ಕಳಪೆ ಆಹಾರ ಬಡಿಸಿದಕ್ಕೆ ಕ್ಯಾಂಟೀನ್​ ಸಿಬ್ಬಂದಿಗೆ ಕಪಾಳಮೋಕ್ಷ ಮಾಡಿದ MLA..! ವಿಡಿಯೋ ವೈರಲ್​

MLA: ಮುಂಬೈನ ಆಕಾಶವಾಣಿ ಶಾಸಕರ ಅತಿಥಿಗೃಹದಲ್ಲಿ ಶಿವಸೇನಾ(ಶಿಂಧೆ ಬಣ) ಸಂಜಯ್​ ಗಾಯಕ್ವಾಡ್​, ಕ್ಯಾಟಿಂನ್​ ಸಿಬ್ಬಂದಿಗೆ ಕಪಾಳಮೋಕ್ಷ ಮಾಡಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಬುಲ್ದಾನಾ ಕ್ಷೇತ್ರ ಪ್ರತಿನಿಧಿಸುವ ಸಂಜಯ್ ಗಾಯಕ್ವಾಡ್ ಅವರು ಶಾಸಕರ ಅತಿಥಿ ಗೃಹ ಕ್ಯಾಂಟೀನ್‌ನಲ್ಲಿ ನೀಡಲಾಗುವ ಆಹಾರದ ಗುಣಮಟ್ಟದ ಬಗ್ಗೆ ಅತೃಪ್ತರಾಗಿದ್ದರು ಎಂದು ವರದಿ ಉಲ್ಲೇಖಿಸಿದೆ.

ತನಗೆ ಬಡಿಸಲಾದ ಕಳಪೆ ಗುಣಮಟ್ಟದ ಆಹಾರಕ್ಕೆ ಪ್ರತಿಕ್ರಿಯೆಯಾಗಿ, ಸಂಜಯ್​​ ಗಾಯಕ್ವಾಡ್​  ಇತರರೊಂದಿಗೆ ಸೇರಿ ಕ್ಯಾಂಟೀನ್ ಉದ್ಯೋಗಿಗಳಲ್ಲಿ ಒಬ್ಬನ ಮೇಲೆ ಹಲ್ಲೆ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ.

ರಾತ್ರಿ 9.30 ಅಥವಾ 10 ಗಂಟೆ ಸುಮಾರಿಗೆ, ನಾನು ಊಟಕ್ಕೆ ಕ್ಯಾಂಟೀನ್‌ಗೆ ಹೋಗಿದ್ದೆ. ನಾನು ಸೇರಿದಂತೆ ಗ್ರಾಮೀಣ ಪ್ರದೇಶದ ಹೆಚ್ಚಿನ ಶಾಸಕರು ಅಲ್ಲಿಯೇ ಇರುತ್ತೇವೆ. ನಾನು ವಾರಣ್ ಭಾತ್(ದಾಲ್​) ತಿನ್ನಲು ತೆಗೆದುಕೊಂಡೆ, ಮತ್ತು ನಾನು ಮೊದಲ ತುತ್ತು ತಿಂದ ಕ್ಷಣ, ಅದು ಹುಳಿ ರುಚಿ ನೋಡಿದೆ. ಎರಡನೇ ತುತ್ತಿನಲ್ಲಿ, ನಾನು ನಿಜವಾಗಿಯೂ ವಾಂತಿ ಮಾಡಿದೆ. ನಾನು ಅದರ ವಾಸನೆಯನ್ನು ಕೇಳಿದಾಗ, ಅದು ಹಳಸಿದ ಆಹಾರ ಎಂದು ನನಗೆ ಅರಿವಾಯಿತು. ನಾನು ಕ್ಯಾಂಟೀನ್ ಸಿಬ್ಬಂದಿಯನ್ನು ಎದುರಿಸಿ ನನಗೆ ವಿಷ ಬಡಿಸುತ್ತಿದ್ದಾರೆಯೇ ಎಂದು ಕೇಳಿದೆ ಎಂದು ಗಾಯಕ್ವಾಡ್ ಹೇಳಿದರು.​

ಇದು ಮೊದಲ ಬಾರಿಗೆ ಅಲ್ಲ - ಅವರು ಈ ಹಿಂದೆಯೂ ಕಳಪೆ ಗುಣಮಟ್ಟದ ಆಹಾರವನ್ನು ನೀಡುತ್ತಿದ್ದಾರೆ, ಮತ್ತು ನಾನು ಮೊದಲು ಎರಡು ಬಾರಿ ಅವರನ್ನು ಎದುರಿಸಿದ್ದೇನೆ. ನಡೆಯುತ್ತಿರುವ ಶಾಸಕಾಂಗ ಅಧಿವೇಶನದಲ್ಲಿ ನಾನು ಈ ವಿಷಯವನ್ನು ಎತ್ತುತ್ತೇನೆ" ಎಂದು ಗಾಯಕ್ವಾಡ್ ಹೇಳಿರುವುದಾಗಿ ಪಿಟಿಐ ವರದಿ ಮಾಡಿದೆ.(ಏಜೆನ್ಸೀಸ್​)