೆಗೆ ಅನುಕೂಲ ಮಾಡಿಕೊಡಲಿದೆ" ಎಂದು ಟ್ವೀಟ್ ಮಾಡಿದ್ದಾರೆ. (ಏಜೆನ್ಸೀಸ್)