ಚೆನ್ನೈ: ಕೆಲಸ ಮಾಡಿಸಿಕೊಂಡು ಸಂಬಳ ಕೊಡದ ಕಾಲದಲ್ಲಿ ಇಲ್ಲೊಂದು ಕಂಪನಿ ಕೆಲಸಗಾರರಿಗೆ ಕಾರುಗಳನ್ನು ಗಿಫ್ಟ್ ಮಾಡುವ ಮೂಲಕ ಭಾರೀ ಮೆಚ್ಚುಗೆ ಗಳಿಸಿದೆ.
ಕಾರ್ಪೊರೆಟ್ ವಲಯದ ಐಡಿಯಾಸ್-2 ಕಂಪನಿ ತನ್ನ ನೌಕರರಿಗೆ ಮಾರುತಿ ಸುಜುಕಿಯ 100 ಕಾರುಗಳನ್ನು ಗಿಫ್ಟ್ ಮಾಡಿದೆ. ತಮ್ಮ ಕಂಪನಿ ಯಶಸ್ಸಿಗೆ ನೌಕರರೇ ಕಾರಣ ಹಾಗಾಗಿ ಅವರಿಗೆ ಕಾರು ಗಿಫ್ಟ್ ಮಾಡುವ ಮೂಲಕ ನಮ್ಮ ಯಶಸ್ಸಿನ ಸಂಭ್ರಮವನ್ನು ಆಚರಿಸಿಕೊಳ್ಳುತ್ತಿದ್ದೇವೆ ಎಂದು ಮಾರ್ಕೆಟಿಂಗ್ ಮುಖ್ಯಸ್ಥ ಸುಬ್ರಮಣಿಯನ್ ಹೇಳಿದ್ದಾರೆ.
ಸಂಸ್ಥೆ ಬೆಳೆಯಲು ನೌಕರರು ಅತಿಹೆಚ್ಚು ಪರಿಶ್ರಮ ಹಾಕಿರುತ್ತಾರೆ. ಇದು ಉಡುಗೊರೆ ಅಲ್ಲ ಅವರ ಪರಿಶ್ರಮದ ಫಲ ಎಂದು ಸಂಸ್ಥಾಪಕ ಮುರುಳಿ ವಿವೇಕಾನಂದಂ ಹೇಳಿದ್ದಾರೆ. ಏನೇ ಆದರೂ ಈ ಕಂಪನಿ ನೌಕರರ ಪಾಲಿಗೆ ಅದೃಷ್ಟವೇ ಸರಿ.