Python: ಬರೊಬ್ಬರಿ 15 ಅಡಿ ಉದ್ದದ ಜೀವಂತ ಹೆಬ್ಬಾವುವೊಂದನ್ನು ರಸ್ತೆಯಲ್ಲಿ ಮಕ್ಕಳ ಗುಂಪೊಂದು 3 ಕಿ.ಮೀ ದೂರದವೆರೆಗೂ ಮರೆವಣಿಗೆ ಮಾಡಿದ ಘಟನೆ ಉತ್ತರ ಪ್ರದೇಶ ಗ್ರಾಮವೊಂದರಲ್ಲಿ ಬೆಳಕಿಗೆ ಬಂದಿದೆ. ಅಲ್ಲದೆ, ಈ ಮೆರವಣಿಗೆಯ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಸಖತ್ ವೈರಲ್ ಆಗಿದೆ.
ಹೌದು, ವರದಿಗಳ ಪ್ರಕಾರ, ಉತ್ತರ ಪ್ರದೇಶದ ಬುಲಂದರ್ಷಾನ ಪಟ್ಟಣದ ಬಳಿಯ ಗ್ರಾಮದಲ್ಲಿ ಈ ಘಟನೆ ನೆಡೆದಿದೆ. 15 ಅಡಿ ಎತ್ತರದ ಬೃಹತ್ ಭಾರತೀಯ ರಾಕ್ ಹೆಬ್ಬಾವನ್ನು ಮಕ್ಕಳು ತಮ್ಮ ಹಳ್ಳಿಯ ಮೂಲಕ ಮೆರವಣಿಗೆ ಮಾಡುವುದನ್ನು ವಿಡಿಯೋದಲ್ಲಿ ಕಾಣಬಹುದು.
ಮಕ್ಕಳು ಬೃಹತ್ ಹಾವನ್ನು ಬರಿ ಕೈಯಲ್ಲಿ ಹಿಡಿದು, ಅದರ ತಲೆ, ಮಧ್ಯಭಾಗ ಮತ್ತು ಬಾಲದಿಂದ ಎತ್ತಿಕೊಂಡು ಬೀದಿಗಳಲ್ಲಿ ನಡೆಯುವ ದೃಶ್ಯವು ಸೆರೆಯಾಗಿದೆ. ಈ ಅಸಾಮಾನ್ಯ ದೃಶ್ಯವು ದೊಡ್ಡ ಜನಸಮೂಹವನ್ನು ಆಕರ್ಷಿಸಿದೆ. ಅನೇಕ ವೀಕ್ಷಕರು ಹೆಬ್ಬಾವಿನೊಂದಿಗೆ ಸೆಲ್ಫಿಗಳನ್ನು ರೆಕಾರ್ಡ್ ಮಾಡಿ ತೆಗೆದುಕೊಂಡರು.
ಇನ್ನು ಇಡೀ ಘಟನೆಯ ಸಮಯದಲ್ಲಿ, ಸ್ಥಳೀಯ ಅಧಿಕಾರಿಗಳು ಮತ್ತು ಅರಣ್ಯ ಇಲಾಖೆ ಮಧ್ಯಪ್ರವೇಶಿಸಲಿಲ್ಲ ಅಥವಾ ಯಾವುದೇ ಕ್ರಮ ಕೈಗೊಳ್ಳಲಿಲ್ಲ ಎಂದು ವರದಿಗಳು ಬಹಿರಂಗಪಡಿಸಿವೆ. ಅಸಾಮಾನ್ಯ ಮತ್ತು ಅಪಾಯಕಾರಿ ಪರಿಸ್ಥಿತಿಯ ಹೊರತಾಗಿಯೂ, ನೋಡುಗರಲ್ಲಿ ಯಾರೂ ಅಧಿಕಾರಿಗಳಿಗೆ ಅಥವಾ ವನ್ಯಜೀವಿ ತಜ್ಞರಿಗೆ ಎಚ್ಚರಿಕೆ ನೀಡಲಿಲ್ಲ ಎಂದು ವರದಿಗಳು ಉಲ್ಲೇಖಿಸಿವೆ.
3 ಕಿ.ಮೀ ದೂರ ಮೆರವಣಿಗೆ ದೈತ್ಯ ಹೆಬ್ಬಾವನ್ನು ಹಳ್ಳಿಯ ಮೂಲಕ ಮೆರವಣಿಗೆ ಮಾಡಿದ ನಂತರ, ಮಕ್ಕಳು ಅದನ್ನು ವೃತ್ತಿಪರರಿಗೆ ಒಪ್ಪಿಸುವ ಬದಲು ಹತ್ತಿರದ ಕಾಡಿಗೆ ಬಿಟ್ಟರು. ವೈರಲ್ ಆದ ವೀಡಿಯೊದಲ್ಲಿ ಮಕ್ಕಳು ಬೃಹತ್ ಹಾವನ್ನು ಹಿಡಿದು ಬೀದಿಗಳಲ್ಲಿ ಸುಮಾರು 3 ಕಿಲೋಮೀಟರ್ ನಡೆದುಕೊಂಡು ಹೋಗುವುದನ್ನು ಸ್ಪಷ್ಟವಾಗಿ ತೋರಿಸಲಾಗಿದೆ.
ಭಾರತೀಯ ರಾಕ್ ಪೈಥಾನ್ ಭಾರತಕ್ಕೆ ಸ್ಥಳೀಯವಾಗಿರುವ ಅತಿದೊಡ್ಡ ಮತ್ತು ಉದ್ದವಾದ ಹಾವುಗಳಲ್ಲಿ ಒಂದಾಗಿದೆ. ವನ್ಯಜೀವಿ SOS ಪ್ರಕಾರ, ಈ ಸರೀಸೃಪವು 20 ಅಡಿ ಉದ್ದದವರೆಗೆ ಬೆಳೆಯಬಹುದು ಮತ್ತು 90 ಕಿಲೋಗ್ರಾಂ ತೂಕ ಇದೆ.(ಏಜೆನ್ಸೀಸ್)